POP 5

Lajmet më të lexuara të 5 minutave të fundit

Bota

Lufta në Ukrainë/ Katari po tenton të zgjerojë fushën e ndërmjetësimit mes Kievit dhe Moskës! Forcat ajrore të dy shteteve lëshojnë dronë njëra-tjetrës gjatë natës

Zyrtari i Ministrisë së Jashtme të Emirateve bëri me dije se po rinegociohet pozicioni i Katarit si ndërmjetësues mes Rusisë dhe Ukrainës. Ndërkohë gjatë natës kanë vijuar luftimet me dronë, teksa Rusia dhe Ukraina kanë sulmuar njëra-tjetrën duke lëshuar dronë. 

Lufta në Ukrainë/ Katari po tenton të zgjerojë fushën e ndërmjetësimit mes Kievit dhe Moskës! Forcat ajrore të dy shteteve lëshojnë dronë njëra-tjetrës gjatë natës

Lufta në Ukrainë

Katari, i cili vepron si një ndërlidhës midis Rusisë dhe Ukrainës për çështjen e ribashkimit të fëmijëve të marrë nga zonat e luftës, po negocion për të zgjeruar fushën e ndërmjetësimit të tij.

Këtë e ka bërë të ditur përfaqësuesi zyrtar i Ministrisë së Punëve të Jashtme të Emiratit Majid bin Mohammed al-Ansari.

‘Ne kemi punuar që nga dita e parë për të gjetur mënyra për të vendosur dialogun midis Rusisë dhe Ukrainës’, tha ai në podkastin ‘One Decision’. ‘Ne jemi duke negociuar për lloje të tjera ndërmjetësimi. Së fundmi kemi filluar të punojmë për çështjen e robërve të luftës’, shtoi diplomati.

Sakaq, luftimet në territorin ukrainas vijojnë, teksa së fundmi Zelensky mori lejen nga perëndimi që të përdor raketa amerikane për të sulmuar Rusinë.

Megjithatë gjatë natës, bën me dije ministria ruse e Mbrojtjes, janë përgjuar dhe shkatërruar 47 dronë ukrainas nga sistemet ruse të mbrojtjes ajrore.

29 prej tyre u kapën në rajonin e Rostovit, 8 në Krasnodar, 3 në Belgorod, Bryansk dhe Voronezh dhe 1 në Republikën e Krimesë.

Ndërsa, Rusia iu kundërpërgjigj me 132 dronë, 88 prej të cilëve u rrëzuan nga mbrojtja ajrore e Kievit, sipas njoftimit të Forcave Ajrore të Ukrainës. Pas sulmit, infrastruktura, makina, ndërtesa private dhe pallate u dëmtuan në disa rajone të vendit.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Zbulohet në Prishtinë laboratori i sofistikuar për falsifikimin e dokumenteve (FOTOT)

Zbulohet në Prishtinë laboratori i sofistikuar për falsifikimin e dokumenteve (FOTOT)

28 Janar, 21:28