Të mavijosur, e me shenja të forta dhune, 4 të dyshuarit si autorë të sulmit në sallën e koncerteve Crocus City në Moskë, kanë dalë para gjykatës ku u vendos se do të qëndrojnë në paraburgim deri më 22 maj. Ata akuzohen për kryerjen e një akti terrorist, akuzë që sipas Kodit Penal rus dënohet me burgim të përjetshëm.
Të 4 të pandehurit janë nga Taxhikistani, një ish-republikë sovjetike, dhe kishin qenë në Rusi ose me viza të përkohshme ose me viza të skaduara. Ata u deklaruan fajtorë për të gjitha akuzat lidhur me sulmin e së premtes ku u vranë të paktën 137 persona dhe 69 të tjerë janë në gjendje kritike.
Të arrestuarit kanë shenja të dukshme dhune, por zëdhënësi i Kremlinit nuk i ka dhënë përgjigje pyetjes nëse ata ishin torturuar.
E diela ishte ditë zie kombëtare në Rusi, ndërsa janë shtuar polemikat mes Kremlinit dhe Uashingtonit që beson se sulmi është realizuar nga ISIS. Ndryshe pretendon Moska, që fajëson Kievin, e në këtë qasje, ajo ka nisur një valë të re bastisjesh në të gjithë Ukrainën.
Presidenti Rus Putin në një deklaratë pretendoi se të dyshuarit kryesorë planifikonin të iknin në Ukrainë, por Volodimir Zelensky tha se ishte absurde të mendohet se burrat po përpiqeshin të kalonin një kufi të minuar rëndë, i mbushur me qindra mijëra ushtarë rusë.
Adrienne Watson, zëdhënësja e këshillit të sigurimit kombëtar të SHBA, tha se ISIS mbante përgjegjësinë e vetme për këtë sulm. Ambasadorja e SHBA në Ukrainë raportoi këtë mëngjes se Rusia kishte goditur Ukrainën dhe Kievin duke përdorur raketa hipersonike. Në total, që prej nisjes së luftës, Ukraina thotë se ka vrarë rreth 437 mijë ushtarë rusë.
Vladimir Putin ka pranuar se masakra e Moskës u krye nga radikalët islamikë, por ka evokuar edhe një herë përgjegjësinë e Ukrainës.
‘Ne duhet t’i përgjigjemi pyetjes pse terroristët po përpiqeshin të shkonin në Ukrainë dhe kush po i priste atje’, tha presidenti rus, cituar nga Ria Novosti.
Sulmi ishte ‘një frikësim i Rusisë dhe lind pyetja se kush përfitoi nga kjo’, shtoi ai, duke akuzuar SHBA-në se ‘po përpiqen të bindin të gjithë’ se Kievi nuk kishte asnjë rol.
Presidenti francez, Emmanuel Macron deklaroi se i njëjti grup që besohet se qëndron pas sulmit në Rusi ka tentuar të kryejë gjithashtu disa sulme në Francë kohët e fundit.
“Ky grup u përpoq gjithashtu të kryente disa veprime në tokën tonë,” u tha ai gazetarëve.
Nënkryetari i Këshillit të Sigurimit rus Dimitry Medvedev, i dha forcë debatit që është rihapur në Rusi për rivendosjen e dënimit me vdekje për terrorizmin.
"Të gjithë po më pyesin mua. Çfarë do të bëni? Ata u kapën. A duhet të vriten? Është e nevojshme! Dhe do të jetë! Por është shumë më e rëndësishme të vriten të gjithë të përfshirët në sulm! Të gjithë! Kush pagoi! Ne duhet t'i vrasim të gjithë."- tha Medvedev.
Lajme të tjera
-
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Dronët godasin ndërtesa të larta në Kazan të Rusisë
21 Dhjetor, 21:07
