Kievi dyshon se Moska do të ruajë gjithë arsenalin e vet të armëve brenda centralit bërthamor të Zaporizhizhës, pasi janë të sigurtë se nuk do të bombardohet. Moska ka deklaruar qartë për herë të parë se qëllimet e saj në Ukrainë shkojnë përtej Donbass: "Jo vetëm Donetsk dhe Lugansk, por edhe Kherson, Zaporizhzhia dhe një numër territoresh të tjera," tha ministri i jashtëm rus Serghei Lavrov. duke shtuar se " tani gjeografia ka ndryshuar ”. Fjalët që mbyllin çdo dritare negocimi mbi bazën e platformës së rënë dakord marsin e kaluar në Stamboll.
Kievi reagoi duke bërë thirrje për më shumë armë dhe më shumë mbështetje për Perëndimin. E gjithë kjo ndërkohë që bombardimet dhe luftimet ruse vazhdojnë në atë që i ngjan një loje shahu mes dy komandave ushtarake.
Ndërkohë Rusia më 21 korrik riktheu furnizimet e gazit në Evropë përmes Gjermanisë, duke rihapur gazsjellësin Rrjedha Veriore 1, dhjetë ditë pasi ky gazsjellës u mbyll për t’iu nënshtruar mirëmbajtjes.
Një deklaratë e fortë ka ardhur nga ish-presidenti rus Dmitry Medvedev, i cili paralajmëroi sot se Ukraina mund të 'zhduket nga harta e botës' mes pushtimit të vendit nga presidenti rus Vladimir Putin.
Medvedev paralajmëroi se NATO po krijonte një kërcënim real të konfliktit botëror dhe vdekjes së një pjese të konsiderueshme të njerëzimit duke dërguar pajisje ushtarake në Ukrainë dhe trupa në vendet në krahun lindor të Evropës, si Estonia dhe Lituania.
Ish-presidenti rus Dmitry Medvedevparalajmëroi sot se Ukraina mund të 'zhduket nga harta e botës' mes pushtimit të vendit nga presidenti rus Vladimir Putin.
Medvedev paralajmëroi se NATO po krijonte një kërcënim real të konfliktit botëror dhe vdekjes së një pjese të konsiderueshme të njerëzimit duke dërguar pajisje ushtarake në Ukrainë dhe trupa në vendet në krahun lindor të Evropës, si Estonia dhe Lituania.
Nënshkrimi zyrtar i marrëveshjes që do të lejojë kalimin e 35 milionë tonë grurë ukrainas përmes Detit të Zi është planifikuar për në orën 16:30 ditën e nesërme në Stamboll.
Sekretari i Përgjithshëm i OKB-së Antonio Guterres mbërriti në Stamboll së bashku me një delegacion.
"U arrit një marrëveshje për kushtet e përgjithshme për një plan për të lejuar largimin nga portet ukrainase të drithërave dhe produkteve të tjera ushqimore. Delegacionet do të takohen sërish javën e ardhshme për nënshkrime", është shprehur ministri turk i Mbrojtjes Hulusi Akar.
Palët ranë dakord me propozimin për krijimin e një qendre koordinimi në Stamboll, e cila, me pjesëmarrjen e delegatëve nga Rusia, Ukraina, Turqia dhe Kombet e Bashkuara, monitoron dhe gjurmon rrugën e anijeve në dalje. Përcaktuese për marrëveshjen përfundimtare ishte dukshëm marrëveshja dypalëshe mes presidentëve të Turqisë dhe Rusisë, Rexhep Tajip Erdogan dhe Vladimir Putin, e cila u zhvillua dy ditë më parë në Teheran.
Ministri i Jashtëm i Hungarisë, Peter Szijjarto, ka arritur në Moskë për të diskutuar për furnizimet me gaz për shtetin e tij, si dhe për të gjetur zgjidhje paqësore për luftën në Ukrainë, sipas deklaratave që ai ka dhënë më 21 korrik.
Szijjarto do të takohet me ministrin e Jashtëm rus, Sergei Lavrov dhe zëvendëskryeministrin rus, Aleksandr Novak.
“Kemi arritur në Moskë. Kemi dy detyra përpara: të sigurojmë se do të ketë gaz natyror për popullin hungarez, dhe të theksojmë se duam paqe sa më shpejt që është e mundur”, ka thënë Szijjarto në faqen e tij në Facebook.
Ndërkohë që spekulimet rriten lidhur me një gjendje jo të mirë shëndetësore të presidentit rus Vladimir Putin, Rusia i ka hedhur poshtë të gjitha thashethemet.
“Vladimir Putin është në gjendje të mirë shëndetësore”, ka thënë Kremlini, duke hedhur poshtë zërat se presidenti rus vuante nga një sëmundje pasi një udhëtim i tij jashtë vendit u anulua.
Më herët, një burim qeveritar kishte thënë se udhëtimi i Putinit në Nur-Sulltan i planifikuar për këtë javë ishte anuluar sepse Putini ishte sëmurë, duke nxitur spekulime në mediat sociale se lideri 69-vjeçar nuk ishte mirë.
Të enjten, Zëdhënësi i Kremlinit Dmitry Peskov tha në përgjigje të një pyetjeje në konferencën e tij të përditshme, "Gjithçka është në rregull me shëndetin e tij".
“Ju e dini që specialistët e informacionit ukrainas, dhe ata amerikanë dhe britanikë, kanë hedhur në treg falsifikime të ndryshme për gjendjen e shëndetit të presidentit në muajt e fundit, këto nuk janë gjë tjetër veçse falsifikime,” shtoi ai.
Këshilli i BE-së miratoi ditën e sotme paketën e ruajtjes dhe harmonizimit të sanksioneve kundër Rusisë për luftën në Ukrainë, e cila përfshin masa të reja që synojnë t'i japin një kthesë tjetër goditjes, duke rritur presionin ndaj Moskës. Paketa përmban një ndalim për blerjen, importimin ose transferimin, drejtpërdrejt ose tërthorazi, ari nga Rusia, nëse është prodhuar në Rusi dhe prej andej është eksportuar në BE ose vende të treta. Ndalimi mbulon edhe bizhuteritë.
Zgjerohet lista e objekteve të kontrolluara, të cilat mund të kontribuojnë në përparimin ushtarak dhe teknologjik të Federatës Ruse. Për masat ekzistuese janë paraqitur sqarime të ndryshme,për shembull , Asistenca teknike për Rusinë në aviacionin civil lejohet, për aq sa është e nevojshme të pajtohen me standardet e ICAO. BE ka zgjatur gjithashtu përjashtimin nga ndalimi i transaksioneve me disa subjekte publike ruse në lidhje me produktet bujqësore dhe transportin e naftës në vendet e treta. Zgjerohet lista e subjekteve të sanksionuara dhe përfshihet detyrimi që këta të fundit të vetëkallëzojnë pasuritë që zotërojnë në BE.
Komisioni Evropian Ursula von der Leyen tha se përforcimi i sanksioneve e shtrirja në kohë e tyre i dërgon "një sinjal të fortë Moskës se ne do të vazhdojmë të ushtrojmë trysni për aq kohë sa të duhet".
Rusia më 21 korrik riktheu furnizimet e gazit në Evropë përmes Gjermanisë, duke rihapur gazsjellësin Rrjedha Veriore 1, dhjetë ditë pasi ky gazsjellës u mbyll për t’iu nënshtruar mirëmbajtjes.
Por, dërgesat e gazit pritet që të jenë në sasi më të vogël sesa kapaciteti i këtij gazsjellësi.
Pas rritjes së tensioneve për shkak të luftës së Rusisë në Ukrainë, zyrtarët gjermanë kishin shprehur frikën se gazsjellësi Rrjedha Veriore 1, që ishte i mbyllur që nga 11 korriku për mirëmbajtje të rregullt vjetore, mund të mos rihapej fare.
Shefi i CIA-s, Willian Burns, thotë se nuk ka asnjë të dhënë nga inteligjenca amerikane se presidenti rus Vladimir Putin është në gjendje të rëndë shëndetësore.
Së fundimi ka pasur në rritje spekulime të pakonfirmuara mediatike se Putin, i cili mbushi 70 vjeç këtë vit, mund të vuante nga shëndeti dhe se ishte sëmurë nga kanceri.
Por William Burns tha se nuk kishte prova për ta konfirmuar këtë, duke bërë shaka se ai dukej "shumë i shëndetshëm".
"Ka shumë thashetheme për shëndetin e Presidentit Putin dhe me sa mund të themi se ai është plotësisht shumë i shëndetshëm," tha zoti Burns në Forumin e Sigurisë Aspen në Kolorado.
Burns, i cili shërbeu si ambasador në Moskë, tha se ai kishte vëzhguar dhe marrë me liderin rus për më shumë se dy dekada.
Komente
Lajme të tjera
-
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37
Tani qe i vendosen sanksione tebreja ja futen Putinit keta trapat , ai ju ka kapur per ko…h o budallenj pa energji nuk ka industri dhe ju pa industri vdisni per buke prandaj lerini keto idiotsira dhe uluni per negociata
Përgjigju