Bombardohet spitali në Mariupol, fëmijë nën rrënoja! Zelensky: Kompromis, por pa tradhtuar vendin! Pentagoni: Avionët polakë s'do dërgohen në Kiev, me rrezik

Bombardimi i spitalit në Mariupol ka sjell edhe reagimin e qeverisë ruse, e cila pretendon se kanë pasur informacione se brenda spitalit ka pasur ushtarë ukrainas dhe jo fëmijë. Zëdhënësja e Ministrisë së Jashtme ruse Maria Zakharova ka akuzoi Ukrainën për vendosjen e pozicioneve luftarake në spital.

“Në Mariupol, batalionet ukrainase, pasi dëbuan stafin dhe pacientët nga materniteti, vendosën ushtarëT”, tha zëdhënësja e Ministrisë së Jashtme ruse, Maria Zakharova.

Një media ruse ka deklaruar se armë termobarike janë përdorur gjatë sulmeve në qytetin Mykolaiv të Ukrainës, duke folur kështu për përdorimin e këtij lloji të armës së ndaluar nga ligji ndërkombëtar. Gjithashtu sipas mediave lokale, mbi 130 shtëpi në Mykolaiv u dëmtuan nga bombardimet.

Kombet e Bashkuara dhe Organizata Botërore e Shëndetësisë po bëjnë thirrje për “ndalimin e menjëhershëm të sulmeve nga shtëpive të kujdesit, spitaleve, punëtorëve shëndetësorë dhe ambulancave”.

“Asnjëra nga këto nuk duhet asnjëherë të shënjestrohet”, tha zëdhënësi i OKB-së, Stephane Dujarric.

Ai tha se OKB-ja po ndjek me vëmendje raportimet për sulmin “shokues” ndaj maternitetit dhe spitalit të fëmijëve në Mariupol.

Nga ky sulm, që ndodhi më 9 mars, është raportuar se janë plagosur të paktën 17 persona.

Ndërkaq, Organizata Botërore e Shëndetësisë ka thënë se deri më tani ka verifikuar të paktën 18 sulme ndaj objekteve shëndetësore, që prej se pushtimi rus i Ukrainës nisi dy javë më parë.

OBSH-ja tha se në këto sulme janë vrarë të paktën dhjetë persona dhe janë plagosur 16 të tjerë.

Ministri i Jashtëm rus Sergej Lavrov dhe ministri i jashtëm ukrainas Dmytro Kuleba kanë mbërritur mbrëmjen e sotme në provincën turke të Antalias përpara një takimi trepalësh të nivelit të lartë midis Turqisë, Rusisë dhe Ukrainës. Lavrov, Kuleba dhe delegacionet e tyre shoqëruese zbarkuan në aeroportin e Antalias dhe udhëtuan drejt një hoteli ku do të qëndrojnë. Delegacionet do të qëndrojnë në hotele të veçanta përpara takimit vendimtar të enjten, si pjesë e përpjekjeve të Turqisë për të ndërmjetësuar bisedimet midis dy vendeve.

Shtetet e Bashkuara të Amerikës do t'i dërgojnë Ukrainës më shumë armë për t'u mbrojtur. Kjo u bë me dije nga një zëdhënës i Pentagonit, i cili tha: "Shtetet e Bashkuara shohin nevojën për t'i dhënë Ukrainës më shumë armë për të ndihmuar në mbrojtjen e vetvetes". Uashingtoni shtoi po ashtu se avioni polak  Mig-29 nuk do të transferohet në Kiev, pasi është shumë e rrezikshme. Polonia u tregua e gatshme të dërgonte avionët e saj luftarakë në dispozicion të SHBA, për t'i dërguar në Ukrainë, por një gjë e tillë duket se nuk do të ndodhë.

Djali i madh i një deputeti konservator dhe ish-ministër i qeverisë Cameron u largua për të luftuar në Ukrainë me një grup ish-ushtarësh britanikë. Ben Grant, 30 vjeç, djali i Helen Grant, kaloi mbi 5 vjet në Marinsat Mbretërore. Këtë e raporton The Guardian

Ministrja e Jashtme britanike Liz Truss njoftoi se ata do të sigurojnë mbrojtje kundërajrore për Ukrainën

"Mënyra më e mirë për të ndihmuar në mbrojtjen e qiejve është nëpërmjet armëve kundërajrore, të cilat Britania e Madhe do t'i furnizojë tani Ukrainës", tha Truss, i cili u takua me Sekretarin e Shtetit të SHBA Antony Blinken në Uashington.

Një zyrtar i lartë i Selisë së Shenjtë ka dënuar shpërthimin e raportuar me bombë në një spital për fëmijë dhe maternitet në Mariupol si "të papranueshme". Kardinali Pietro Parolin, Sekretari i Shtetit i Vatikanit, u tha gazetarëve: "Unë them se bombardimi i një spitali është i papranueshëm. Nuk ka arsye, nuk ka motive për ta bërë këtë."

Vatikani e ka ofruar veten si ndërmjetës në luftën e Rusisë kundër Ukrainës.

Reuters raporton se Papa Françesku theu protokollin diplomatik të premten e kaluar dhe bëri një vizitë në ambasadën lokale ruse për të transmetuar shqetësimet e tij për pushtimin.

Presidenti i Ukrainës, Volodymyr Zelenski ka deklaruar se është gati për kompromis me Rusinë, por pa tradhtuar Ukrainën.

"Në çdo negociatë, qëllimi im është t'i jap fund luftës me Rusinë. Dhe gjithashtu jam gati të ndërmarr hapa të caktuar. Kompromiset mund të arrihen, por këto nuk duhet të përfaqësojnë një tradhti ndaj vendit tim. Edhe pala tjetër duhet të jetë e gatshme për lëvizje, ndaj quhen kompromise. Dhe vetëm kështu mund të dalim nga kjo situatë”, tha ai.

Ndalur te sanksionet e Perëndimit, Zelensky tha se nëse do të ishin vërtet të ashpra, ofensiva do të kishte ndalur tashmë.

"Ata ende blejnë naftë dhe gaz rus. Kompanitë perëndimore vazhdojnë të operojnë në tregun rus duke u fshehur pas justifikimeve të ndryshme. Po, ka sanksione dhe ne jemi mirënjohës për këtë. Por ne jemi subjekt i një sulmi që të kujton më të keqen e Luftës së Dytë Botërore. Kjo është arsyeja pse sanksionet duhet të forcohen më tej”, u shpreh ai, në një intervistë për të përjavshmen gjermane Die Zeit.

Deklaratave të Perëndimit se nuk mund të vendosë zonën e ndalim-fluturimit mbi Ukrainë, Zelensky iu përgjigj duke kërkuar që t'i japin avionë luftarakë dhe sistemet e mbrojtjes ajrore "me të cilat ne mund të sigurojmë qiejt tanë".

Ndërsa për kërcënimin e njëe lufte bërthamore, Zelensky tha se është blof i Putin.

"Unë mendoj se kërcënimi i luftës bërthamore është një bllof. Një gjë është të jesh vrasës, tjetër të bësh vetëvrasje. Përdorimi i armëve bërthamore do të nënkuptonte fundin për të gjithë, jo vetëm për personin që i përdor ato. Përkundrazi, kërcënimi i Putinit tregon një dobësi. Përdorimi i armëve bërthamore është kërcënim vetëm kur asgjë tjetër nuk funksionon”, tha presidenti ukrainas, Volodymyr Zelensky.

"Një numër i vogël ushtarësh britanikë nuk i janë bindur urdhrave dhe mund të kenë udhëtuar në Ukrainë për të luftuar"ka konfirmuar Ushtria Britanike.

Ushtarët mungonin pa leje dhe mund të kenë shkuar në Ukrainë "në mënyrë personale", thuhej në reagimin e ushtrisë.

“Ne po i inkurajojmë në mënyrë aktive dhe fuqimisht që të kthehen në Mbretërinë e Bashkuar ”, shtoi një zëdhënës.

Kreu i forcave të armatosura britanike ka thënë më parë se britanikët nuk duhet të shkojnë në Ukrainë për të luftuar – dhe në vend të kësaj duhet të ndihmojnë në mënyra të tjera nga MB.

Javën e kaluar ushtarët në shërbim u paralajmëruan se nisja për në Ukrainë si përgjigje ndaj pushtimit rus rrezikonte t'i jepte Rusisë "perceptimin e gabuar" se Britania kishte dërguar trupa për të luftuar.

Qindra ish-ushtarë britanikë, të cilët kanë përfunduar kohën e tyre në shërbimet e armatosura, kanë thënë se duan të shkojnë në Ukrainë për të luftuar ose për të ndihmuar në përpjekjet mjekësore ose humanitare.

Ushtria e Vladimir Putinit duket se është në vështirësi me ushqime, ndërsa zgjidhjen e kanë gjetur duke vjedhur nëpër fshatra. Një video e publikuar tregon ushtarët rusë duke vjedhur pula nga një kotec në një fshat të Ukrainës. Ata duken teksa godasin pulat dhe më pas i marrin me vete.

Kryeministri i Britanisë, Boris Johnson, ka reaguar pas sulmit rus ndaj një spitali të fëmijëve dhe maternitetit në Mariupol të Ukrainës.

“Ka pak gjëra më të liga sesa të shënjestrosh më të pambrojturit”, ka shkruar ai në Twitter.

Ai tha se shteti i tij po shikon për mënyra për të ndihmuar Ukrainën që të mbrohet kundër sulmeve ajrore. Johnson tha se Qeveria britanike do ta mbajë përgjegjës presidentin rus, Vladimir Putin, “për krimet e tij të tmerrshme”.

Sekretari amerikan i Shtetit, Antony Blinken, tha se është “absurd” insistimi i Rusisë që ukrainasit të evakuohen përmes korridoreve humanitare që çojnë në Rusi.

“Është ofenduese të sugjerosh që populli ukrainas duhet të kërkojë strehim nga e njëjta Qeveri që ka demonstruar kaq shumë mospërfillje për jetën e tyre”, tha Blinken për gazetarët, pas një takimi me sekretaren britanike të Jashtme, Liz Truss në Uashington.

Ai i bëri thirrje Rusisë që të lejojë ukrainasit të largohen nga qytetet që po “bombardohen vazhdimisht” nga trupat ruse.

“Rusia e ka pushtuar Ukrainën pa justifikim”, tha ai, duke shtuar se duhet të respektohen korridoret humanitare, në mënyrë që banorët e qyteteve të rrethuara ukrainase të mund të evakuohen.

"Ne kurrë nuk duhet të arrijmë në përdorimin e armëve bërthamore", kështu deklaroi Sekretari amerikan i Shtetit, Antony Blinken. Komenti u bë në një konferencë të përbashkët për shtyp me homologen britanike Liz Truss në Uashington për krizën në Ukrainë.

Londra i ka kërkuar G7 të ndalojë importet e naftës ruse. Thirrja u bë nga ministrja e Jashtme britanike Elizabeth Truss në një konferencë të përbashkët shtypi në Uashington me Sekretarin Amerikan të Shtetit, Antony Blinken.

Evakuohet jetimorja "MM Gorodetsky" në Vorzel. Të gjithë fëmijët dhe edukatorët u nxorën nga jetimorja e qytetit të Kievit dhe u strehuan në një nga spitalet e kryeqytetit.

Amazon ka njoftuar ndalimin e aktiviteteve të saj tregtare në Rusi për shkak të pushtimit të Ukrainë. Gjiganti pezulloi aksesin në kanalin e tij video Prime për klientët në Rusi, ndaloi dërgimin e produkteve në Rusi dhe Bjellorusi dhe ndaloi aksesin te klientët e rinj të shërbimit cloud Aws me bazë në të dy vendet.

Evakuimi është duke u zhvilluar në rajonin e Kievit: deri në orën 16:00, rreth 700-800 njerëz janë evakuuar. Lajmi është bërë i ditur nga Ministri i Brendshëm Monastyrskyi.

Presidenti rus Vladimir Putin dhe kancelari gjerman Olaf Scholz kanë zhvilluar një bisedë telefonike. Kjo bisedë telefonike vjen një ditë para takimit të planifikuar mes ministrit të jashtëm rus dhe ministrit të jashtëm ukrainas. Kujtojmë që Zelensky i ka kërkuar më parë Scholz-it të organizonte një takim të drejtpërdrejtë me Putinin.

Presidenti i Ukrainës, Zelensky ka postuar një video nga bombardimet e fundit të rusëve në qytetin e Moriupolit. Rusë kanë bombarduar një maternitet, ndërsa njerëz dhe fëmijë ndodhen nën rrënoja.

"Mariupol. Goditja e drejtpërdrejtë e trupave ruse në maternitetin. Njerëzit, fëmijët janë nën rrënojat. Mizori! Edhe sa kohë do të jetë bota një bashkëpunëtor që injoron terrorin? Mbylle qiellin tani! Ndaloni vrasjet! Ju keni fuqi, por ju duket se po humbni njerëzimin", shkruan Zelensky.

Nga bombardimi, të paktën 17 persona kanë mbetur të plagosur. 

 Në Mariupol, "nën bombardimet e vazhdueshme nga rusët", "një gjenocid" është duke u zhvilluar. Kështu deklaroi nënkryetari i komunës së Mariupolit, Sergiy Orlov, duke thënë se “tashmë janë vrarë 1170 persona” dhe se vetëm sot “47 persona janë varrosur në një varr masiv”. Në qytet, vijoi ai, “ka mungesë të ujit, rrymës dhe gazit”. Është "një situatë nga mesjeta", shtoi ai, duke thënë se "njerëzit pinë borë dhe djegin dru për t'u ngrohur".

Autoritetet e qytetit të Mariupolit, një qytet në Ukrainën jugore të rrethuar nga rusët për ditë të tëra, varrosin të vdekurit e tyre në një varr masiv. Me qytetin nën bombardime të vazhdueshme, autoritetet po presin një mundësi për të lejuar rifillimin e varrimeve individuale. Por me morgjet plot dhe me shumë kufoma të pa hequra ende nga shtëpitë e tyre, ata vendosën të veprojnë. Një gropë rreth 25 metra e thellë u hap në një nga varrezat e lashta në zemër të qytetit. Këtu sot u sollën dhe u varrosën 30 trupa të mbështjellë me qilima apo thasë, ndërsa dje 40. Në mesin e të vdekurve ka civilë viktima të bombardimeve të qytetit dhe disa ushtarë. Punonjësit e shërbimit social komunal morën gjithashtu trupa nga shtëpitë, duke përfshirë disa civilë që vdiqën nga sëmundje ose shkaqe natyrore. Nuk kishte familje në vendngjarje që mund t'u jepnin lamtumirën të dashurve të tyre.

Në Izyum të Ukrainës, një zyrtar rajonal po pretendon se evakuimi i civilëve është penguar nga granatimet ruse. Oleh Synehubov tha se ka shpërthimet në periferi kanë bllokuar autokolonat e evakuimit, të cilat nuk mund të largohen. Në Mariupol, në juglindje, situata është më pak e qetë. Ministri i Jashtëm i Ukrainës shkruan në Twitter se Rusia po vazhdon të bllokojë përpjekjet për evakuim dhe dërgimin e ndihmave humanitare. Në Sumy, në verilindje të Ukrainës, tabloja është krejt ndryshe. Njerëzit kanë mundur të largohen nga qyteti me makina private dhe autobusë që prej mëngjesit të sotëm. Ky fakt u bë i ditur nga kryebashkiaku i qytetit. Dhe në Enerhodar, në jug të Ukrainës, autokolona me gra dhe fëmijë kanë mundur të largohen. Më poshtë është harta që tregon rrugët e planifikuara të evakuimit.

Autoritete në Kiev thonë se qyteti ka burime ushqimore edhe për disa ditë.

Ukrainasit na kanë treguar 14 ditët e fundit se janë një popull i guximshëm që po lufton me shpirt për liri!

Në një kohë kur trupat ruse po i afrohen qendrës së Kievit, një orkestër ka luajtur himnin kombëtar të Ukrainës për t’i treguar edhe njëherë pushtuesve se ukrainasin nuk dinë të heqin dorë!

Rreth orkestrës u mblodhën qindra qytetarë që me zë të ulët pëshpëritin fjalët nën melodinë e himnit kombëtar, ndërsa t tjerë valëvisnin flamujt në ajër.

Pasi himni mbaroi të gjithë bërtitën “Për Ukrainën”.

Gjithçka po ndodh teksa trupa ruse po afrohen...

Vajzat e reja të sapodala nga bankat e shkollat, nënat dhe të gjitha djemtë e burrat kanë kapur armët dhe po mësojnë si t’i përdorin për të mbrojtur atdheun e tyre nga duart e rusëve.

Sesionet e trajnimit kanë nisur në qytetin perëndimor të Lviv, ku qindra civilë po mësohen se si të përdorin armët.

Shumë prej tyre nuk kanë prekur asnjëherë një armë, ndërsa të tjerë e shohin një të tillë për të herë të parë. Por fatkeqësisht ka ardhur një kohë e errët për vendin e tyre dhe janë të detyruar të mësojnë të mbrojnë veten, familjen dhe Ukrainën.

Nëna Valentina, është gruaja në foton e mësipërme. Ajo ka lënë vajzën e saj të vogël të gjyshja jashtë Lviv për të jetuar e sigurt, ndërsa ajo po mëson të qëlloi me armë.

Presidenti Volodymyr Zelenskiy ka publikuar një video në Telegram në të cilën thotë se nëse nuk vendoset një zonë ndalim-fluturimi mbi territorin ukrainas, pasojat do të jenë katastrofale.

“Partnerët e Ukrainës do të jenë përgjegjës për një katastrofë humanitare nëse nuk vendosin një zonë ndalim-fluturimi” u shpreh ai.

Presidenti ukrainas shtoi se evakuimet e njerëzve në Kiev po vazhdojnë.

“Ne po vazhdojmë evakuimin. Mbi 18 mijë persona kanë lëvizur nga Kievi”, tha Zelensky.

Kancelari gjerman Olaf Scholz tha se ajo që duhet tani në Ukrainë është një armëpushim.

"Ne shohim sulme në qytete, shtëpi, shkolla në Ukrainë. Kemi mbetur pa fjalë. Ajo që na duhet tani është një armëpushim."

Kancelari në një konferencë për shtyp në Berlin shtoi se duhet patjetër të gjendet një zgjidhje diplomatike.

"Ne kemi nevojë për një zgjidhje diplomatike dhe joushtarake për konfliktin midis Kievit dhe Moskës. Shpresojmë që zgjidhja të gjenden në bisedimet midis Ukrainës dhe Rusisë”, tha Scholz.

Ministri i Jashtëm ukrainas, Dmytro Kuleba deklaroi se të paktën 400 mijë persona po mbahen peng në Marupol, duke shtuar se po i pengohet ikja nga qyteti përmes korridoreve humanitare.

Ai shtoi se 3,000 foshnjave u mungojnë ilaçet dhe ushqimi.

“I bëj thirrje botës të veprojë, të detyrojë Rusinë të ndalojë luftën barbare kundër civilëve dhe fëmijëve", tha ministri.

“Shtetet e Bashkuara i kanë shpallur një luftë ekonomike Rusisë”, kështu deklaroi zëdhënësi i Kremlinit, Dmitry Peskov, gjatë një konference për shtyp.

"Rusia do të bëjë atë që është më e mira për interesat e saj," u përgjigj Peskov kur u pyet se si do të sillet Moska.

Kryebashkiaku i Kievit, Vitalii Klitschko ka bërë me dije se forcat ruse ndodhen vetëm 10 km larg nga qendra e kryeqytetit ukrainas. Kreu i Kievit ka apeluar për ndihmë, duke theksuar se nëse agresori do të rrethojë Kievin, kryeqyteti nuk do të mundet të rezistojë më shumë se një javë.

Duke theksuar se ukrainasit janë gati të mbrojnë kryeqytetin e tyre, Klitschko përsëriti thirrjen drejtuar Perëndimit për të furnizuar Ukrainën me armë dhe avionë luftarakë.

"Ne jemi gati të mbrojmë kryeqytetin tonë. Ne kemi nevojë për avionë, na ndihmoni", u shpreh ai.

Në një qytet fantazmë është shndërruar Mariupoli i bombarduar pa mëshirë nga rusët dy javët e fundit.

Trupa të pajetë në rrugë, njerëz të plagosur nëpër spitalet e bombarduara dhe fëmijë të trembur, janë këto pamjet e hidhura që vijnë përmes një videoje të publikuar nga BBC.

Videoja është nga pamjet e pakta që vijën nga ky qytet i pushtuar nga forcat ruse.

Ka pasur shumë pak pamje dhe pak foto janë shfaqur për të zbuluar saktësisht se si është brenda qytetit.

Partneriteti i Moskës me Kinës është jetike për këtë të fundit, kjo referuar rritjes së vazhdueshme të çmimeve të naftës së rafinuar në këtë shtet. Bllokimi i importeve të naftës bruto dhe gazit nga Moska, si produkt i sanksioneve të vendosura në sagën e dënimit të agresionit rus ndaj Ukrainës, kanë bërë që çmimi i naftës në Kinë të prek majat e 10 viteve të fundit.

Sipas revistës financiare Caixin, çmimet me shumicë të benzinës ishin mesatarisht 1,630 dollarë për ton (+ 30% që nga fillimi i vitit 2022), ndërsa karburanti Dizel u rrit me 15,5% në 8,657 juanë për ton. Këto shifra janë tregues i ndikueshmërisë së sanksioneve jo vetëm në Rusi por dhe në vendet e tjera, në rastin konkret Kina, ekonomia e së cilës është e lidhur ngushtë me importet ruse.

Kompania shtetërore bërthamore e Ukrainës thotë se furnizimet me energji elektrike për ish-termocentralin në Çernobil janë ndërprerë dhe ka paralajmëruar se mund të çlirohet substanca radioaktive, kjo pasi karburanti bërthamor i shpenzuar nuk mund të ftohet.

Përmes një postimi në Telegram, Energoatom ka sqaruar se linja e tensionit të lartë që ushqente centralin u shkëput pasi u dëmtua dy javë më parë nga forcat ushtarake ruse.

Ministri i Energjisë i Ukrainës, German Galushchenko i tha BBC-së se Ukraina nuk ka akses në informacionin e monitorimit në stacion dhe për këtë arsye nuk mund të vlerësojë nëse ndonjë lëndë radioaktive po lëshohet.

"Ne duhet ta riparojmë atë sa më shpejt që të mundemi," tha Galushchenko. Por ai shtoi se ekziston "një sistem i veçantë sigurie në rast të ndërprerjeve të energjisë elektrike", i cili do të lejojë që centrali të funksionojë për disa ditë duke përdorur gjeneratorë me naftë.

Kryeministri britanik, Boris Johnson deklaroi se na presin ditë të vështira, por Putin ka për të dështuar.

Kryeministri kujtoi fjalimin me video të mbajtur dje para Dhomës së Përfaqësuesve nga Presidenti ukrainas Volodymir Zelensky dhe përsëriti se ai ishte i bindur se falë edhe presionit ekonomik në rritje të vendosur ndaj Rusisë dhe "ndihmës ushtarake “Vladimir Putin do të dështojë" dhe se "ne do të kemi sukses në rivendosjen e një Ukrainë sovrane dhe të pavarur"

160 emra të tjerë janë shtuar në listën e “zezë” të BE-së. Në këtë listë janë përfshirë oligarkë dhe politikanë rusë që kanë kontribuuar në agresionin kundër Ukrainës.

Lajmin e ka dhënë Presidentja e Komisionit Evropian Ursula von der Leyen.

“Ne po forcojmë më tej rrjetën e sanksioneve në përgjigje të agresionit ushtarak të Rusisë kundër Ukrainës”, shkroi von der Leyen në Twitter.

Presidenca franceze e Këshillit të Bashkimit Evropian tha gjithashtu në Twitter se ambasadorët e BE-së kishin miratuar "sanksione të reja që synojnë liderët dhe oligarkët rusë dhe anëtarët e familjeve të tyre të implikuar në agresionin rus kundër Ukrainës".

Sanksionet e shteteve janë si thika mbi ekonominë ruse! Të njëjtën strategji për të shfuqizuar ekonominë ruse, teksa trupat e saj po shpërndahet në të gjithë Ukrainën, kanë ndjekur edhe kompanitë private më të mëdha në botë.

Ja gjigandët e industrisë që “braktisën” Rusinë:

• Coca-Cola
• McDonalds
• Starbucks
• Kujdesi për nënën
• Ikea
• Spotify
• Netflix
• H&M
• Disney
• Adidas
• BP
• Apple
• Microsoft
• Paypal
• Viza
• Mastercard
• American Express
• TIK Tok
• Unilever
• Prada
• Pepsi

Ministri i Jashtëm ukrainas Dmytro Kuleba tha se ai nuk kishte pritshmëri shumë të mëdha për negociatat me homologun e tij rus, Serghei Lavrov, të planifikuara për ditën e nesërme në Antalia të Turqisë, megjithatë, ai theksoi se kapremtuar se do mundohet të arrijë maksimumin e mundshëm në interes të vendit dhe popullit të tij.

 "Ne po përgatitemi për negociatat me kolegun tonë rus, ministrin Lavrov. Tani po punojmë shumë seriozisht për t'i kryer ato në mënyrë sa më efikase. Por sinqerisht, do t'ju them se nuk kam asnjë pritshmëri prej tyre. Por sigurisht , do të synojmë maksimum”, ka thënë Kuleba.

Ai tha se Ukraina është e sigurt dhe e fortë, por rezultati i negociatave është një çështje tjetër, pasi nuk varet plotësisht në dorën e tyre.

Presidenti ukrainas Volodymyr Zelensky ka paralajmëruar se kërcënimi ndaj vendit të tij është në nivelin maksimal, por pohoi se shkalla e reagimit të ukrainasve është gjithashtu në nivel maksimal.

Në ditën e 14-të të luftës dhe në një kohë kur janë vrarë dhe plagosur me qindra ukrainas, Zelensky se ushtria ukrainase do të përdorë armët e rusëve që kanë arritur të marrin si trofe në luftë.

"Ushtria jonë ka arritur të plotësojë arsenalin e municioneve me shumë trofe të marrë në fushën e betejës. Tanket, mjetet e blinduara dhe municionet e armikut do të punojnë për mbrojtjen tonë, jetën tonë, vendin tonë. Çfarë mund të jetë më poshtëruese për pushtuesit? Ne do të luftojmë kundër armiku me armët e veta, përveç tonat”, tha Zelensky.

Zelensky gjithashtu bëri një thirrje për ushtarët rusë, duke folur në rusisht

 "Largohu. Pse jeni këtu? Ju mund të shpëtoni veten nëse largoheni. Ju po merrni jetën tonë dhe tuajën. Le t'i japim fund kësaj lufte dhe t'i kthehemi paqes", tha ai.

“Kjo është lufta më e madhe e jetës sime”, kjo ka qenë deklarata e legjendës së boksit Wladimir Klitschko nga Ukraina e shkatërruar nga bombardimet ruse.

Ish-kampioni i botës dhe vëllai i tij Vitali, i cili është kryebashkiak i Kievit të rrethuar nga forcat ruse po frymëzojnë luftëtarët e lirisë kundër pushtimit rus.

 “Boksi është sport, kjo është një luftë dhe njerëzit tanë po vdesin.”, tha Wladimir.

Ai tha se të gjithë i theksojnë faktin se “kjo është lufta më e madhe e jetës së tij”, ndërsa shtoi se kjo është e vërtet.

“Është shumë e trishtueshme të kuptosh se sa e tmerrshme është lufta.”, u shpreh ai.

"Për t'u marrë me emergjencën aktuale, Komisioni do të shqyrtojë të gjitha opsionet e mundshme për të kufizuar efektin ngjitës të çmimeve të gazit në çmimet e energjisë elektrike, siç janë kufijtë e përkohshëm të çmimeve."

Kështu ka deklaruar sot një zëdhënës i Komisionit Evropian duke iu përgjigjur një pyetjeje të gazetarëve mbi mundësinë e futjes së kufijve të çmimit të gazit.

Komisioni, kujtoi zëdhënësi, "do të konsultohet urgjentisht me të gjithë aktorët e interesuar dhe do të propozojë opsione në javët e ardhshme".

Ofertën e polakëve për të dërguar avion luftarak në Ukrainë, Moska e ka cilësuar si një skenar shumë të rrezikshëm. Këtë e ka pohuar vetë zëdhënësi i Kremlinit Dmitry Peskov.

"Një skenar potencialisht të rrezikshëm", tha Peskov.

Ai është ndalur të flasë edhe për raundin e ri të bisedimeve me Ukrainën, ku thonë se kërkojnë që bisedimet të realizohen sa më shpejt të jetë e mundur.

“Moska është e interesuar të mbajë një raund të ri negociatash me Kievin sa më shpejt që të jetë e mundur, sapo pala ukrainase të jetë gati", tha Peskov.

Deri më tani nuk ka një datë konkrete dhe as vendi i takimit se kur do të zhvillohet raundi i radhës i bisedimeve.

Përfaqësuesi i Lartë i BE-së për Politikën e Jashtme, Josep Borrell, dha disa detaje më shumë mbi paketën e re të sanksioneve evropiane, e cila “përfshin më shumë se njëqind liderë në nivele të ndryshme të qeverisë dhe nomenklaturës ruse. Dhe për këtë arsye sanksione të mëtejshme ekonomike të cilat shpresoj se do të miratohen përpara përfundimit të kësaj seance plenare”.

Presidenti i Ukrainës Volodymyr Zelenskiy ka bërë me dije se evakuimi do të vijojë.

"Ne vazhdojmë të evakuojmë njerëzit nga rajoni i Kievit", tha Zelenskiy në një video në Telegram.

Kanadaja do të ndihmojë Ukrainën me armë. Lajmin e dha kryeministrit të Kanadasë, Just Trudeau.

"Sapo fola me presidentin ukrainas Volodymyr Zelensky. E njoftova se Kanadaja do të dërgojë një tjetër ngarkesë me pajisje ushtarake shumë të specializuara në Ukrainë. Ne diskutuam gjithashtu sanksionet kundër Rusisë dhe ndihmën humanitare për Ukrainën", ky është postimi në Twitter i kryeministrit të Kanadasë, Just Trudeau.

"Operacioni special" i Rusisë në Ukrainë nuk synon pushtimin e Ukrainës, shkatërrimin e institucioneve të saj apo përmbysjen e administratës aktuale. Sulmi nuk është drejtuar as kundër popullatës civile ", tha Zëdhënësja e Ministrisë së Jashtme ruse tha, sipas Interfax. Maria Zakharova.

Mbretëria e Bashkuar e ka bërë vepër penale hyrjen e avionëve rusë në hapësirën ajrore britanike si pjesë e sanksioneve të mëtejshme kundër Moskës për pushtimin e saj në Ukrainë.

Kur pushtimi i Rusisë filloi më 24 shkurt, Britania fillimisht ndaloi çdo avion "në pronësi, qira ose operuar nga një person i lidhur me Rusinë, ose i cili është i regjistruar në Rusi". Kjo lëvizje e fundit e vendos çështjen në duart e policisë dhe jo autoriteteve të aviacionit.

"Ne do të jemi në gjendje të jemi më specifik, për shembull ku kemi aeroplanë që mund të lidhen me oligarkët rusë që fluturojnë në vend, ata duhet ta dinë ... ne mund të konfiskojmë avionin tuaj dhe ta kthejmë këtë në një vepër penale," njoftoi Sekretari i Transportit Grant Shapps.

Ligji i ri i jep qeverisë kompetenca shtesë për të ndaluar avionët rusë tashmë të pranishëm në MB, sipas një njoftimi zyrtar për shtyp.

Rusia pretendon se SHBA financon programe biologjike në kufirin mes Ukrainës dhe Rusisë, tha Maria Zakhorava, zëdhënësja e Ministrisë së Jashtme ruse. Zakharova pretendon se SHBA ka kryer programe biologjike në Ukrainë. Zakhorava kërkoi që SHBA të zbulojë detajet për atë që ka bërë, duke shtuar se Rusia ka parë dokumente që mbështesin pretendimet e tyre se amerikanët po dërgojnë komponentë të armëve biologjike afër kufirit Ukrainë-Rusi. Ajo vazhdon duke pohuar se Ministria e Mbrojtjes e SHBA-së po e drejton drejtpërdrejt programin.

Serbia do të ndalojë eksportet e grurit, misrit, miellit dhe vajit të gatimit që nga dita e nesërme për të kundërshtuar rritjen e çmimeve të shkaktuar nga pushtimi rus në Ukrainë, tha presidenti Aleksander Vuçiç për TV “B92”.

Vuçiç tha të martën se eksportet e drithërave, miellit dhe vajit të gatimit janë rritur ditët e fundit për shkak të çmimeve të larta në tregjet ndërkombëtare.

“Disa njerëz e shohin këtë si një mundësi për të fituar para. Ne nuk mund ta lejojmë këtë. Do të kemi grurë të mjaftueshëm për nevojat tona." tha Vuçiç.

Vendimi zyrtar për ndalimin e eksporteve të produkteve ushqimore ende nuk është miratuar nga qeveria.

“Ne po kalojmë krizën më të madhe që nga viti 1945”, tha presidenti rus, i cili po përballet me zgjedhjet parlamentare dhe presidenciale muajin e ardhshëm.

Serbia, është në një përpjekje për të balancuar ambicien e saj për t’iu bashkuar BE si edhe lidhjet e saj historike me Rusinë. Serbia ende nuk ka vendosur sanksione kundër Moskës pavarësisht presionit për të harmonizuar politikën e saj të jashtme me BE-në si vend kandidat.

Japonia njoftoi të martën një raund të ri sanksionesh ndaj Rusisë për shkak të sulmit ndaj Ukrainës, duke sinjalizuar kështu një ndryshim nga përgjigja më e butë dhe jo shumë e qartë ndaj ankesimit të Krimesë nga Moska në vitin 2014. Sanksionet më të fundit përfshijnë vendosjen e kontrolleve ndaj udhëtimit dhe aseteve të disa individëve të afërt me Presidentin rus Vladimir Putin, si dhe ndaj disa zyrtarëve të tjerë bjellorusë. Sipas agjencisë së lajmeve Reuters, sanksionet përfshijnë edhe ndalimin e eksportit të pajisjeve për rafineritë ruse të karburanteve dhe të mallrave të përgjithshme të destinuara për Bjellorusinë dhe që mund të përdoren nga ushtria në atë vend.

Sanksionet përfshijnë zëvendës shefat e stafit të administratës së Presidentit Putin, kreun e Republikës Çeçene, drejtuesit e kompanive të lidhura me Kremlinin, si Volga Group, Transneft dhe Wagner Group, njoftoi të martën Ministria japoneze e Financave.

Këto janë kufizime shtesë mbi ato të vendosura në muajin shkurt, kur Tokoi ndaloi hyrjen në vend të shtetasve të caktuar rusë dhe ngriu asetet e disa të tjerëve, ndër to edhe asete që mendohet se i përkasin vetë zotit Putin.

Japonia gjithashtu ka zbatuar kufizime ndaj eksporteve të produkteve të teknologjisë së lartë dhe i është bashkuar grupit të G-7ës në përjashtimin e disa bankave ruse nga sistemi ndërkombëtar i pagesave SWIFT.

Veprime të tilla janë në kontrast me komentet e bëra nga kryeministri japonez Fumio Kishida në fillim të këtij viti. Në një fjalim për politikat më 17 janar, zoti Kishida tha se Tokio ishte gati të ndërtonte një "marrëdhënie gjithëpërfshirëse me Rusinë, përfshirë bashkëpunimin në sektorin e energjisë".

Më 25 shkurt, kur Japonia njoftoi një paketë sanksionesh, zoti Kishida përdori një tjetër ton, duke kërkuar që Rusia të ndalonte sulmin dhe të tërhiqej. "Sulmi trondit themelet e rendit ndërkombëtar botëror", tha ai.

Hera e fundit që Japonisë iu bë thirrje për të vendosur sanksione ndaj Rusisë ishte në vitin 2014, kur Rusia aneksoi Krimenë në Ukrainën jugore. Në atë kohë, përgjigja e Tokios ishte e paqartë, me kryeministrin e atëhershëm Shinzo Abe që donte të bindte Vladimir Putinin të kthente katër ishuj pranë Hokkaidos në Japoninë veriore që Bashkimi Sovjetik kishte marrë në fund të Luftës së Dytë Botërore. Dy vendet nuk kanë nënshkruar kurrë një traktat paqeje pas luftës.

"Operacioni special" i Rusisë në Ukrainë nuk synon pushtimin e Ukrainës, shkatërrimin e institucioneve të saj apo përmbysjen e administratës aktuale.

Këtë deklaratë e dha zëdhënësja e Ministrisë së Jashtme ruse, Maria Zakharova, sipas “Interfax”.

Ajo tha gjatë deklaratës së sulmet nuk i janë drejtuar popullsisë civile.

Qëllimi, sipas zëdhënëses, është “t'i jepet fund gjakderdhjes së pakuptimtë dhe rezistencës së forcave. Ushtritë ukrainase sa më shpejt të jetë e mundur".

Udhëheqësit e Kongresit të SHBA arritën një marrëveshje dypartiake për të ofruar 13.6 miliardë dollarë ndihmë për Ukrainën dhe aleatët e saj evropianë, plus miliarda të tjera për të luftuar pandeminë, si pjesë e një faturë më të madhe prej 1.5 trilion dollarësh që synon financimin e agjencive federale për pjesën e mbetur të këtij viti .

Rusia ka nisur luftën kundër Ukrainës, teksa në mediat ndërkombëtare janë publikuar pamje të kolonës së tankeve që udhëtojnë nga Krimea e Veriut në Ukrainë. Mirëpo ajo që ka tërhequr vëmendjen është se mbi këto tanke nuk valvitet flamuri i Rusisë, por ai i Bashkimit Sovjetik që është një çekiç, drapër dhe një yll mbi një sfond të kuq.

BE ka vendosur të zgjerojë sanksionet e saj kundër Moskës dhe Minskut pas pushtimit të Ukrainës, veçanërisht duke shkëputur tre banka bjelloruse nga platforma e shpejtë financiare ndërkombëtare.

Këtë e ka bërë të ditur presidenca franceze e Këshillit të BE-së. Në takimin në Bruksel, përfaqësuesit e vendeve anëtare miratuan gjithashtu sanksione të reja kundër sektorit detar dhe kriptomonedhave dhe shtuan liderët dhe oligarkët rusë në listën e tyre të zezë.

Çfarë është SWIFT?

SWIFT është një platformë e sigurt komunikimi që përdoret nga bankat, ndërmjetësuesit e bankave dhe institucionet financiare që dërgojnë dhe pranojnë informacione, të tilla si udhëzime për transferimin e parave jashtë vendit apo për tregtimin e letrave me vlerë.

Gjithçka ka ndryshuar në Ukrainë! Vetëm për 14 ditë kanë humbur jetën qindra ukrainas, kanë veshur rrobat ushtarake, kanë mësuar të përdorin armët dhe kanë dalë të mbrojnë atdheun.

Në fotot e mëposhtme do të shihni Ukrainën nga lartë, në dy data të ndryshme. Më 7 shkurt dhe 7 mars. Diferenca e dukshme nga fotografitë është ndriçimi mbi territorin ukrainas.

Rusët i kanë pushtuar, i kanë lënë pa ujë, pa drita, pa ushqim...madje i kanë marrë dhe jetën.

7 shkurt

7 mars

Tani, vetëm pak ndriçim mund të vihet re në Ukrainë! Shihni diferencës me vendet e tjera

Kyiv, kryeqyteti, është në vëmendjen kryesore të të gjithë botës.

Agjencia Ndërkombëtare e Energjisë (IEA) është gati të sjellë më shumë naftë në tregun global me qëllim të plotësojë hendekun e mungesës.

Këtë e bëri të ditur drejtori i agjencisë, Fatih Birol, duke shtuar se IEA do të paraqesë gjithashtu një plan veprimi për të ulur ritmin e rritjes së çmimit të naftës.

Birol gjatë konferencë energjetike në Paris tha se javën e kaluar agjenci vendosi të lëshojë stoqet e naftës. “

“Kjo ishte përgjigja e parë, por nëse do të ketë nevojë mund të sjellim më shumë naftë në tregje", shtoi ai.

"Javën e ardhshme, siç bëmë për gazin, ne po paraqesim një plan veprimi me dhjetë pika se si të reduktojmë shpejt koston e naftës "veçanërisht në sektorin e transportit", u shpreh ai.

Çështja ukrainase është shumë e qartë: “Ishin veprimet e NATO-s të udhëhequr nga SHBA-të që gradualisht e çuan deri në konfliktin Rusi-Ukrainë”. Zëdhënësi i Ministrisë së Jashtme kineze Zhao Lijian tha për New York Times në lidhje me njohuritë e Pekinit për planet ruse kundër Ukrainës, bazuar në atë që u mësua nga zyrtarët amerikanë.

“Duke injoruar përgjegjësitë e saj, SHBA-ja në vend të kësaj akuzon Kinën për qëndrimin e saj në këtë çështje dhe kërkon hapësirë ​​për manovrim në një përpjekje për të shtypur Kinën dhe Rusinë, vetëm për të ruajtur hegjemoninë e saj”, tha ai.

Të paktën 1.33 milionë refugjatë kanë ikur nga Ukraina në Poloni që nga fillimi i pushtimit rus. Kjo u raportua nga roja kufitare polake në Twitter, duke deklaruar se 93% janë shtetas ukrainas, 1% janë polakë dhe 6% e të paktën 100 vendeve të tjera. Sipas rojes kufitare, vetëm të martën kufirin e kanë kaluar 125.800 persona, ndërsa të dielën 142.000. Polonia është tashmë shtëpia e shumë ukrainasve - vlerësimet variojnë nga një deri në dy milionë njerëz - dhe shumë prej tyre kanë gjetur strehim në vend me familjen ose miqtë. Mijëra polakë gjithashtu presin refugjatë në shtëpitë e tyre.

Kina ka shprehur "kundërshtim të fortë" ndaj sanksioneve të vendosura ndaj Rusisë, pas njoftimit të presidentit amerikan Joe Biden për të pezulluar eksportet e gazit dhe naftës së papërpunuar nga Moska dhe vendimit të Britanisë për të ndaluar deri në fund të vitit, importet e naftës bruto ruse dhe nënprodukteve të naftës pas pushtimit të Ukrainës. Sanksionet "nuk kanë bazë në të drejtën ndërkombëtare", tha zëdhënësi i Ministrisë së Jashtme kineze Zhao Lijian. "Ato vetëm do të shkaktojnë vështirësi serioze për ekonominë dhe jetesën e vendeve në fjalë" dhe "do të përkeqësojnë më tej ndarjen dhe konfliktin". 

Pas një ndërprerje disa ditore, BBC ka rifilluar transmetimet nga Moska. Ato thonë se do të raportojnë gjithçka që ndodh me paanësi.

“Pasi morëm parasysh pasojat e mungesës së informacionit, vendosëm të rifillojmë raportimet në anglisht. Ne do t'i raportojmë historitë me pavarësi dhe paanësi sipas standardeve tona rigoroze", thuhet në një shënim nga BBC.

BBC ndërpreu transmetimin pas vendimit të Putin, që dënon përhapjen e informacionit "të rremë" për forcat e armatosura ruse me burg deri në 15 vjet. Kujtojmë që disa media të pavarura ruse janë detyruar të mbyllen ditët e fundit pasi e kanë përshkruar si "pushtim" ose "luftë" atë që Kremlini e quan "operacion special ushtarak" në Ukrainë. Putin nënshkroi gjithashtu një projekt-ligj që do të gjobisë ose të burgosë për thirrjet për sanksione kundër Rusisë.

Zëvendës presidentja amerikane, Kamala Harris pritet të arrijë më 9 mars në Poloni për të diskutuar me zyrtarët e këtij shteti pushtimin rus në Ukrainë dhe ndikimin që ka lufta në këtë rajon. Gjatë udhëtimit të saj nga 9 deri më 11 mars, Harris do të vizitojë edhe vendin tjetër anëtar të NATO-s, Rumaninë. Shtëpia e Bardhë ka thënë se agjenda e nënpresidentes në Varshavë dhe Bukuresht pritet të fokusohet në ndihmën ekonomike, humanitare dhe asaj të sigurisë për Ukrainën. Polonia është duke ndihmuar rreth 1.2 milion ukrainasve që i kanë ikur luftës. Shtetet e Bashkuara kanë rritur më shumë se dyfish prezencën ushtarake në Poloni – 9,000 trupa në total – javëve të fundit.

“New York Times” ka tërhequr të gjithë korrespondentët e saj nga Rusia, duke shënuar herën e parë në më shumë se një shekull që gazeta nuk do të ketë asnjë gazetar në terren atje.

"Ditë shumë e trishtuar për historinë e “NewYorkTimes”në Moskë. Duke tërhequr të gjithë korrespondentët e saj jashtë vendit. Kemi pasur gazetarë atje vazhdimisht që nga viti 1921, me një ose dy ndërprerje të shkurtra për shkak të lemzës së vizave. Jo Stalini, jo Lufta e Ftohtë, asgjë nuk na dëboi”, shkroi Neil MacFarquhar, një ish shef i zyrës së NYT në Moskë.

Gazeta njoftoi tërheqjen e saj zyrtare nga Rusia në një deklaratë të martën, duke cituar legjislacionin e ri që synon të kriminalizojë gazetarët që raportojnë për pushtimin e Moskës në Ukrainë, duke nxjerrë jashtë ligjit çdo referencë për "luftë".

"Legjislacioni i ri i Rusisë synon të kriminalizojë raportimin e pavarur dhe të saktë të lajmeve në lidhje me luftën kundër Ukrainës. Për sigurinë dhe sigurinë e stafit tonë redaktues që punon në rajon, ne po i zhvendosim ata jashtë vendit për momentin," tha zëdhënësja e New York Times Danielle.

Sipas analistëve arma vendimtarëve e ukrainasve për vrasjen e 12 mijë ushtareve rusë (siç thuhet nga Kievi) ishte droni turk.

Droni turk është i aftë për të kapërcyer linjat dhe për të goditur pjesët më pak të mbrojtura të frontit të armikut: kamionët. logjistika, transporti i trupave, rezervuarët e karburantit, komunikimet

Ukraina ka konfirmuar se kanë rëndë dakord për një armëpushim nga oran 09:00-21:00 për të evakuuar popullsinë përmes korridoreve humanitare në gjashtë zona.

Këtë e raportoi zëvendëskryeministrja, Iryna Vereshchuk.

“Në 06:30 të mëngjesit, ne morëm një mesazh nga Federata Ruse në lidhje me miratimin e rrugëve tona të propozuara më parë. Evakuimi thuhet se do të bëhet në rrugët e mëposhtme: Energodar - Zaporizhzhia, Sumy - Poltava, Mariupol - Zaporizhzhia, Volnovakha - Pokrovsk, Izyum-Lozovaya. Dhe gjithashtu nga vendbanimet e Vorzel, Bucha, Borodyanka, Irpen, Gostomel të rajonit të Kievit", tha Vereshchuk.

Evakuimi do të ndodhë nga qyteti, Enerhodar i cili është vendi i termocentralit më të madh bërthamor në Evropë. 

Është dita e 14-të e pushtimit rus të Ukrainës dhe ndërsa disa qytete kanë rënë, Kievi mbetet ende në drejtimin e Ukrainës.

Forcat ruse janë duke avancuar drejt kryeqytetit, megjithëse ngadalë, ndërsa qytetet në veri dhe lindje duket se janë pushtuar nga forcat e Vladimir Putinit.

Sumy, ku rreth 5,000 njerëz kanë ikur në 24 orët e fundit, ka konfirmuar një numër viktimash civile gjatë bombardimeve në ditët e fundit, ndërsa Kharkiv në lindje mbetet i rrethuar.

Në jug të vendit, Mariupol, qyteti port i Detit të Zi, është nën rrethimin rus, ndërsa forcat përparojnë në perëndim dhe në veri të qytetit.

22 ukrainas mes të cilëve 3 fëmijë, kanë humbur jetën nga një sulm ajror në Sumy.

Guvernatori rajonal i Sumy, Dmytro Zhyvytskyi thotë se Rusia bombardoi një zonë banimi në veri-lindje të qytetit gjatë natës, duke e përshkruar incidentin si “vrasje masive”.

"Tre bomba në një mbrëmje... Ishte një natë e tmerrshme.”, tha ai.

Nëntë persona në një shtëpi u vranë. Gjashtë shtëpi u shkatërruan plotësisht dhe rreth 20 të tjera u shkatërruan pjesërisht.

Siç kemi raportuar, rreth 5,000 njerëz janë evakuuar nga Sumy, pasi Rusia ra dakord të ndalonte bombardimet e saj ndaj qytetit duke lejuar hapjen e një korridori humanitar.

Pas embargos së naftës ruse, SHBA-ja ka kthyer sytë nga Arabia Saudite, por nuk ka rezultuar një vendim i duhur.  Kjo sepse Princi saudit Mohammed bin Salman dhe sheiku i Emirateve Mohammed bin Zayed al Nahyan kanë refuzuar të flasin me Biden në javët e fundit, të zhgënjyer nga mbështetja e dobët e SHBA-së në luftën në Jemen dhe të shqetësuar për marrëveshjen bërthamore të Iranit.

Për momentin, pushtimi i Kievit nga forcat e armatosura ruse, të cilat ndodhen në veri të kryeqytetit ukrainas, ka dështuar! Inteligjenca e Ministrisë Britanike të Mbrojtjes shkruan se “Forcat ruse nuk kanë arritur të bëjnë një përparim të rëndësishëm në veri të Kievit dhe forcat ukrainase duket se deri më tani kanë arritur të rrëzojnë aeroplanët e armikut”. 

"Lufta në veri-perëndim të Kievit mbetet e vazhdueshme me forcat ruse që nuk arrijnë të bëjnë ndonjë përparim domethënës”, shton ministria. ‘Mbrojtja ajrore ukrainase duket se ka pasur sukses të konsiderueshëm kundër avionëve luftarakë modernë të Rusisë, ndoshta duke i penguar ata të arrijnë çdo shkallë kontrolli të qiejt."