Lufta/ 'Progres' për një marrëveshje gruri! Lavrov: Objektivat e ushtrisë ruse në Ukrainë shkojnë përtej Donbasit

SHBA-të kanë reaguar lidhur me deklaratat e Ministrit të Jashtëm rus Sergeji Lavrov, i cili tha se objektivat gjeografike të asaj që Rusia e quan “operacionit special ushtarak” në Ukrainë, nuk kufizohen më vetëm në rajonet lindore Donjeck dhe Luhansk.

Zëdhënësi i Departamentit Amerikan të Shtetit, Ned Price tha se këto objektiva të Moskës janë “Shkelja me forcë e një territori nga Rusia, shkelje e Kartës së OKB-së dhe rendit ndërkombëtar”.

"Ne do të punojmë me komunitetin ndërkombëtar për t'iu përgjigjur çdo përpjekjeje të Rusisë për të vazhduar me çdo aneksim. Shkelja me forcë e një territori nga Rusia do të ishte shkelje e Kartës së OKB-së dhe rendit ndërkombëtar”, tha Price.

Ministri i Jashtëm rus, Sergei Lavrov, ka deklaruar se objektivat gjeografike të asaj që Rusia e quan “operacionit special ushtarak” në Ukrainë, nuk kufizohen më vetëm në rajonet lindore Donjeck dhe Luhansk, të njohura ssë bashku si Donbas.

“Tani gjeografia është ndryshe. Dhe nuk është vetëm Donbasi, por edhe rajonet Herson, Zaporizhja dhe një numër territoresh tjera. Procesi vazhdon me këmbëngulje”, ka thënë Lavrov më 20 korrik për agjencitë ruse të lajmeve, RIA Novosti dhe RT.

Gjithashtu, Lavrov u shpreh se nëse Perëndimi dërgon armë me rreze të gjatë në Kiev, synimet gjeografike të ‘operacionit special’ në Ukrainë do të zgjerohen edhe më shumë.

“Nuk ka asnjë kuptim për momentin”, kështu është shprehur Ministri i Jashtëm rus Sergei Lavrov gjatë një interviste. Ai tha se marrëveshja e paqes me Ukrainën nuk kanë më kuptim dhe se Kievi sipas tij nuk është treguar aspak serioz.

“Ata thjesht nuk do të jenë kurrë në gjendje të artikulojnë diçka që do të meritonte vëmendjen serioze të njerëzve seriozë. Bisedimet për paqen nuk kanë asnjë kuptim në situatën aktuale”, tha Lavrov.

Ministri i Jashtëm rus Lavrov tha se ai kishte lobuar në OKB për të arritur një marrëveshje për të lehtësuar eksportet bujqësore nga Rusia, e goditur nga sanksionet perëndimore, në këmbim të kalimit të bllokuar të grurit ukrainas.

"Dje i dërguam një sinjal Sekretarit të Përgjithshëm (OKB) duke thënë: Ja ku është iniciativa juaj, le të marrim një vendim për ukrainasit dhe më pas për rusët," tha Sergei Lavrov në një intervistë për mediat shtetërore ruse, cituar nga “Moscow Times”, duke shtuar se Ukraina refuzoi të përfshijë një artikull gruri rus në negociatat e zhvilluara në Stamboll javën e kaluar me ndërmjetësimin e Kombeve të Bashkuara dhe Turqisë.

"Ne ramë dakord për parimet bazë për eksportin e grurit ukrainas, por kur delegacioni ynë kërkoi të shtohej një pjesë e dytë, ukrainasit refuzuan kategorikisht. Delegacioni i OKB-së heshti në mënyrë të turpshme”, shtoi Lavrov.

SHBA dhe Britania e Madhe duan ta shtyjnë Rusinë kundër Evropës. Këtë e theksoi ministri i Jashtëm rus, Sergei Lavrov, në një intervistë për mediat ruse në të cilën ai akuzoi Perëndimin se nuk e lejon qeverinë e Kievit të ndërmarrë "hapa konstruktivë drejt paqes". "Kolegët tanë amerikanë, kolegët tanë britanikë, me mbështetjen aktive të gjermanëve, polakëve dhe përfaqësuesve të vendeve baltike, me të vërtetë duan ta kthejnë këtë konflikt në një luftë të vërtetë dhe ta vënë Rusinë kundër vendeve evropiane," tha Lavrov. -Iniciativa saksone”.

Gjatë vizitës së tij në Iran, presidenti rus Vladimir Putin tha se Moska nuk sheh asnjë qëllim nga ana e Ukrainës për të përmbushur kushtet e asaj që ai e përshkroi si një marrëveshje paraprake paqeje të rënë dakord në mars. Sipas tij, kjo ishte "arritur praktikisht", por "rezultati përfundimtar padyshim ... varet nga vullneti i palëve kontraktuese për të zbatuar marrëveshjet e arritura. Sot ne shohim se fuqitë e Kievit nuk kanë një dëshirë të tillë".