Presidenti rus, Vladimir Putin, ka uruar republikanin Donald Trumpin për fitoren në zgjedhjet presidenciale amerikane të mbajtura më 5 nëntor.
Gjatë fjalimit të tij në forumin e Valdait që po mbahet në rajonin turistik të Soçit në Detin e Zi, Putin tha se është i hapur për bisedime me Trump, duke shtuar se iniciativa e 78-vjeçarit për t'i dhënë fund luftës në Ukrainë, është interesante.
Presidenti rus përsëriti për të disatën herë se rendi i mëparshëm botëror ka përfunduar në mënyrë të pakthyeshme.
"Një rend botëror krejtësisht i ri po formohet para syve tanë. Fuqitë e reja po ngrihen, popujt po ndërgjegjësohen gjithnjë e më shumë për interesat e tyre, për vetëvlerësimin, origjinalitetin dhe identitetin e tyre dhe po insistojnë gjithnjë e më shumë në arritjen e qëllimeve të zhvillimit dhe drejtësisë”, tha lideri rus.
Për më tepër, Putin tha se “NATO ka një rol shkatërrues” dhe “konfliktet janë të nevojshme për të”. Ai e quajti NATO-n një "anakronizëm total".
Gjatë fjalimit të tij udhëheqësi rus u shpreh se thirrjet nga Perëndimi për t'i shkaktuar një disfatë strategjike Rusisë, demonstrojnë "aventurizëm skandaloz" dhe "askush nuk mund të garantojë se vendet perëndimore nuk do të përdorin armë bërthamore"
Ai gjithashtu e quajti të rrezikshme formulën "Nëse jo me ne, atëherë kundër nesh".
Ndërkohë në Ukrainë vazhdojnë bastisjet ruse. Të paktën 4 njerëz u vranë dhe 16 të tjerë u plagosën në sulmet "masive" ruse që synuan një spital në Zaporizhzhia në jug të Ukrainës, njoftoi guvernatori rajonal. Mes të plagosurve ishte edhe një fëmijë një vjeçar.
Presidenti Volodymyr Zelensky në një postim në rrjetet sociale u shpreh se rusët kënaqen me vdekjen e njerëzve.
"Shumë shtëpi u shkatërruan dhe një ndërtesë e spitalit onkologjik u dëmtua. Secili prej këtyre sulmeve ruse jo vetëm që shkatërron jetë njerëzore, por edhe kuptimin e çdo fjale që lidhet me mungesën e supozuar të bisedimeve me Rusinë. Atje ata kënaqen me vdekjen e njerëzve. Kjo është arsyeja pse mbrojtja ajrore e Ukrainës, aftësia për të shkatërruar avionët ushtarakë rusë, leja për të nisur sulme me rreze të gjatë kundër pushtuesit janë mbrojtja e vërtetë e jetës,” shkroi Zelensky.
Donald Trump
“Nuk kam folur ende me Putinin, mendoj se do të flasim me njëri-tjetrin”: këtë e tha Donald Trump në një intervistë për NBC.
Foto: Vladimir Putin
Presidenti rus Vladimir Putin ka bërë një deklaratë të fortë gjatë fjalimit të tij në forumin e Valdait që po mbahet në rajonin turistik të Soçit në Detin e Zi.
Putin tha se e konsideron iniciativën e Trump për t'i dhënë fund konfliktit në Ukrainë meriton vëmendje, teksa nënvizoi se ishte i gatshëm që të bënte një bisedë me të dhe ta uronte për fitoren.
Putin u shpreh se rendi i mëparshëm botëror ka përfunduar në mënyrë të pakthyeshme.
"Një rend botëror krejtësisht i ri po formohet para syve tanë. Fuqitë e reja po ngrihen, popujt po ndërgjegjësohen gjithnjë e më shumë për interesat e tyre, për vetëvlerësimin, origjinalitetin dhe identitetin e tyre dhe po insistojnë gjithnjë e më shumë në arritjen e qëllimeve të zhvillimit dhe drejtësisë”, tha lideri rus.
Më tej Putin tha se shoqëria po përballet me ndryshime rrënjësore.
“Shoqëria jonë po përballet me më shumë ndryshime se më parë, në thelb një epokë revolucionare. Kemi arritur në një pikë të rrezikshme, mund të them se 20 vitet e ardhshme do të jenë edhe më të vështira", theksoi Putin.
Lajme të tjera
-
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53
