KIEV- Ambasada shqiptare në Kiev ka rënë pre e sulmeve me raketa ruse. Lajmi bëhet me dije nga Ministria e Jashtme, e cila njofton se si pasojë e një seri sulmesh ajrore të Rusisë në kryeqytetin ukrainas këtë të premte, është dëmtuar edhe ambasada shqiptare, mëngjesin e sotëm (20 dhjetor 2024).
Ndërkohë gjatë orëve të pasdites, ministri Igli Hasani thërriti në zyrë ambasadorin rus në Tiranë, Zaitsev Alexei Anatolyevitch, të cilit i ka kërkuar shpjegime për ngjarjen si dhe i ka shprehu protestën e qeverisë shqiptare ndaj këtij akti.
Sulmet prekën gjithashtu ambasadat e pesë vendeve të tjera, duke vënë në rrezik jetën e personelit diplomatik. Për fat të mirë, në ambasadën shqiptare raportohen vetëm dëme materiale. Nga sulmet janë dëmtuar edhe ambasada e Malit të Zi, Maqedoni e Veriut, Argjentinë, Portugali dhe Palestinë.
Ministria e Jashtme e Shqipërisë dënoi ashpër këto sulme, duke i cilësuar si një akt të papranueshëm që godet themelet e diplomacisë ndërkombëtare. Në deklaratën e saj, Ministria theksoi rëndësinë e mbrojtjes së personelit diplomatik dhe paprekshmërisë së misioneve, duke kërkuar respektimin e këtyre parimeve të panegociueshme.
"Një seri sulmesh ajrore të Federatës Ruse tronditën Kievin të premten në mëngjes, duke shkaktuar dëme të shumta në disa zona në kryeqytetin e Ukrainës. Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev dhe ambasadave të pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale.
Ministria për Evropën dhe Punët e Jashtme dënon pa asnjë mëdyshje këto sulme brutale. Ky akt i pakuptimtë është një sulm ndaj themeleve të vetë diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht", njofton ministria.
Shpërthime të forta u dëgjuan në qendër të Kievit në një distancë të shkurtër nga njëra-tjetra, pasi autoritetet raportuan se të paktën pesë raketa ishin lëshuar drejt Kievit. Është prekur veçanërisht lagjja Golosivski ku kanë marrë flakë disa makina të parkuara në rrugë. Zona e bombarduar u inspektua nga kryebashkiaku i Kievit, Vitali Klitschko. Mediat kanë raportuar për 1 viktimë dhe 9 të plagosur.
Foto: Pandeli Majko
Deputeti i PS-së Pandeli Majko ka zbërthyer mesazhin e sulmit rus në godinën ku e kishte zyrën edhe Ambasada shqiptare në kryeqytetin ukrainas, Kiev, përveç pesë ambasadave të tjera.
Me anë të postimi të publikuar në rrjetet sociale Majko shkruan se politika ruse si rregull nuk bën asgjë gabimisht.
Sipas Majkos, ky është një mesazh për çmimin që duhet të paguajë Shqipëria për mbështetjen e Ukrainës.
“Sulm i ushtrisë ruse ndaj ambasadës së Shqipërisë në Kiev…Politika ruse, si rregull, nuk bën asgjë, gabimisht! Ajo të kujton, në mënyrën e vet, se çdo gjë ka çmim! (shënim nga Prishtina)”, shkroi Majko.
Burime për Report Tv bëjnë me dije se Ministri i Jashtëm Igli Hasani ka thirrur në ministri ambasadorin rus, Zaitsev Alexei Anatolyevitch, ku i ka shprehur protestën e qeverisë shqiptare për ngjarjen e ndodhur mëngjesin e sotëm në Kiev.
Bombardimet ruse goditën në Kiev ndërtesën ku ndodheshin disa ambasada mes tyre edhe ajo shqiptare.
Lajme të tjera
-
Kryeministri i Sllovakisë kërcënon Zelenskyn: Na lësho gazin rus ose do kemi konflikt serioz
20 Dhjetor, 18:30 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
Lufta/ Bombardohet Kievi, 5 raketa bien në lagjet e kryeqytetit! Rusia: Sulmuam zyrat e shërbimit sekret ukrainas
20 Dhjetor, 12:44
-
Banka Botërore miraton mbi 2 miliardë dollarë për Ukrainën, mbështetet te asetet e ngrira ruse
20 Dhjetor, 10:11 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Demush Shasha: Kokëfortësia e dilemës evropiane
19 Dhjetor, 21:02
-
Lufta/ Vladimir Putin: Duhet ta kisha pushtuar Ukrainën më herët
19 Dhjetor, 19:47 -
Arlind Isa në 'Studio Live': Artan Grubi mund të jetë në Kosovë! Ilir Aliaj: Listat e non-gratave do shtohen! Këmbana për ata që duan të dëgjojnë në Shqipëri
19 Dhjetor, 19:07 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07 -
Lufta në Ukrainë/ Putin: Gati për një ‘duel’ raketor me SHBA-në! Zelensky: Ai është një bastard
19 Dhjetor, 13:20 -
Lufta në Ukrainë/ Orban: Ka një plan për paqe në tavolinë, Zelensky të vendosë! Presidenti ukrainas: Duam garanci, Europa duhet e unifikuar
19 Dhjetor, 12:45
-
Samiti BE-Ballkani Perëndimor/ Publikohet deklarata e përbashkët, ja çfarë u diskutua në Bruksel
18 Dhjetor, 22:53
