Ushtria ruse bombardoi qytetin lindor të Kharkiv dhe rajonin këtë mëngjes. Aktualisht nuk ka informacione për viktima dhe dëme materiale. Ndërkohë, administrata bashkiake e Kievit ka lëshuar një alarm sulmi ajror në kryeqytet.
"Kharkovi është nën zjarr. I kërkoj të gjithëve të qëndrojnë në strehimore dhe të respektojnë masat paraprake”, tha kryebashkiaku Igor Terekhov në Telegram.
Autoritetet ukrainase po ashtu kanë njoftuar se forcat ruse kanë sulmuar spitalin në Kherson dhe se bombarduan repartin e maternitetit të spitalit. Para sulmit, raportohet se mjekët arritën të kryejnë një operacion cezarian, ndërsa në institucion janë pesë gra.
Raportohet për sulme ruse dhe në rajonin ukrainas Sumy, ku Kievi njoftoi se trupat ruse shënjestruan tre qytete në rajon, duke përfshirë Seredyno-Buda, Shelyhyne dhe Esman. Forcat ruse përdorën mortaja dhe artileri.
“Viti i ardhshëm do të jetë vendimtar”. Kështu ka deklaruar presidenti i Ukrainës, Volodymyr Zelensky, në fjalimin e tij të mbrëmjes me video, raporton “Ukrinform”.
"Ne e kuptojmë se çfarë rreziqesh ka në dimër, ne e kuptojmë se çfarë duhet të bëjmë në pranverë dhe për këtë arsye kuptojmë se çfarë arritjesh duhet të demonstrojë i gjithë sektori i mbrojtjes dhe sigurisë. Në përgjithësi, kjo javë do të jetë e rëndësishme për Ukrainën nga pikëpamja politike. Ne hyjmë në vitin e ardhshëm dhe duhet të mbajmë një kuptim të përbashkët të synimeve tona kombëtare. Sigurisht, çlirimi i tokës tonë nga armiku, si dhe rivendosja e Ukrainës, kthimi i popullit tonë në shtëpi, afrimi i mëtejshëm i shtetit tonë me partnerët kryesorë, hapja e mundësive të reja për Ukraina në botë, të gjitha këto janë detyra për të ardhmen e parashikueshme. Dhe jo vetëm për shtetin, por edhe për secilin prej nesh.”, u shpreh lideri ukrainas.
Banorët e Kievit do të duhet të presin ndërprerje të përsëritura dhe të papritura të energjisë deri në fund të dimrit. Këtë e konfirmojnë edhe administrata komunale.
Lajm në përditësim..
Një ukrainas do të kalojë 11 vjet në burg pasi u ka dhënë trupave ruse informacione sekrete ushtarake. Ai ishte një banor vendas që bashkëpunoj me vullnet dhe dëshirë të plotë me Rusinë. Ndërkohë, sipas Sky News, raportohet se ai bashkëpunoj me shokun e tij të klasës, i cili është anëtar i një prej grupeve terroriste për të mësuar planet sekrete ushtarake.
Personi i cili ka i ka treguar palës ruse informacionet ushtarake të Ukrainës është arrestuar që në mars nga autoritet vendase dhe tani është marrë vendimi me 11 vite burg.
“Pas fillimit të pushtimit në shkallë të plotë, ai mblodhi informacione rreth vendndodhjeve dhe lëvizjeve të njësive të forcave të mbrojtjes në zonat e vijës së parë të rajonit Donetsk. Para së gjithash, sulmuesi u përpoq të identifikonte pozicionet luftarake dhe fortifikimet e forcave të armatosura ukrainase në zonën e Kramatorsk”, shkruhej në deklaratën zyrtare publikuar nga mediat e huaja.
Rusia synonte ta përdorte këtë informacion për të "përgatitur dhe kryer sulme raketore" në Kramatorsk në rajonin e Donetsk.
Presidenti rus Vladimir Putin, ka nënshkruar një dekret që ndalon furnizimin e naftës së papërpunuar dhe produkteve të naftës, nëse vendet që i blejnë ato përfshijnë një kufi çmimi në kontratë.
Dekreti do të hyjë në fuqi më 1 shkurt dhe do të jetë i vlefshëm deri më 1 korrik 2023. Pasi dekreti të hyjë në fuqi, ai do të ndalojë vendet që zbatojnë kufirin e çmimit të importojnë naftë ruse. Qeveria ruse do të vendosë për datën kur do të zbatohet i njëjti ndalim për produktet e naftës.
“Furnizimi i (naftës dhe produkteve të naftës) për persona juridikë dhe individë është i ndaluar nëse kontratat për këto furnizime përmendin drejtpërdrejt ose tërthorazi një mekanizëm të fiksimit të një kufiri çmimi”, thuhet në dekret.
Megjithatë, Federata Ruse ka lënë një rrugë për të vazhduar eksportin e naftës në vendet e shpallura "jo miqësore", një dekret special i Putinit mund t'i lejojë këto furnizime për disa vende.
Më herët, u raportua se Moska mund të ulë prodhimin e naftës në 500,000-700,000 fuçi në ditë në përgjigje të kufizimeve të vendeve të G7 për eksportin e naftës ruse. Të ardhurat nga nafta janë një pjesë e madhe e buxhetit rus.
Katër ditë pasi G7 vendosi kufizime për të, një pjesë e naftës ruse po tregtohej për një çmim dukshëm më të ulët se kufiri i vendosur për Moskën; Vendet e G7 njoftuan se ranë dakord për vendosjen e "një kufiri çmimi" për naftën e eksportuar nga Federata Ruse nga deti në nivelin 60 dollarë amerikanë për fuçi.
'Asnjë plan paqeje për Ukrainën, nuk është i mundur nëse nuk merr parasysh katër rajonet e reja që bashkohen me Rusinë', tha zëdhënësi i Kremlinit Dmitri Peskov, sipas Tass.
Komanda ruse është larguar nga qyteti Kreminna, rajoni i Luganskut , ku po zhvillohen luftime intensive. Civilët rusë që ishin në qytet gjithashtu kanë ikur. Ky lajm është bërë i ditur nga guvernatori rajonal në mërgim Sergii Gaidai, i cili shtoi se lirimi i Kreminës do të hapë rrugën për forcat e armatosura ukrainase në Starobilsk, ose në drejtim të Rubizhny dhe Severodonetsk.
Sipas Gaidait, udhëheqja ushtarake e ushtrisë pushtuese është zhvendosur në vendbanime të tjera të pushtuara dhe civilët rusë po kthehen në territorin e Federatës.
“Rusët bombarduan repartin e maternitetit të spitalit Kherson, ku lindën 2 fëmijë sot”, njoftoi Zëvendës Shefi i Zyrës Presidenciale Timoshenko .
Sipas tij, nga sulmi nuk ka persona të lënduar. Para sulmit, mjekët arritën të kryejnë me sukses një operacion cezarian dhe se pesë gra janë pas lindjes në repart.
“Është një mrekulli që askush nuk u lëndua. Mjekët dhe pacientët ishin në strehimore”, shtoi Timoshenko.
Komente
Lajme të tjera
-
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20
O QEMOLO, PO S'ESHTE E NJEJTA GJE... kOSOVARET JANE NJE KOMB I NDRYSHEM NGA SERBET DHE FUNDJA E ME NE FUND FLASIN NJE TJETER GJUHE E KANE NJE TJETER FE... POR UKRAINASIT DHE UKRAINA, JAN E NJEJTA GJE. ATA JANE TE NJEJTE! (Nje gjuhe, nje fe, nje prejardhje, nje tradite e kulture e nje origjine. Ata s'kane asnje gje per ti ndare, perveç pordhitikes se ndyre). RUSIA E VERTETE ESHTE NE UKRAINE (KIEVIAN RUS). RUSIA DHE HISTORIA E SAJ KA FILLUAR NE KIEV, QE ESHTE KRYEQYTETI I UKRAINES. (Lexoni historine e faktet e saj, qe jane te pa mohueshme dhe te diskutuara!)...
PërgjigjuKosova ishte pjese e Jugosllavise kurse Ukraina ishte nje shtet sovran i pavarur dhe nuk ka asnje lloj lidhje njera me tjetren . Ukraina e kerkoj vete kete konflikt duke kerkuar qe te sillte bazat amerikane ne kufi te Rusise pavaresisht se cfare mashtrojne dhe thone perendimoret qe gjoja eshte lufte e paprovokuar
PërgjigjuPo ca vendimtar mor kokra e idiotit. Ca e di luften ti o Debil filma. Po ata jane stratege o kafshe o qelbesire Zelensky. Po ai ta nxin vetem bombardon dite per dite. Te pret Urat,te pret ujin,te pret energjine. Te izoloi. E fillon plasin semundjet kolera etj etj. Eshte shume e thjeshte. Ke spostuar 8 milion njerez o pis. Ca faji ka populli.
PërgjigjuSipas teje, Ukraina duhet ti nenshtrohet Putinit. E njejta gje do te thuhet edhe per Kosoven kundrejt Serbise. Serbia e ka vrare e ka prere dhe kane patur faje luftetaret kosovare qe nuk i bindeshin Milosheviçit? Mos flisni kot.
Ik mor dreq, ke shitur shpirtin dhe popullin tend
Përgjigju