Ata kanë pikëpamje të kundërta për luftën e Izraelit me Hamasin dhe qëndrime kontradiktore ndaj Moskës, pas ndërhyrjes së saj në Ukrainë, por kur udhëheqësit e Gjermanisë dhe të Turqisë të takohen të premten në Berlin, ata do të kenë shtytje të forta ekonomike dhe elektorale për të biseduar.
Vizita e parë e Presidentit Tayyip Erdogan në Gjermani, që nga viti 2020, vjen në prag të zgjedhjeve lokale turke, ku partia e tij shpreson të fitojë bashkitë e Ankarasë dhe Stambollit.
Perspektiva e një qasje më të mirë në tregun e Bashkimit Evropian dhe liberalizimi i vizave do të ishte një dhuratë e madhe për votuesit turq, të cilët po përballen me inflacionin e lartë dhe krizën e thellë ekonomike që ka kapluar Turqinë.
Erdogan gjithashtu do të ketë nevojë për bekimin e Kancelarit Olaf Scholz nëse dëshiron të blejë 40 avionë luftarakë të modelit “Eurofighter Typhoon” për të cilët njoftoi të enjten. Gjermania, nëpërmjet kompanisë Airbus, është një vend partnere në konsorciumin që i prodhon avionët. Për Scholz, i cili kryeson një koalicion trepalësh, roli i Ankarasë në frenimin e migracionit në BE e bën atë një partner të domosdoshëm.
Në shenjë të rëndësisë së vizitës, Kancelari Scholz u përpoq të mos i përgjigjej drejtpërdrejt thirrjeve të ashpra të zotit Erdogan ndaj luftës së Izraelit kundër Hamasit, ku mijëra palestinezë kanë humbur jetën. Militantët e Hamasit vranë mbi 1200 njerëz në sulmin e përgjakshëm të 7 tetorit ndaj Izraelit dhe morën mbi 240 pengje. Të mërkurën, ndërsa Presidenti Erdogan e quajti Hamasin një “organizatë çlirimtare”, zoti Scholz tha se “akuzat e ngritura kundër Izraelit ishin absurde”.
Por Erdogan e ashpërsoi edhe më tej qëndrimin të mërkurën duke e etiketuar Izraelin si “shtet terrorist” me “mbështetje të pakufizuar” nga Perëndimi, dhe duke sugjeruar se situata mund të dalë jashtë kontrollit. Gjermania ka shprehur solidaritet të fortë me Izraelin, ndërsa ka kërkuar përqendrimin tek zbutja e ndikimit të luftës tek popullsia civile e Gazës. Vizita e Presidentit turk në Gjermani vjen një ditë pasi komisioni i punëve të jashtme të parlamentit turk shtyu votimin për anëtarësimin e Suedisë në NATO, duke shtyrë zgjerimin e aleancës pas një pritjeje 18-mujore./VOA
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
'Dorëzoni armët, ose do groposeni me to', Erdogan paralajmëron rebelët kurdë në Siri
25 Dhjetor, 15:50 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
U kritikua nga ministri izraelit sepse kërkoi hetim për gjenocid, Papa Françesku: Bombardimet në Gaza janë mizori
21 Dhjetor, 15:46 -
Human Rights Watch akuzon Izraelin: Ka bërë gjenocid në Gaza! Ndërpreu ujin për popullsinë qëllimisht
20 Dhjetor, 12:33
-
Lufta/ Izraeli bombardon 2 shkolla në Gaza, të paktën 15 të vdekur! IDF: Shërbenin si qendra komandimi të Hamas
20 Dhjetor, 08:37 -
Lufta në Rripin e Gazës/ Norvegjia refuzon të luajë ndaj Izraelit
19 Dhjetor, 13:32 -
Samiti/ Rama: Një ditë afrimi i mëtejshëm me Europën, u mbështet fuqimisht plani ynë me KE për mbylljen e negociatave në fund të vitit 2027 (FOTOT)
19 Dhjetor, 09:00 -
Reuters: Netanyahu drejt Kairos për armëpushimin në Gaza
17 Dhjetor, 17:20 -
Scholz humbet votëbesimin, Gjermania shkon në zgjedhje të parakohshme
16 Dhjetor, 16:51 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33
