Ministria e Shëndetësisë në Gaza, e cila udhëhiqet nga Hamas, ka deklaruar ditën e sotme se numri i palestinezëve të vrarë për shkak të sulmeve izraelite që nga fillimi i luftës, më 7 tetor, ka shkuar në 24,762.
Ndër të tjera, institucioni palestinez bën me dije se 62,108 të tjerë janë plagosur si pasojë e luftimeve.
Raportuesja speciale e OKB-së për territoret e pushtuara palestineze tha se Izraeli ka shkelur ligjin ndërkombëtar duke bombarduar Rripin e Gazës, i cili ka rrafshuar lagje të tëra dhe ka vrarë më shumë se 24,000 palestinezë.
![](https://shqiptarja.com/template/img/NO_ALFA_Kuadrate shqiptarja.png)
Presidenti i Shteteve të Bashkuara, Joe Biden, zhvilloi një bisedë telefonike me kryeministrin e Izraelit, Benjamin Netanyahu për "situatën në Izrael dhe në Gazë", njoftoi Shtëpia e Bardhë të premten.
Shtetet e Bashkuara, përmes Komandës Qendrore, konfirmojnë se ‘terroristët Houthi të mbështetur nga Irani qëlluan dy raketa balistike kundër anijeve në Chem Ranger, një anije me flamur të ishulljve Marshall, në Shtetet e Bashkuara’. Komanda Qendrore e SHBA thekson se ‘Nuk u raportuan lëndime apo dëmtime në anije. Anija vazhdoi të lundronte.’
Ekuipazhi vëzhgoi raketat teksa ranë në ujë, pranë anijes.
Houthis thanë se ata qëlluan me "raketa" në një anije amerikane, Chem Range , të enjten në Gjirin e Adenit. Sulmi rezultoi në "goditje të drejtpërdrejta", tha një deklaratë nga grupi Houthi. Forcat e armatosura të Jemenit thanë se hakmarrja për sulmet amerikane dhe britanike është e pashmangshme dhe se çdo agresion i ri nuk do të mbetet i pandëshkuar.
Kush janë Houthis?
Lëvizja Houthi, e njohur gjithashtu si Ansarallah (Përkrahësit e Zotit), është njëra anë e luftës civile në Jemen që ka shpërthyer për gati një dekadë. Ajo u shfaq në vitet 1990, kur udhëheqësi i saj, Hussein al-Houthi, nisi "Rininë Besimtare", një lëvizje ringjalljeje fetare për një nënsekt shekullor të Islamit Shiit të quajtur Zaidizëm.
Zaidët sunduan Jemenin për shekuj, por u margjinalizuan nën regjimin sunit që erdhi në pushtet pas luftës civile të vitit 1962. Lëvizja e Al-Houthi u themelua për të përfaqësuar Zaidët dhe për t'i rezistuar sunnizmit radikal, veçanërisht ideve vehabiste nga Arabia Saudite. Ndjekësit e tij më të afërt u bënë të njohur si Houthis.
Ministria e Shëndetësisë e drejtuar nga Hamasi në Gaza raportoi se numri i të vdekurve në Rripin ishte rritur në 23,708.
"Mbi 1000 ushtarë italianë në Liban janë atje për një mision të OKB-së. Nëse nevojitet një mision paqeje në Gaza, në një fazë tranzicioni, ne jemi gati të dërgojmë ushtarët tanë në OKB si bartës të paqes. Nuk ka asnjë kërkesë amerikane për të zgjerojë misionin libanez në këtë drejtim”. Kështu deklaroi zëvendëskryeministri dhe ministri i Jashtëm, Antonio Tajani, në Radio24.
Numri i viktimave pas bombardimeve izraelite gjatë natës në zonën Abasan të Khan Yunis ka shkuar në 10 të vdekur. Sipas transmetuesit të Katarit Al Jazeera, sulmeve ajrore gjatë natës iu bashkuan tanke dhe automjete të ushtrisë izraelite të cilat arritën në afërsi të spitalit Nasser dhe spitalit jordanez.
Numri i të vdekurve të shkaktuar nga hakmarrja izraelite në Rripin e Gazës që nga 7 tetori është rritur në 24,762 të vdekur dhe 62,108 të plagosur. Kjo është bërë e ditur nga Ministria e Shëndetësisë e Gazës, e drejtuar nga Hamasi. Vetëm në 24 orët e fundit, 142 palestinezë kanë humbur jetën, ndërsa 278 janë plagosur në enklavën palestineze.
John Kirby
Në bisedën telefonike me Netanyahun, Biden përshëndeti vendimin e qeverisë izraelite për të lejuar dërgesa të mëdha mielli në Gaza përmes portit izraelit të Ashdod, tha zëdhënësi i Këshillit të Sigurisë Kombëtare të Shtëpisë së Bardhë, John Kirby, gjatë një deklarate për mediat të mbajtur këtë të premte.
Kjo duket të jetë hera e parë që Izraeli ka përdorur portin e tij Ashdod për të transferuar ndihma në Gaza dhe ky vendim vjen vjen vetëm disa ditë pasi Izraeli ra dakord në fillim të këtij muaji që të lejojë 150 kamionë me miell të hyjnë në Gaza, ku Kombet e Bashkuara thonë se ka një rrezik për shpërthimin e urisë.
Presidenti i Shteteve të Bashkuara, Joe Biden, zhvilloi një bisedë telefonike me kryeministrin e Izraelit, Benjamin Netanyahu për "situatën në Izrael dhe në Gazë", njoftoi Shtëpia e Bardhë të premten.
Detajet e bisedës mes dy liderëve nuk janë publikuar, por Shtëpia e Bardhë ka thënë se do të jap më shumë detaje më vonë, raporton Reuters.
Bisedimet u raportua se u zhvilluan pasi zyrtarët e Komitetit Ndërkombëtar të Gjysmëhënës së Kuqe raportuan "sulme intensive nga dronët izraelitë në spitalin Al-Amal" në Khan Yunis - një qytet në pjesën jugore të Rripit të Gazës.
Izraeli këtë javë nisi sulme të reja në qytetin për të cilin thotë se është një bazë për luftëtarët e Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian./ REL
John Kirby
SHBA ka kryer sulme të tjera kundër Houthis në Jemen, tha zëdhënësi i Këshillit të Sigurisë Kombëtare John Kirby, gjatë një deklarate për mediat të bërë pak minuta më parë.
Gaza
Ministria e Shëndetësisë në Gaza, e cila udhëhiqet nga Hamas, ka deklaruar ditën e sotme se numri i palestinezëve të vrarë për shkak të sulmeve izraelite që nga fillimi i luftës, më 7 tetor, ka shkuar në 24,762.
Ndër të tjera, institucioni palestinez bën me dije se 62,108 të tjerë janë plagosur si pasojë e luftimeve.
Raportohet se vetëm në 24 orët e fundit, 142 palestinezë kanë humbur jetën, ndërsa 278 janë plagosur.
Mikhail Bogdanov
I dërguari special i Rusisë për Lindjen e Mesme, Mikhail Bogdanov, denoncoi një krizë humanitare në Rripin e Gazës që "ka marrë përmasa katastrofike" gjatë një takimi në Moskë me Musa Abu-Marzouk, një anëtar i Byrosë Politike të Hamasit.
Në të njëjtin takim, raporton Ministria e Jashtme ruse, e cituar nga Ria Novosti, Bogdanov bëri thirrje për "lirimin e shpejtë të civilëve të kapur gjatë sulmeve të 7 tetorit dhe të mbajtur nga fraksionet palestineze, duke përfshirë tre shtetas rusë".
Gaza pas bombardimeve izraelite
Raportuesja speciale e OKB-së për territoret e pushtuara palestineze tha se Izraeli ka shkelur ligjin ndërkombëtar duke bombarduar Rripin e Gazës, i cili ka rrafshuar lagje të tëra dhe ka vrarë më shumë se 24,000 palestinezë.
“Izraeli ka bërë një sërë veprimesh që janë kryesisht të paligjshme. E drejta ndërkombëtare humanitare duhet të respektohet për të mbrojtur njerëzit që nuk marrin pjesë në luftime: civilët, të burgosurit e luftës, të sëmurët dhe të plagosurit. Kjo do të thotë të bëhet dallimi midis luftëtarëve dhe civilëve dhe të sigurohet që sulmet ushtarake të jenë proporcionale për të shmangur lëndimet ndaj civilëve. Në vend të kësaj, ajo që ndodhi ishte më shumë se 100 ditë bombardime të rënda. Në dy javët e para, 6 mijë bomba u përdorën në javë, bomba secila me peshë rreth një ton, në zona shumë të mbushura me njerëz", tha Francesca Albanese në një konferencë për shtyp në Madrid.
Mohammad Raad
“Izraeli nuk është gati për luftë kundër Hezbollahut". Kështu deklaroi kreu i grupit parlamentar të Hezbollahut në Bejrut, Mohammad Raad.
Ai argumentoi se "armiku izraelit nuk është i përgatitur për një luftë për të cilën rezistenca në Liban është gati. Kjo do t'i tregojë të gjithë fuqinë e saj dhe do të ketë gjithmonë fjala e fundit".
Duke thënë se Izraeli është "i zënë ngushtë dhe i frustruar" nga humbjet e tij në Rripin e Gazës, Raad argumenton se ushtria izraelite "ka dështuar të arrijë objektivat e saj".
Eksponenti i Hezbollahut shtoi se "armiku izraelit është i detyruar të tërhiqet sepse është i lodhur dhe duhet të përballet me rezistencën që nuk e priste. Është i frustruar dhe i ka vënë në siklet të gjithë ata që e mbështesin".
Gaza pas bombardimeve izraelite
Ministri izraelit i kabinetit të luftës dhe ish-shefi i shtabit, Gadi Eisenkot, konfirmoi raportet se në fillim të luftës midis Izraelit dhe Hamasit, një sulm parandalues izraelit kundër milicive libaneze të Hezbollahut u anulua në minutën e fundit.
Gadi foli në një intervistë të gjerë me programin investigativ Uvda që u transmetua të enjten në televizionin izraelit Channel 12, hera e parë që ai ka folur në publik për trajtimin e tij të luftës.
Ministri tha se ai ishte ndër ata që kundërshtuan një sulm parandalues ndaj Hezbollahut në atë që ai e përshkroi si një mbledhje të stuhishme të kabinetit më 11 tetor, të cilën ai tha se e bëri zërin e tij të ngjirur nga të bërtiturat.
Një sulm i tillë do të kishte qenë një "gabim strategjik" dhe me gjasë do të kishte ndezur një luftë rajonale, tha Eisenkot, duke thënë se kundërshtimet e forta të ngritura nga ai dhe të tjerët në mbledhjen e kabinetit ishin çelësi për të shmangur sulmin.
Foto nga Gaza pas bombardimeve izraelite
Ministrat e Jashtëm të Izraelit dhe Palestinës do të marrin pjesë në Këshillin e Punëve të Jashtme të hënën e ardhshme (22 Janar) në Bruksel. Kështu thonë burime diplomatike.
Axhenda për momentin përfshin një mëngjes me ministrin egjiptian përpara Këshillit aktual dhe më pas ata do të fokusohen tek lufta në Ukrainë.
Pasi të mbyllet kapitulli, radha do të jetë e ministrit izraelit. Më pas një drekë me emisarët e Arabisë Saudite, Jordanisë dhe Lidhjes Arabe. Më në fund takimi me përfaqësuesin palestinez.
Foto nga kalimi i kamionëve me ndihma humanitare në Gazën veriore
Autoritetet izraelite kanë lejuar kalimin e më shumë se 400 kamionë që transportonin ndihma humanitare në veri të Gazës gjatë javëve të fundit.
“Në javët e fundit, më shumë se 400 kamionë që transportonin ndihma humanitare janë dorëzuar me sukses në Gazën veriore”, thuhet në deklaratë.
Ndihmat humanitare u dërguan në objektet e Kombeve të Bashkuara në veri të Gazës si edhe në spitalin Al Shifa, raportojnë mediat greke.
“Izraeli nuk ka dhe nuk do të ndërhyjë në dërgimin e ushqimeve apo ndonjë ndihme tjetër humanitare për popullin e Gazës”, përfundon deklarata.
✅Over 400 humanitarian aid trucks have been successfully coordinated to northern Gaza over the last few weeks.
— COGAT (@cogatonline) January 19, 2024
Israel has not and will not stand in the way of providing food or any other form of humanitarian aid to the people of Gaza. pic.twitter.com/eP6aLYjTJE
Gadi Eisenkot
Ministri izraelit i kabinetit të luftës dhe ish-shefi i shtabit, Gadi Eisenkot, ka kritikuar trajtimin e luftës në Gaza nga Netanyahu, duke thënë se diskutimet për arritjen e një fitoreje të plotë mbi Hamasin ishin jopraktike.
Ai tha gjithashtu se, ndryshe nga deklaratat e përsëritura të Netanyahut për vazhdimin e goditjes së Gazës deri sa të lirohen robërit, e vetmja mënyrë për të siguruar lirimin e tyre është të arrihet një marrëveshje me Hamasin, të cilët pretendojnë se mund t'i çlirojnë me presion ushtarak po përhapin vetëm "iluzione".
“Duhet të thuhet, me guxim, se nuk është e mundur të kthehen të gjallë pengjet në një afat të afërt pa një marrëveshje”, tha Gadi, duke goditur “këdo që përpiqet t’i shesë fantazitë publikut.”
Gadi gjithashtu tha se më 11 tetor, Izraeli ishte në prag të goditjes së Hezbollahut, por ai dhe Benny Gantz, gjithashtu një ish-shef i shtabit, arritën të bindin zyrtarët në kabinetin e luftës që të ndalojnë.
“Unë mendoj se prania jonë atje e pengoi Izraelin të bënte një gabim të rëndë strategjik”, tha Gadi.
Presidenti i Autoritetit Palestinez
Presidenti i Autoritetit Palestinez deklaroi se nuk do të ketë siguri apo stabilitet në Lindjen e Mesme pa krijimin e një shteti të pavarur palestinez.
Ndërkohë kreu i qeverisë izraelite Benjamin Netanyahu tha dje se ideja e krijimit të një shteti palestinez do të binte ndesh me sigurinë e Izraelit.
“I gjithë rajoni është në prag të një shpërthimi vullkanik”, tha zëdhënësi i PA Nabil Abu Rudeineh, sipas agjencisë palestineze të lajmeve WAFA, duke shtuar se vërejtjet e Netanyahut tregojnë se qeveria izraelite është “e vendosur të shtyjë të gjithë rajonin në humnerë”.
Rudeineh pretendoi gjithashtu se SHBA-ja “mbart përgjegjësinë për përkeqësimin e sigurisë dhe stabilitetit në rajon për shkak të paragjykimeve dhe mbështetjes së verbër për pushtimin izraelit", raporton CNN.
Ndërsa presidenti amerikan, Joe Biden, ka mbrojtur prej kohësh një zgjidhje me dy shtete të konfliktit izraelito-palestinez. Zyrtarët amerikanë thanë të enjten se nuk do të lejojnë refuzimin e dukshëm të një shteti palestinez nga ana e Netanyahut, që t’i ndalojë ata të shtyjnë çështjen me homologët e tyre izraelitë.
Antonio Tajani
"Mbi 1000 ushtarë italianë në Liban janë atje për një mision të OKB-së. Nëse nevojitet një mision paqeje në Gaza, në një fazë tranzicioni, ne jemi gati të dërgojmë ushtarët tanë në OKB si bartës të paqes. Nuk ka asnjë kërkesë amerikane për të zgjerojë misionin libanez në këtë drejtim”.
Kështu deklaroi zëvendëskryeministri dhe ministri i Jashtëm, Antonio Tajani, në Radio24.
Wael Abu Fanounah
Një zëdhënës i Xhihadit Islamik, Wael Abu Fanounah, u vra në një sulm ajror izraelit në Rripin e Gazës. Ne e lexojmë këtë në një shënim të përbashkët nga Shin Bet dhe Forcat e Mbrojtjes të Izraelit (IDF), të cilat shpjegojnë se Abu Fanounah ishte përgjegjës për krijimin dhe shpërndarjen e videove propagandistike të grupit, duke përfshirë ato me pengje dhe raketa të lëshuara drejt Izraelit.
Abu Fanounah kishte mbajtur më parë poste të tjera të larta brenda Xhihadit Islamik, duke përfshirë zëvendës të Khalil Bahtinit, komandant i grupit në Rripin verior të Gazës.
Benjamin Netanyahu
Duke iu referuar skenarit të pasluftës në Rripin e Gazës, kryeministri izraelit Benjamin Netanyahu tha të enjten se çdo zgjidhje në të ardhmen e parashikueshme duhet të përfshijë kontrollin e ushtrisë izraelite mbi të gjithë Bregun Perëndimor.
Për sa i përket bisedimeve me përfaqësuesit e Uashingtonit, ai tha se i qëndron përpjekjeve për të diktuar çdo realitet që, sipas tij, do të përbënte kërcënim për sigurinë e Izraelit.
“Kryeministri i Izraelit duhet të jetë në gjendje të thotë ‘jo’ kur është e nevojshme, madje edhe miqve tanë më të mirë. Nga çdo zonë nga e cila u tërhoqëm, ajo që morëm ishte terrorizmi, terrorizmi i tmerrshëm", tha Netanyahu.
Ai tha se kjo ndodhi në Libanin jugor, në Rripin e Gazës dhe në zonat e Bregut Perëndimor. Kjo është arsyeja pse kontrolli i Bregut Perëndimor është kaq i rëndësishëm, këmbënguli ai.
Rreth 3 milionë palestinezë jetojnë në Bregun Perëndimor të pushtuar, duke përfshirë rreth 490,000 kolonë izraelitë, në vendbanime që konsiderohen të paligjshme sipas ligjit ndërkombëtar, por shumica dërrmuese e tyre njihen nga shteti hebre.
Foto nga Gaza
Më shumë se 40 persona janë vrarë pas valës së fundit të sulmeve izraelite në të gjithë Rripin e Gazës. Kështu raporton Al Jazeera, duke specifikuar se 29 trupa të pajetë u dërguan në spitalin al-Aqsa në Deir el-Balah, ndërsa 12 të tjerë u dërguan në spitalin Al-Shifa që mezi funksiononte në qytetin e Gazës.
Të paktën tre prej tyre u vranë nga bombardimet izraelite në lagjen Sheikh Radwan të qytetit të Gazës. Forcat izraelite vazhduan të bombardojnë Khan Younis dhe të zhvendosin përforcime ushtarake në zonë.
Mijëra njerëz u mblodhën në Tel Aviv mbrëmjen e së enjtes për të kërkuar një armëpushim në Gaza dhe paqe me palestinezët.
Protestat po zhvillohen përsëri në Izrael ndërsa zemërimi po rritet ndaj administratës së Netanyahut, e cila nuk ka arritur të lirojë robërit pavarësisht luftës shkatërruese, raporton Al Jazeera.
Disa nga familjet e robërve ishin gjithashtu të pranishëm gjatë protestave, ku shumë demonstrues mbanin pankarta ku shkruhej “Paqja fillon me shpresë” dhe “Paqja është zgjidhja e vetme”.
“Njerëzit thonë se vetëm paqja do të sjellë siguri për Izraelin. Na thuhet se shumë nuk mbajnë flamuj palestinezë sepse kanë frikë se mund të arrestohen", tha Teresa Bo e Al Jazeera, duke raportuar nga Tel Aviv.
Houthis
Shtetet e Bashkuara , përmes Komandës Qendrore, konfirmojnë se " terroristët Houthi të mbështetur nga Irani qëlluan dy raketa balistike kundër anijeve në Chem Ranger, një anije me flamur të ishullit Marshall, në Shtetet e Bashkuara".
Ky është një cisternë e operuar nga Greqia. Centcom thekson se "nuk u raportuan lëndime apo dëmtime në anije. Anija vazhdoi të lundronte. Ekuipazhi vëzhgoi raketat duke goditur ujin pranë anijes".
Benjamin Netanyahut
Shtetet e Bashkuara nuk do të preken nga refuzimi i një shteti palestinez nga Benjamin Netanyahu dhe do të vazhdojnë të bëjnë presion mbi Izraelin.
Burime të administratës e raportuan këtë për CNN, duke konfirmuar tensionin që ekziston midis Shtëpisë së Bardhë dhe kryeministrit izraelit, përtej mbështetjes së vazhdueshme të shprehur publikisht për Izraelin nga Presidenti Joe Biden.
"Nëse do t'i merrnim këto deklarata si fjalën e fundit, nuk do të kishte pasur asistencë humanitare për Gazën dhe asnjë peng të liruar. Ashtu si me këto dhe shumë çështje të tjera, ne do të vazhdojmë të punojmë drejt rezultatit të duhur, veçanërisht për çështjet për të cilat nuk pajtohemi fuqishëm", tha një zyrtar i lartë i administratës amerikane.
Houthis
Houthis po përgatiten për një sulm të ri kundër një anijeje amerikane në Gjirin e Adenit. Kështu raporton The Guardian.
Houthis deklaruan se ata qëlluan "raketa detare" në një anije amerikane, Chem Ranger, të enjten në Gjirin e Adenit.
Sulmi rezultoi në "goditje të drejtpërdrejta", tha një deklaratë nga grupi Houthi.
Forcat e armatosura të Jemenit konfirmojnë se hakmarrja për sulmet amerikane dhe britanike është e pashmangshme dhe se çdo agresion i ri nuk do të mbetet i pandëshkuar.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)