Lufta/ Moska: Ndaloni dominimin e SHBA-së, fokusohuni në Kinë dhe Indi! Presidenti bjellorus kërkon armëpushim me Ukrainën, Rusia nuk pranon

Lufta/ Moska: Ndaloni dominimin e SHBA-së, fokusohuni në Kinë dhe Indi! Presidenti bjellorus kërkon armëpushim me Ukrainën, Rusia nuk pranon

Foto nga lufta në Ukrainë

Moska pretendon se politika amerikane është burimi kryesor i rreziqeve për sigurinë e Rusisë dhe paqen ndërkombëtare. Sipas strategjisë të Politikës së jashtme ruse, synohet të hiqet dominimi i SHBA në botë dhe të thellojnë koordinimin e Moskës me Kinën dhe Indinë.

Udhëheqësi bjellorus, Alekansër Lukashenko, aleat me Putinin bën thirrje për një "armëpushim të pakushtëzuar në Ukrainë", por Rusia nuk pranon.

"Ne duhet të ndalojmë konfliktin përpara se ai të përshkallëzohet më tej. Nëse udhëheqja ruse sheh rrezikun e kolapsit të vendit, ajo do të përdorë armët më të frikshme", tha Lukashenko.

Ndërkohë pas arrestimit të gazetarit të WallStreet Journal, SHBA u ka bërë thirrje të gjithë amerikanëve të largohen nga Rusia. Evan Gershkovich, gazetari i Wall Street Journal i arrestuar në Rusi, akuzohet për spiunazh. Rusët dyshojnë se ka mbledhur informacione për qeverinë amerikane në lidhje me një kompleks ushtarak-industrial në qytetin e Yekaterinburg. 

Në terren, nga Zaporizhzhia, pas një vizite dyditore në uzinë, kreu i Agjencisë Ndërkombëtare të Energjisë Atomike lëshoi ​​një mesazh dramatik për sigurinë e uzinës, "luftimet janë shumë intensive, nuk mund të mbrohet".

Parlamenti turk ka ratifikuar protokollet e anëtarësimit të Finlandës në NATO. Pasi parlamenti hungarez miratoi hyrjen e Helsinkit më 27 mars, me votimin e sotëm Turqia është anëtarja e fundit e NATO-s që i dha dritën jeshile Finlandës për anëtarësim në Aleancën Atlantike. Megjithatë, Ankaraja nuk e ka miratuar ende pranimin e Stokholmit dhe po i kërkon Suedisë të ekstradojë militantët që besohet se janë terroristë për të filluar procesin e ratifikimit.

Rendit zhvillimet sipas orarit:
Ora 20:54
Zelensky: Presidenti kinez po heziton të mbështesë Ukrainën, pres përgjigjien e tij për t’u takuar

1677411197_zelensky.PNG

Presidenti ukrainas Volodymyr Zelensky beson se lideri kinez Xi Jinping është ndër ata liderë që ende hezitojnë të mbështesin Ukrainën dhe po pret që ai t'i përgjigjet sinjaleve për bisedime të mundshme.

"Çfarë po ndodh me udhëheqësin e Kinës? Ky është një nga ata udhëheqës që heziton. Ne u dërgojmë sinjale shteteve dhe themi se jemi gati të takohemi, diskutojmë, bisedojmë dhe mposhtim agresionin rus së bashku. Ne presim përgjigje nga disa shtete," tha Zelensky, duke iu përgjigjur një pyetjeje në lidhje me mundësinë e një takimi me liderin kinez.

Ora 16:49
Kievi: Nuk pranojmë armëpushim, do t'i jepte Rusisë të drejtën për të qëndruar në Ukrainë

1678466200_keshilltari.JPG

Çdo armëpushim nënkupton të drejtën e Rusisë për të qëndruar në territoret e pushtuara. Kjo është krejtësisht e papranueshme. Ukraina ka të drejtë të lëvizë trupa dhe pajisje në territorin e saj siç e sheh të nevojshme.

Kështu u shpre këshilltari i presidencës ukrainase, Mykhailo Podolyak i cili nuk la pa përmendur edhe deklaratën e presidentit bjellorus, Alexandër Lukashenko i cili këtë mëngjes bëri thirrje për një armëpushim të menjëhershëm në Ukrainë.

Ora 16:13
Përvjetori i parë i masakrës në Buça, gjaku i viktimave kujtohet nga fëmijët

 Viktimat e mizorive të supozuara të kryera në qytetin Bucha gjatë okupimit rus janë përkujtuar sot në përvjetorin e çlirimit të qytetit.

Udhëheqësit e Sllovakisë, Moldavisë, Sllovenisë dhe Kroacisë iu bashkuan Volodymyr Zelenskyy për të bërë nderimet e tyre në Ukrainë.

Pranë ambasadës së Rusisë në Serbi, gratë mbanin make up për të simbolizuar gjakun e derdhur në një tubim për të shënuar përvjetorin.

 

Ora 16:08
Ukraina thirrje Mbretërisë së Bashkuar :Ndaloni vizat e tenistëve rusë

Ukraina thirrje Mbretërisë së Bashkuar :Ndaloni vizat e tenistëve rusë

Ministri i Jashtëm i Ukrainës e ka cilësuar vendimin e Ëimbledon për të lejuar lojtarët rusë dhe bjellorusë të konkurrojnë si "imoral".

Dmytro Kuleba i kërkoi Mbretërisë së Bashkuar të refuzojë vizat për sportistët për të hyrë në vend.

"A e ka pushuar Rusia agresionin apo mizoritë e saj? Jo, është thjesht se Ëimbledon vendosi të strehojë dy bashkëpunëtorë në krim," tha zoti Kuleba në një deklaratë.

Për kontekstin: Ëimbledon njoftoi sot planet për të hequr ndalimin e lojtarëve rusë dhe bjellorusë në turne, me kusht që ata të konkurrojnë si atletë neutralë.

Atyre do t'u ndalohet të pranojnë fonde nga të dy kombet, të shfaqin flamuj ose simbole të lidhura me to, ose të shprehin mbështetje për pushtimin e Rusisë.

Ora 16:01
'Lëreni të shkojë': Joe Biden i thotë Rusisë të lirojë gazetarin e arrestuar amerikan

Joe Biden i ka bërë thirrje Rusisë që të lirojë një gazetar amerikan të arrestuar nën dyshimin për spiunazh.

Ai tha se aktualisht nuk po planifikon të dëbojë diplomatët rusë për arrestimin e Evan Gershkovich, 31, nga Wall Street Journal.

Duke u larguar nga Shtëpia e Bardhë për në Misisipin e shkatërruar nga stuhia, presidenti tha thjesht: "Lëreni të shkojë".

FSB, shërbimi rus i sigurisë, akuzoi zotin Gershkovich për mbledhjen e informacionit të klasifikuar si sekret shtetëror për një fabrikë ushtarake.

Pa dhënë prova, Rusia tha se kishte arrestuar gazetarin 31-vjeçar në qytetin Ural, Yekaterinburg, teksa ai po përpiqej të siguronte informacione sekrete.

Gazeta tha se ndalimi i tij bazohej në pretendime të rreme.

Për kontekstin: Shtëpia e Bardhë i ka quajtur tashmë akuzat "qesharake" dhe arrestimin e Z. Gershkovich "të papranueshëm", por kjo është ndërhyrja e parë nga vetë Joe Biden.

Ora 15:56
Kryeministri hungarez:“ Lufta në Ukrainë rreziku i Luftës së Tretë Botërore”

Kryeministri i vendit të Evropës lindore Viktor Orban, i cili është përpjekur të qëndrojë jashtë konfliktit mes Rusisë dhe Ukrainës u shpreh se lufta në Ukrainë sipas tij  është një  "rrezik real" për t'u bërë Lufta e Tretë Botërore.

Nisur nga rrethanat dhe situata mes dy vendeve Rusi – Ukrainë kreu i Hungarisë më tej tha se Perëndimi kërcënon të tërheqë vende të tjera në konflikt duke ofruar ndihmë ushtarake për Ukrainën.Udhëheqësi i popullit të krahut të djathtë ka bërë thirrje për bisedime paqeje, por nuk e kritikoi drejtpërdrejt Rusinë për pushtimin e saj.

"Jam i bindur se kërcënimi i luftës botërore nuk është një ekzagjerim letrar," tha ai.“Kur liderët evropianë dhe amerikanë thonë se nëse vazhdon kështu, ne mund të përfundojmë në Luftën e Tretë Botërore, në fillim tingëllon e pabesueshme dhe e ekzagjeruar, por aty ku punoj dhe ku shoh ngjarjet, ky është një rrezik real në këtë moment”.

Qeveria e Orban ka refuzuar t'i japë Ukrainës ndihmë ushtarake dhe nuk lejon transferimin e saj përtej kufijve të Hungarisë por në vitin e shkuar Hungaria i dërgoi 187 milion euro në Ukrainë si pjesë e një pakete të planifikuar të mbështetjes së BE-së.

Vetë kryeministrit Viktor Orban ka deklaruar se ishte e gatshme të paguante pjesën e saj të mbështetjes për Ukrainën, por do ta paguante atë në mënyrë dypalëshe.

Mbështetja e Hungarisë për Ukrainën ka qenë disi më pak entuziaste se aleatët e saj perëndimorë.Hungaria ka refuzuar të lejojë dërgesat e armëve të destinuara për Ukrainën të kalojnë nëpër territorin hungarez dhe ka bllokuar shtrirjen e sanksioneve të BE-së kundër Rusisë në sektorin e energjisë.

 

Ora 13:16
Presidenti spanjoll takon Xi Jinping: Mbështetje për planin e Zelenskyt, paqe e qëndrueshme

1680261414_sanchez.JPG

Kryeministri spanjoll, Pedro Sánchez , nënvizoi rëndësinë e një paqeje "të drejtë dhe të qëndrueshme" në Ukrainë, e cila respekton sovranitetin dhe integritetin territorial të vendit të sulmuar, siç parashikohet në planin e paqes të presidentit ukrainas, Volodymyr Zelensky . Gjatë takimit në Pekin me presidentin kinez, Xi Jinping , kryeministri spanjoll tha se ishte i interesuar të njihte "vizionin e Xi-t për kontekstin aktual gjeostrategjik global" dhe "gjithashtu pozicionin e Kinës për një luftë që po prek veçanërisht Ukrainën. dhe sidomos pas vizitës në Moskë", i presidentit kinez, javën e kaluar. Xi, tha Sánchez, "e di se cili është pozicioni ynë: ne duhet të vazhdojmë të bastojmë për paqen: se paqja është e drejtë, e qëndrueshme dhe në përputhje me Kartën e Kombeve të Bashkuara". ai shtoi se kryeministri spanjoll i cituar nga gazeta La Vanguardia , nevojitet një paqe që "respekton parimet e rendit ndërkombëtar: sovranitetin dhe integritetin territorial të vendit të sulmuar, siç pretendon Presidenti Zelensky në formulën e tij për paqen, të cilën Spanja e mbështet.".

 

Ora 11:06
Lukashenko kërcënon: Një luftë botërore po afrohet në horizont

1678433558_Screenshot4.jpg

Lufta e Tretë Botërore me zjarre bërthamore duket në horizont. Kështu deklaroi presidenti bjellorus Lukashenko , i cituar nga agjencitë ruse. Dhe ai shtoi se ka vetëm një mënyrë për të zgjidhur problemin në Ukrainë: "bisedimet pa parakushte" të cilat "duhet të fillojnë menjëherë".

Ora 09:18
Deputetët e të djathtës ekstreme në Austri lënë sallën ku mbante fjalim Zelensky

Më shumë se 20 deputetë austriakë të ekstremit të djathtë janë larguar gjatë një seancë, në të cilën ka mbajtur fjalim presidenti ukrainas, Volodymyr Zelensky.

Politikanët e Partisë Liria (FPO) kanë thënë se fjalimi i Zelenskyt e ka shkelur neutralitetin e Austrisë.

Ata kanë paralajmëruar në nisje të fjalimit se do të bëjnë një lloj të protestës, kundër adresimit të Zelenskyt.

Austria ka thënë më parë se nuk mund t’i ndihmojë ushtrisë ukrainase, mirëpo e mbështet Kievin në aspektin politik.

Përmes një video-adresimi, Zelensky e ka falënderuar Austrinë për ndihmën humanitare, dhe ofrimin e ndihmës për pastrim të minave.

Ai e ka mbajtur fjalimin në ditën e 400-të të nisjes së luftës në Ukrainë.

Zelensky, po ashtu, i ka ftuar deputetët austriakë që të udhëtojnë në Ukrainë dhe të shohin vetë shkallën e shkatërrimit

Presidenti i Dhomës së Ulët të Parlamentit, Wolfgang Sobotka, është zotuar për ndihmë më të madhe financiare dhe humanitare në Ukrainë, dhe ka thënë se ky shtet e meriton solidaritetin e Austrisë.

Mirëpo, teksa Zelensky ka folur, një grup i politikanëve, kanë dalë jashtë dhe kanë lënë mbishkrimet mbi tavolinat e tyre “hapësirë për neutralitet” dhe “hapësirë për paqe”.

Ata kanë qenë deputetët e vetëm që e kanë kundërshtuar fjalimin e Zelenskyt.

“Neutraliteti i përhershëm” i Austrisë ka qenë pjesë e kushtetutës së këtij shteti prej vitit 1955.

Ligji përcakton që “Austria nuk do të përfshihet kurrë në aleanca ushtarake dhe as nuk do të lejojë ndërtimin e bazave ushtarake të shteteve të huaja në territorin e saj”.

Ora 09:14
Kiev: Sulmi rus në Zaporizhzhia, shkatërrohet infrastruktura

1680247143_wrtkl.JPG

Distrikti Zaporizhzhia, në juglindje të Ukrainës, ku ndodhet termocentrali më i madh bërthamor në Evropë, u bombardua nga ushtria ruse gjatë natës dhe herët në mëngjes. Kjo është raportuar nga Administrata Ushtarake Rajonale e cituar nga mediat ukrainase. Sipas autoriteteve lokale, njësitë ushtarake të Federatës Ruse kanë nisur një sërë sulmesh me një sistem raketash kundërajrore duke shkaktuar shkatërrimin e infrastrukturës civile. "Strukturat civile janë shkatërruar: shpërtheu një zjarr, shtëpitë aty pranë u dëmtuan nga vala goditëse. Nuk ka viktima", tha administrata.

Ora 07:56
Ukraina përkujton masakrën e Buçës

1680242177_byca.JPG

Ukraina sot përkujton përvjetorin e tërheqjes ruse nga qyteti martir Bucha, ku trupat ruse lanë pas kufomat e civilëve të ekzekutuar në të ftohtë, duke e bërë këtë vendndodhje pranë Kievit simbolin më të shndritshëm të mizorive që i atribuohen ushtrisë së Moskës.

G.MO//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Nga Kamenica në SHBA, vajza që po hulumton detektimin e hershëm të kancerit

Nga Kamenica në SHBA, vajza që po hulumton detektimin e hershëm të kancerit