Lufta/ Washington dhe Londra u kërkojnë shtetasve të tyre të largohen nga Libani sa më parë! IDF: Godet bazën e Hamasit në Gaza

Tel Aviv - Frika e zgjerimit të konfliktit në Lindjen e Mesme është rritur. Ambasada amerikane në Bejrut u kërkoi shtetasve të saj që të largohen nga Libani "në çdo mënyrë të mundshme". Thuhet në një shënim nga selia diplomatike pas rritjes së tensioneve mes Iranit dhe Izraelit.           

Shtetasve u është kërkuar që të largohen me çdo fluturim të disponueshëm. Pavarësisht pezullimeve dhe anulimeve të fluturimeve, «opsionet e transportit tregtar mbeten të disponueshme për t'u larguar nga Libani. Ne inkurajojmë ata që dëshirojnë të udhëtojnë të rezervojnë çdo biletë në dispozicion të tyre, edhe nëse ai fluturim nuk niset menjëherë ose nuk ndjek rrugën e zgjedhjes së parë. Ne rekomandojmë që qytetarët amerikanë që zgjedhin të mos largohen nga Libani të përgatisin plane emergjence për situata emergjente dhe të përgatiten të strehohen në vend për një periudhë të gjatë kohore: Ata nuk duhet të mbështeten tek qeveria për largimin e asistuar ose evakuimin në rast krize” thuhet në shënimin.

Edhe qeveria britanike gjithashtu ka këshilluar bashkëqytetarët në Liban që të largohen nga vendi "tani!".

“Tensionet janë të larta dhe situata mund të përkeqësohet me shpejtësi”, tha Sekretari i Jashtëm David Lammy.

“Ndërsa punojmë gjatë gjithë kohës për të forcuar praninë tonë konsullore në Liban, mesazhi im për qytetarët britanikë është i qartë: largohuni tani”.

Edhe Air France dhe filiali i saj Transavia kanë zgjatur pezullimin e fluturimeve midis Parisit dhe Bejrutit deri të paktën më 6 gusht, në mes të tensioneve në rritje rajonale, njoftoi sot kompania ajrore franceze.

Vazhdimi i shërbimeve do t’i nënshtrohet një vlerësimi të ri të situatës në terren”, thuhet në një deklaratë të Air France.

Ndërkohë ushtria izraelite thotë se ka goditur “një qendër komandimi dhe kontrolli të Hamasit të vendosur në një ish shkollë në qytetin e Gazës. Kompleksi u përdor si një strehë për terroristët e Hamasit dhe disa sulme terroriste kundër ushtarëve dhe Shtetit të Izraelit u planifikuan dhe filluan prej andej - shpjegoi ushtria në një shënim të lëshuar në Telegram - Për më tepër, armët e Hamasit u prodhuan dhe mbaheshin brenda kompleksit, ku terroristët më pas u trajnuan për t'i përdorur ato kundër forcave të sigurisë dhe shtetit të Izraelit, shkruan corriere.it

Lajmi ne perditesim... 

Rendit zhvillimet sipas orarit:

Të Fundit Të Parat

S.G/Shqiptarja.com

TAG:
• Izrael
• lindje e mesme
• lufta ne rripin e gazes