Presidenti ukrainas Volodymyr Zelensky ka njoftuar takime midis negociatorëve ukrainas dhe amerikanë për të premten dhe të shtunën në Shtetet e Bashkuara.

"Nuk mund të negociosh, nga njëra anë, me rusët për projekte të ardhshme ekonomike dhe, nga ana tjetër, të pretendosh se kemi arritur në një lloj... ngërçi diplomatik", tha sot Zelensky gjatë takimit me Sekretarin e Jashtëm të Mbretërisë së Bashkuar, Ed Miliband.

Ndërkohë sulmet e ndërsjellta midis Ukrainës dhe Rusisë kanë vijuar edhe sot. Të paktën 30 persona janë vrarë në një sulm me bombë ruse ndaj dy autobusëve civilë në qytetin lindor të Kramatorskut. Autoritetet thanë se tre persona u vranë gjithashtu në fshatin Bilenke, pjesë e komunitetit Kramatorsk.

Po ashtu 18 persona të tjerë u plagosën, tha kreu rajonal i Donetskut, Vadym Filashkin, duke akuzuar Rusinë se ka shënjestruar autobusët që transportonin pasagjerë për të vrarë sa më shumë civilë.

Sipas OKB-së, Ukraina pa më shumë civilë të vrarë deri në gusht të këtij viti sesa u vranë gjatë gjithë vitit 2025.

Në një sulm të vetëm që shkatërroi një bllok apartamentesh pesëkatëshe në Pryluky në lindje të Kievit herët të mërkurën, u vranë 22 persona, përfshirë pesë fëmijë. Tre prej fëmijëve ishin vetëm një vjeç.

Rendit zhvillimet sipas orarit:
Ora 17:33
Zelensky kërkesë SHBA-së: Na lejoni të përdorim Starlink dhe do të shihni që Putini do të ulet tryezën e negociatave

1791473823_volodymyrzelensky.avif

Foto: Volodymyr Zelensky

Presidenti Volodymyr Zelensky i ka kërkuar Shteteve të Bashkuara të lejojnë Ukrainën të përdorë Starlink mbi territorin rus. Sipas agjencisë ukrainase të lajmeve Novyny.Live, kjo do ta detyronte Presidentin rus Vladimir Putin të ulet në tryezën e negociatave.

"Hapni Starlink për Ukrainën. E aktivizuat kur iu përgjigjët Iranit, apo jo? Gjithçka funksionoi atje. Izraeli kishte kontroll të plotë të qiellit mbi Iranin. Pra, funksionon kur është e nevojshme," deklaroi kreu i shtetit.

Në të njëjtën kohë, presidenti deklaroi se Kina është afër zhvillimit të një alternative ndaj Starlink për të furnizuar Rusinë. Sipas Zelensky, Ukraina po diskuton këtë kërcënim me partnerët e saj. Evropianët gjithashtu po zhvillojnë sisteme të ngjashme dhe janë të gatshëm të ofrojnë ndihmën e tyre, por ata nuk janë ende afër rezultatit të dëshiruar.

"Dhe fola sinqerisht: na jepni mjetet, na ndihmoni të mbrojmë qiellin dhe t'i dominojmë ato , dhe pastaj Putini do të ulet në tryezën e negociatave," theksoi Zelensky.

Xh.K/Shqiptarja.com