Luftoi me sëmundjen e rëndë, Irena bën ‘zap’ 4 meshkujt e jetës së saj: Jam e lodhur

Luftoi me sëmundjen e rëndë, Irena bën ‘zap’ 4 meshkujt e jetës së saj: Jam e lodhur

Irena dhe familja e saj

Irena është një nënë e 3 djemve dhe gjithë jetën është kujdesur si për ta dhe për bashkëshortin. Ditën e sotme ajo i ka thirrur në studion e “Ka një mesazh për ty”, të tre djemtë e saj së bashku me burrin pasi ka nevojë për ndihmën e tyre.

“Jam 42 vjeçe dhe jetoj në Tiranë. Jetoj me 4 meshkujt e jetës sime 3 djemtë, 23, 20 dhe 12 vjeç dhe burrin.  Të jesh femër e vetme mes 4 meshkujsh nuk është aspak e lehtë. Unë punoj pranë shërbimeve qeveritare dhe kërkon impenjimin tim maksimal. E kam dhe pak fajin vetë që i kam mësuar ashtu. Fëmijët dalin me shokët, por bashkëshorti nuk është dakord, pasi krahason brezat, krahason veten me të atin. E ka problem që djemtë të dalin me shokët, pasi ata vinë dhe vonë në darkë. Kthimi në darkë mund të jetë në orën 12:00 të natës, apo ndonjëherë edhe më vonë.

Dy djemtë e mëdhenj punojnë. Djali im i madh bashkëjeton me të fejuarën e tij. Jeta ime këto dy vitet e fundit ka pasur ngjarje që na kanë bërë shumë të ndjeshëm me njëri tjetrin. Në Janar të 2017 shkoj për të vizituar djalin e dytë dhe mjeku i familjes më thotë që kisha mbushur moshën për të bërë Check-Up, ndërkohë që analizat nuk më kishin dalë shumë mirë. Ndihesha e lodhur por mendoja se e kisha nga puna. Unë u diagnostikova me Hepatitin C, që më rrezikonte seriozisht jetën, nëse nuk merrja mjekimin e duhur. Ishte periudha ime më e keqe e jetës sime, qaja fshehurazi, por nuk u mposhta kurrë. Ja tregova familjes, pasi duhet të merrja mjekim shumë të shtrenjtë,”- tregoi Irena.

Ndërkohë moderatori Ardit Gjebrea e pyeti nëse djemtë dhe bashkëshorti reflektuan gjatë kësaj periudhe, 42-vjeçarja u shpreh: “Djemtë dhe bashkëshorti ndryshuan krejtësisht, filluan të ishin më të ndjeshëm dhe më të përkujdesur ndaj mejë. Ndonjëherë mua nuk më pëlqente. Pas analizës që bëra kohët e fundit unë sot jam e pastër nga Hepatiti C. Por këtu ndryshoi situata, pasi e morën vesh se mami u shërua. Por, nuk mban më ujë pilafi dhe unë sot kam ardhur këtu ti mbledh gjithë meshkujt e jetës sime dhe ti them të më ndihmojnë që të mos ndihem përsëri e lodhur.”

Irena më pas tregoi se djali e madh e bezdis vetëm ndonjëherë kur i duhet ndonjë ndihmë financiare pasi bashkëjeton me të dashurën e tij.

“Ndërsa Jurdian djali i dytë punon kamerier dhe pas pune kthehet tek pasioni i tij është tifoz i zjarrtë i Partizanit. E kam mbështetur, por e shikoj se babai i tij, nuk është dakord. Kam filluar rolin e gjykatëses. Rolin si nënë dhe shoqe, për djalin, por edhe bashkëshorti ka të drejtë. Ndërsa Kalusi, djali i vogël është mes kompjuterit dhe televizionit. Kur i kërkoj ndonjë ndihmë  të vogël më thotë, pse më thua vetëm mua. Së fundmi dua të thërras dhe bashkëshortin, e shoh që kohët e fundit ka rënë dhe shkëlqimi në sytë e tij. Të gjithë bashkë do e sfidojmë çdo lloj prove që jeta do në verë përballë, ashtu sikurse unë mposhta luftën kundër sëmundjes,”- tha ajo më tej.

Dy e vegjël djemtë së bashku me bashkëshortin kishin mbërritur në studio pëer të dëgjuar mesazhin e nënës së tyre, shkruan tvklan.

“Ti je djali që unë jam shumë krenare për ty, por mami ka një kërkesë. Dua që midis pasionit tënd të zjarrtë mes Partizanit dhe familjes, dua të bësh balnacën që familja është primare. Pra, mami kërkon që të ti japësh më shumë përparësi”- ju drejtuar ajo Jurdianit, i cili i premtoi se do të kujdesej për oraret.

Më pas Irena i kërkoi Klausit që ta ndihmonte në disa punë në shtëpi, të bëhët më i ndërgjegjshëm për veten e tij. Irena i kërkoi djalit të vogël që t’i kushtojë më shumë vëmendje mësimeve. Klausi tha se është dakord dhe premtoi se do i zbatojë kërkesat e mamit.

Në fund Irena kishte dhe një mesazh të rëndësishëm për bashkëshortin e saj.

“Me ty kam më shumë se gjysmën e jetës. Ti je babai i fëmijëve të mi, bashkëshorti im. Kohët e fundit të ka humbur shkëlqimi në sytë e tu. Ti stresohesh për shumë situata me djemtë. Përpara kësaj studio dua të më premtosh dhe japësh fjalën që çfarëdo lloj prove apo sfidash do na verë jeta ne të gjithë bashkë do e mposhtim sikurse unë mposhta luftën ndaj sëmundjes sime."

Edhe zoti Leonard i premtoi bashkëshortes së tij se do e mbështesë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza

Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza