Në prag të një përballjeje të vështirë ndaj Juventust në kampionat, trajneri i Romës, Luis Enrique ka thënë se do të hyjë për fitore, dhe nuk e firmos barazimin për sfidën ndaj bardhezinjve.

" Mendoj se diferenca në renditje mes nesh është e qartë por ndeshja ndaj tyre mbetet një garë e hapur. Po luajmë për Europën dhe mund të jemi të parët që mundim Juven" tha Luis Enrique.

"Do të bëjmë atë që kemi bërë të gjithë sezonin, do të luajmë shanset tona në shtëpinë e kryesueses. Objektivi ynë nuk ndryshon: Të kemi topin sa më shumë dhe të shënojmë nëj gol më shumë se rivali. Nuk firmos për barazimin" tha Luis Enrique.(rb/shqiptarja.com)