POP 5

Lajmet më të lexuara të 5 minutave të fundit

Kultura

Luiza Xhuvani dhe Ndriçim Xhepa në skenë me poezitë e Rumit, aktori: Vargje për dashurinë, jetën edhe vdekjen

Artistët e njohur Luiza Xhuvani dhe Ndriçim Xhepa u bën bashkë në skenë në një mbrëmje poetike të ideuar nga artisti Kristian Koroveshi. Artistët rrëfejnë se përse “Mbrëmë i pëshpërita një ylli” vjen e bazuar në vëllimet poetike të Rumit.

6 shandanë, tre tufa trëndafilash, tre karrige rreth një tryeze edhe vargjet e poetit pers Rumit (Jalal ad-Din Muhammad Rumi 1207-1273) bënë bashkë shpirtrat e trazuar të tre artistëve të njohur Luiza Xhuvani, Ndriçim Xhepa dhe Kristian Koroveshin në Qendrën Kulturore të Katedrales Ortodokse. Muzika e zgjedhur e njw violonçelisti do t’i shoqëronte artistët që sollën ëmbël poezitë e shkruara në shekullin XIII tek “Mbrëmë i pëshpërita një ylli”. Luiza Xhuvani, e tëra e veshur në të zeza, Ndriçim Xhepa dhe Kristian Koroveshi interpretuan vargjet e rralla për dashurinë, jetën edhe vdekjen.

“Kjo ishte si një bulëz poetike për të pasur një lloj hapjeje shpirtërore. Jam befasuar me vargun e këtij poeti, i cili me strukturën që ka dhe mënyrën se si u drejtohet elementëve njerëzorë, jetës dhe dashurisë të duket sikur është një poet modern, por kur mendon se na ndajnë shekuj prej tij, mbetesh i mahnitur. Me sa duket, jo më kot është poet i përbotshëm, që populli iranian e ka të vetin. Kjo treshe me në krye Kristianin ishte menduar në këtë formë, pa bërtitje, pa zhurmë, sepse thjesht mbështetet te bukuria e fjalës që ka shkruar autori”, thotë aktori i njohur Xhepa.

Kristian Koroveshi na rrëfen, se përse zgjodhi Luiza Xhuvanin, Ndriçim Xhepën edhe vargjet e poetit persian Rumit, për të realizuar këtë ëndërr të kahershme të tij.

“Zgjodha Luizën, sepse ajo është Luiza Xhuvani. Zgjodha Ndriçimin, sepse është një ndriçim i skenës. Mandej, tabloja plotësohet nga një poet si Rumi. Nuk mund të mendoj tjetër emërues të përbashkët të njerëzve, përveçse ndjesive universale. Rumi është i përbotshëm, i kahershëm, që edhe pse i përket shekullit XII, rrëfen një dashuri edhe më emocionale e romantike nga ç’dëgjojmë sot. Prandaj iu drejtova Rumit, për ta idealizuar aq sa unë kam mundësi, sepse besoj fort se çdokush që vjen në këtë botë, merr një dhuratë e këtë dhuratë duhet ta jetojë sa më mirë, duke njohur nocionet e dashurisë e të gëzimit. Askush nuk e ka jetën të mbushur vetëm me çaste lumturie, por edhe brenda dhimbjes së dashurisë mund të gjendet e bukura”, thotë Kristian Koroveshi.

Artisti i ri tek “Mbrëmë i pëshpërita një ylli” ka ditur të ruajë thjeshtësinë, sepse ai mendon se nuk ka njerëz që nuk e kanë ndierë në jetë dhimbjen edhe lumturinë e dashurisë.

Fikja e qirinjve. Një trëndafil blu edhe përqafimi që një vogëlush do t’i dhuronte Luiza Xhuvanit do të bënte që drama poetike e Rumit të arrinte misionin e saj, për shpirtrat e trazuar në sallë, por edhe për “shpirtrat e bardhë” që nuk janë më mes nesh..., mes tyre regjisori Gjergj Xhuvani. Publiku duartroket artistët!

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça