POP 5

Lajmet më të lexuara të 5 minutave të fundit

Sport

Lukaku shpëton Interin, Reali turpërohet në Champions ndërsa Bayern Mynih bën poker ndaj Atleticos (VIDEO-Golat)

Lukaku shpëton Interin nga humbja në Champions. Belgu shënoi dy herë në barazimin 2-2 ndaj gjermanëve të Gladbah. Real Madrid u turpërua nga ukrainasit e Shakhtar. Ndërsa kampionët e Bayernit bënë poker golash ndaj Atleticos.

Nis me një barazim aventura e Interit në këtë edicion të Champions League. Lukaku i shpëtoi zikaltërit nga humbja dhe ndeshja ndaj gjermanëve të Borussia Moenchengladbach u mbyll në barazim 2-2. Belgu kaloi skuadrën e Contes në avantazh në fillimin e pjesës së dytë por miqtë përmbysën gjithçka me golat e Benseibani me penallti dhe Hofmann deri sa Lukaku të shënonte në frymën e fundit dygolëshin personal dhe në “San Siro” skuadrat të ndanin nga një pikë.

Në grupin B Real Madrid u turpërua nga Shakhtar Donetsk që fitoi jashtë fushe 3-2. Ukrainasit ishin fantastik në pjesën e parë dhe i shënuan Realit 3 gola ndërsa rrjetat e Modric dhe Vinicius nuk mjaftuan për të evituar surprizën e madhe.

Bayern Mynih ka treguar menjëherë dhëmbët dhe ka fituar me poker 4-0 ndaj Atletico Madrid duke qënë një rrul i vërtetë që shtyp rivalët. Dy gola nga pjesën e parë me Coman e Goretzka dhe dy të tjerë në fraksionin e dytë me Tolisso e sërish Coman i dhanë leksion Simeones dhe ngjisin menjëherë bavarezët në vendin e parë në grupin A pasi ndeshja tjetër Salzburg-Lokomotiva e Moskës u mbyll 2-2.

 Një autogol i Nicolas Tagliafico i mjaftoi Liverpoolit që të fitonte 1-0 ndaj Ajax në Holandë. Grupin D e kryeson Atalanta që bëri goleadë ndaj Midtjylland. Bergamaskët fituan 4-0 në transfertë me golat e Zapata, Gomez, Muriel dhe Miranchuk ku një paraqitje shumë të mirë bëri edhe Berat Gjimshiti.

Me këmbë të mbarë u nis faza e grupeve të Champions edhe nga Manchester City që fitoi me përmbysje 3-1 ndaj Portos në Angli. Aguero me penallti, Gundogan me goditje dënimi dhe spanjolli Ferran Torres ishin autorët e golave ndërsa tre pikë mori edhe Olympiacos që mposhti 1-0 Marseille me një gol në frymën e fundit.

Përgatiti: Andi Kapxhiu

er.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm

Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm

24 Nëntor, 17:37