Lulzim Basha do të jetë kandidati i dytë përballë Gjergj Hanit për kreun e ri të Partisë Demokratike. Ish kryedemokrati, ka dorëzuar kandidaturën e tij nëpërmjet një emaili vetëm pak orë para mbylljes së afatit të përcaktuar.
Ditën e sotme u mblodh Këshilli Kombëtar i PD, ku u vendos krijimi i një komisioni zgjedhor prej 8 personash të cilët do të merren me mbarëvajtjen e procesit zgjedhor që pritet të mbahet në 29 korrik për zgjedhjen e kryetarit të ri të PD-së. Pavarësisht se mbledhja e Këshillit Kombëtar të PD-së u bojkotua nga 17 deputetë, Flutura Açka një ndër të pranishmëve tha se mbledhja ishte legjitime dhe se duhet të vijohet me zgjedhjen e kryetarit për riorganizimin e partisë.
Lulzim Basha që pas 14 majit, organizoi disa takime me të rinjtë duke lënë të kuptohej qëllimi i tij për rikthimin në krye të Partisë Demokratike. Në takimet e mbajtura, ai tha se pavarësisht se dha dorëheqjen nga posti i kreut të partisë për të mos thelluar përçarjen, sot partia është në situatë më të keqe sesa në mars të vitit të kaluar.
Një ditë më parë PD publikoi kriteret që duhet të përmbushin kandidatët të cilët duan të garojnë për t’u zgjedhur në krye të PD-së. Një kriter i veçantë ishte edhe fakti se kryetari i ri i PD-së duhet të këtë kontribuar në fushatat e partisë në 3 vitet e fundit. Kriter ky që duket se mund të paralizojë Lulzim Bashën, i cili nuk është se ka qenë shumë aktiv në fushatën për zgjedhjet lokale që u mbajtën më 14 maj.
Gjergj Hani ish i përndjekur politik dhe mik me ish kryetarin e komanduar Enkelejd Alibeajn, ka qenë i pari që ka dorëzuar kandidaturën e tij për kryetar të partisë Demokratike një javë më parë.
Situata në PD duket më e paqartë se kurrë më parë kur partia është ndarë në disa fraksione. Së fundmi, sa i takon diskutimeve për ristrukturim të partisë, ka pasur përplasje dhe tensione mes kryesisë dhe grupit parlamentar demokrat. Kryesia ka qenë e qëndrimit që të organizohen sa më parë zgjedhjet për kreun e PD-së duke caktuar edhe datën 29 korrik. Ndërsa sipas grupit parlamentar, procesi i reformimit të PD duhet të nisë nga zgjedhjet në bazë dhe seksione më pas për zgjedhjen e kryetarit të partisë.
Ish kryedemokrati, Lulzim Basha ka publikuar një foto nga Samiti i 40 vjetorit të aleancës botërore të partive të qendrës së djathtë ku shfaqet krah ish sekretarit amerikan të Shtetit, Mike Pompeo. Ai shkruan se me aleancën me Shtetet e Bashkuara të Amerikës, mund të mbrohen interesat e shqiptarëve kudo që jetojnë.
“Folësi i nderit në Samitin e 40 vjetorit të Unionit Ndërkombëtar Demokrat, aleanca botërore e partive të qendrës së djathtë, ishte sonte ish-Sekretari amerikan i Shtetit dhe ish-drejtori i Agjensisë Qendrore të Inteligjencës Mike Pompeo. Kënaqësi të bisedoja me të dhe të ndaja mirënjohjen e madhe që çdo shqiptar ka për mbështetjen e paçmim që SHBA i ka dhënë dhe i jep kombit shqiptar. Me SHBA në krah, ne mund dhe do t'ja dalim të ndryshojmë Shqipërinë dhe të mbrojmë interesat e shqiptarëve kudo ku ata jetojnë”- shkruan Basha.
Komente
Lajme të tjera
-
'Ndërkombëtarët janë zhgënjyer me Ramën, po shohin tek PD', Burimi 'përplaset' me Meçen: Më tej se kaq nuk ka ku shkon fantazia
1 Korrik, 19:15 -
Basha, ta bëjë apo mos ta bëjë Partinë e tij?!
1 Korrik, 10:32
-
Mero Baze: Debati për Biden dhe debati për Berishën
30 Qershor, 22:03
-
Dosja Onkologjiku, opozita: Ta hetojë SPAK! Shqiptarët paguajnë të mos marrin shërbim
29 Qershor, 15:39 -
‘Mos u habisni kur të votojnë bashkë mbylljen e listave’, Alibeaj akuzon PD-PS për zgjedhoren: Pazar i politikës së vjetër
29 Qershor, 15:02 -
Censi 2023/ Basha: Procesi i mangët dhe jo transparent! Meta: Të dhëna të trukuara, ndaj u vonua publikimi
28 Qershor, 13:53 -
Basha pa vulë, Kreshnik Çollaku kërkon armëpushim, mund të bashkëekzsistojmë në flamurin e PD-së
28 Qershor, 11:22 -
Skandali tek Onkologjiku, Spahiu: SPAK të akuzojë Ministren e Shëndetësisë për moskryerje të detyrës pas raportit të KLSH-së
27 Qershor, 18:35 -
Nuk kanë fund debatet në PD! Deputetët-Bardhit: Hiqe Fluturën nga kryetare komisioni! Reagon Açka: Salierë politikë të rritur hijeve, e që vrisni hije
26 Qershor, 21:14 -
Komisioni Antikorrupsion, Bardhi dhe Basha akuza Ramës: Na quante shpifës e merrte në mbrojtje Beqajn! Hijet e korrupsionit lidhen pas karrikes së tij
26 Qershor, 19:21 -
Basha humbi vulën e PD-së, Kulluri: Duhet të ishte më i vendosur! Fraksion tek Berisha nuk do kërkojmë, kemi vendosur fytyrën në betejë
26 Qershor, 19:03 -
Skandali i Onkologjikut, PD kërkon interpelancë me Koçiun! Bardhi: ‘Llogari’ edhe Ramës, ka emëruar ish agjentin e shërbimeve sekrete rumune si këshilltar të Jashtëm
26 Qershor, 14:30
Lulzim Basha do te fitoje, sepse Sali Berisha eshte pendaur qe nuk e degjoi. Marreveshja Berisha-Basha-Rama do te vazhdoje te sundoje Shqiperine.
PërgjigjuKy po vulos humbje 2025 dhe del llafi rames qe deri ne 2028 ketu jam, eshte e thjesht, ky mer zhokllat bashke me kunatin te degjenerum jane keto , keshtu qe PD ikuuuuu
Përgjigjuturp po zgjodhen bashen demokratet....
Përgjigjuore ca behet kshu , smund te jete deshtaku me i madh i historise ne krye te PD ,fundi i ketij vendi
PërgjigjuTa gezoje PD-ja e Shqiperia Bashen.Ky eshte fundi i demokracise dhe mbreterimi i Rames.Te fiksuar pas deshtakeve dhe ne kerkim te mbretit.
PërgjigjuJo z.Zenun.Nuk eshte turp qe kantidon Basha,eshte turp po e votoi antaresia.
PërgjigjuOld style.Fatkeqesi kombetare qe Lul budallai po merret perseri me politike.Lul & Sal duhet te rrine larg politikes per 100 vjet.
PërgjigjuMe vjen shume keq qe ne garen per kryetar te jete Lulzim Basha.Te drejtoje PD ,Lulzimi dhe Saliu,eshte deshtimi perfundimtar i saj.Lulzimi te jap spjegime per rolin e tij me 21 janar,per vjedhjet ne Rrugen e Kombit,per parat ruse,etj.Njerzit e korruptuar nuk duhet te vijn ne pushtet.
PërgjigjuAh sa keq po shkon, perseri me keto lojera Partia Demokratike. Turp, turp, turp. Ku katandisem.
Përgjigju