POP 5

Lajmet më të lexuara të 5 minutave të fundit

Ekonomi

‘Lumë’ parash jashtë bankave! BSH: Në korrik niveli i parasë cash arriti në 324,5 miliardë lekë 

Sipas të dhënave të Bankës së Shqipërisë niveli i parasë cash në muajin korrik ishte 324,5 miliard lekë, duke u rritur me 7.3 miliardë lekë krahasuar me muajin qershor. Kjo për shkak se shumë qytetarë e biznese zgjedhin ti paguajnë shërbimet me para në dorë dhe jo nëpërmjet bankave.

As pandemia apo nevoja për distancim social, dhe as nismat e bankave për t’ju ofruar klientëve shërbimet online, nuk po e ndalon dot qarkullimin e parasë jashtë sistemit bankar.

Sipas të dhënave të Bankës së Shqipërisë në Korrik ne këtë mënyrë kanë qarkulluar  324,5 miliard lekë, ose 7.3 miliardë lekë më shumë se në muajin qershor po të këtij viti. Po ta krahasojmë me të njëjtën periudhë të një viti më parë vërehet një rritje me rreth 40.9 miliard lekë më shumë

Kjo gjë filloi ne muajin janar  por kriza që po shkakton virusi e ka rritur edhe më tepër, pasi individë e biznese zgjedhin të kryejnë shërbimet kryesisht me para në dorë. 

Për ekspertët përdorimi i parasë jashtë sistemit bankar është tregues i informalitetit të lartë në një ekonomi, Vetëm në vitin 2019 sipas Ministrisë së Financave nga inspektimet nëpër biznese shkalla e informalitetit rezultoi 40%. 

Po ashtu mbajtja e parave jashtë bankave është edhe një zgjidhje nga biznesi për të mos paguar taksa, apo për të mos deklaruar burimin kur ato janë fituar në rrugë jo të ligjshme. 

Situata pritet të përmirësohet me implementimin e fiskalizimit ose faturimi online, si dhe me amnistinë fiskale e penale, ku synohet futja në banka e parave pa qenë nevoja të justifikohet burimi.

Para cash

Para jashtë bankave

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 05/09/2020 17:45

    Shume mire cash se nepermjet bankave te iken kohe dhe leke i bie te punosh per bankat

    Përgjigju
  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

'Çmenduri' për të parë Spanjë - Gjermani, biletat kapin shifrën e pabesueshme

'Çmenduri' për të parë Spanjë - Gjermani, biletat kapin shifrën e pabesueshme

3 Korrik, 17:14