POP 5

Lajmet më të lexuara të 5 minutave të fundit

Kronikë

Lushnjë/ Kthyen servisin në ‘dyqan’ kokaine, arrestohen pronari dhe punëtori! Pranga dhe kuçovarit klient, shfrytëzonte për prostitucion një 24-vjeçare

Policia finalizoi operacionin e koduar “Koordinimi”. Fillimisht u kapën 2 të dyshuarit që kishin kthyer servisin e mjeteve në ambient për shitje të drogave të forta dhe bashkë me ta edhe blerësi 44-vjeçar i kokainës, që akuzohet se shfrytëzonte si punëtore seksi një të re. Sekuestrohen lëndë narkotike, peshore dhe para

Lushnjë/ Kthyen servisin në ‘dyqan’ kokaine, arrestohen pronari dhe punëtori! Pranga dhe kuçovarit klient, shfrytëzonte për prostitucion një 24-vjeçare

Foto ilustruese

Lushnjë- Policia e Lushnjës goditi sot (27 janar) një grup të shitjes së lëndëve narkotike dhe shfrytëzimit të prostitucionit, duke arrestuar 3 persona, mes tyre pronari i një servisi dhe punëtori i tij.

Në pranga gjatë operacionit të koduar “Koordinimi” ranë 2 persona, që akuzohen se kishin përshtatur ambientet e servisit të automjeteve, për përgatitje dhe shpërndarje të drogave të forta, kryesisht kokainë. 

Në pranga ra edhe një person i tretë që blinte lëndën narkotike nga ata, si dhe shfrytëzonte për prostitucion një vajzë 24-vjeçare.

“Në ambientet e servisit, u kapën në flagrancë dhe u arrestuan shtetasit A. S., 40 vjeç, banues në Lushnjë dhe B. T., 62 vjeç, banues në Dushk, pasi gjatë kontrollit në ambientet e servisit në administrim nga shtetasi A. S., në të cilin ishte i punësuar shtetasi B. T., shërbimet e Policisë gjetën sasi lënde të dyshuar narkotike kokainë, e ndarë në doza, gati për shitje”, bëri me dije policia. 

I arrestuari tjetër është Z. S., 44 vjeç, banues në Kuçovë. 

“Ky shtetas kishte shkuar në ambientet e servisit, për të blerë lëndë narkotike, i shoqëruar nga një shtetase 24 vjeçe nga Kuçova, të cilën dyshohet se ai e shfrytëzonte për prostitucion”, bëhet me dije nga blutë vendorë.  

Në cilësinë e provës materiale u sekuestruan dozat e kokainës që u gjetën në ambientet e servisit, 2 peshore elektronike, shuma parash të valutave të ndryshme dhe 3 celularë. 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi