Lutaj kundër PS-së: Ligji
nuk zgjidh kufijtë me Greqinë

Vijojnë përplasjet për ligjin e kufijve detar, edhe pas propozimit të bërë nga Partia Socialiste, i cili rikthen kufijtë. Pas reagimit të ish kolonelit Myslym Pashaj, i cili e quan sërish antikushtetues ligjin e 'ri', pasi ende ngelet pa kufij të përcaktuar, reagime vijnë edhe nga deputeti i Partisë Socialiste Piro Lutaj. Duke ju referuar edhe procesverbalit të mbledhjes së Komisionit për Sigurinë Kombëtare më datë 18.05.2012, rezulton se deputeti Piro Lutaj, anëtar i këtij komisioni, këmbngulur se në ligjin e ri, i cili është iniciativë e grupit parlamentar të Partisë Socialiste "mungojnë disa elemente të tjerë për të plotësuar kuadrin e përcaktimit të hapsirës detare në Republikën e Shqipërisë". Megjithatë Piro Lutaj edhe Ilir Gjoni kanë pohuar se "ky ligj rregullon diçka por jo gjithëçka". "Në përputhje me UNCLOS III hapësirat detare të një shteti të përcaktuar nga kjo konventë janë: Vija e drejtë bazë; deti territorial që është llogaritur 12 milje detare, hapësira ajrore(detare); zona fqinje; zona ekonomike ekskluzive; shelfi kontinental", është shprehur deputeti socialist Piro Lutaj, ndërsa ka theksuar se këto kanë qenë të përcaktuara qartë në ligjin e vitit 2001, por që u shfuqizua në vitin 2008. Por me rikthimin e ligjit 2001 në fuqi, ekzaktësisht neni 3, është lënë jashtë neni 4, i këtij ligji, që përcakton edhe ushtrimin e sovranitetit. "Ushtrimi i sovranitetit: 1. Republika e Shqipërisë ushtron sovranitetin e saj mbi ujërat territoriale dhe ujërat e brendshme në bazë të ligjeve, të marrëveshjeve ndërkombëtare në të cilat ajo është palë dhe të normave të së drejtës ndërkombëtare të njohura nga Shteti Shqiptar. 2. Sovraniteti i Republikës së Shqipërisë shtrihet edhe në hapësirën ajrore mbi ujërat territoriale dhe në shtratin dhe nëntokën e këtyre ujërave. 3. Republika e Shqipërisë ushtron sovranitetin e saj mbi rrafshnaltën (shelfin) kontinental për qëllime kërkimi dhe shfrytëzimi të burimeve të saj natyrore.", thuhet në nenin katër të ligjit të 2001.
PERPLASJA
Pikërisht për cenimin e kufijve që i ka shfuqëzuar ligji i 2008, Piro Lutaj dhe Ilir Gjoni janë përplasur me ministrin e Brendshëm Bujar Nishani. Deputetët socialistë janë shprehur në komisionin e ditës së premte, se Shqipëria nuk i ka të rujatura kufijtë detar, pra nuk ushtron sovranitetin e saj, pasi në ligjin e 2008, është hequr edhe neni 4, që flet për ushtrimin e sovranitetit, por ministri i Brendshëm, Bujar Nishani ka kundërshtuar se kufijtë detarë janë nën kontroll, madje anijet që futen në ujërat shqiptare janë gjobitur. Por Lutaj, duke ju referuar shfuqizimit shfuqizimit të ligjit 2001, ka nënvizuar se shqipëtarët që në breg të saj notojnë në ujërat ndërkombëtarë. "Ne mendojmë dhe e kemi shprehur disa herë se ndryshimet që i janë bërë ligjit kanë cënuar integritetin realisht. Pra, nuk e ka pasur të përcaktuar qartë se deri ku i kemi ne ujërat tona dhe unë po them një gjë që është pak e dhimbshme, por e vërtetë, që njerëzit tanë futin këmbët në ujëtar e detit Adriatik dhe Jon nuk kanë përcaktuar asnjë nga parametrat e përcaktimit ligjor që ka hapësira ujore. Po njërëzit tana futen dhe notojnë në hapësirat ujore ndërkombëtare", është shprehur Lutaj, i cili është mbështetur edhe nga kolegu i tij iniciator, Ilir Gjoni.
REAGIMI I PASHAJ
Koloneli Myslym Pashaj, i cili bëri betejën për anulimin e Marrëveshjes së Kufijve Detarë me Greqinë, ka reaguar ndaj ligjit të ri për kufijtë detarë, që po diskutohet në parlament, dhe shpreh rezervat e tij për ambiguitetet që ai lejon, të cilat cenojnë Kushtetutën e Shqipërisë. "Ky është një alarm i vërtetë, një kambanë për veshët e shqiptarëve se sa poshtë kanë rënë institucionet, studiuesit dhe ligjvënësit e këtij shteti në njohjen e Shqipërisë së tyre, se sa papërgjegjshmëri skajore shpërfaqin kuvendarët ligjorë dhe ata të sigurisë kombëtare teksa risjellin një ligj të tillë, që është një njollë turpi", është shprehur ai.
(sg/shqiptarja.com)

/Shqiptarja.com