Edhe ne që jetuam nën diktaturën më të egër të bllokut të Europës Lindore, harruam. Harrojmë se ç’do të thotë të jetosh nën diktaturë. Harrojmë se ç’do të thotë diktator dhe shpesh zvogëlojmë rëndësinë e jashtëzakonshme të demokracisë. Sigurisht që mijëra njerëz që nuk bezdisën asnjëherë diktatorin, jetuan mirë dhe qetë në diktaturë, sigurisht, që miliona njerëz që nuk bezdisin Vladimir Putinin jetuan dhe jetojnë mirë në Rusinë e drejtuar prej tij. Ishin mirë marrëdhëniet edhe derisa Ukraina kishte drejtues që i nënshtroheshin dëshirave dhe urdhërave të Putinit. Problemi nisi kur ukrainasit nisën të shohin Perëndimin dhe vlerat e tij si vlerat më të larta të një dinjiteti njerëzor. Problemi me një diktator nis përherë kur dikush nuk e mendon njësoj si ai. Por Bota nuk është njësoj, Bota është një buqetë racash, mendimesh, kulturash që lulëzojnë në Demokraci e vyshken në diktaturë.
Sa e rëndësishme është sot të ndalim, të qëndrojmë dhe të reflektojmë se sa po ndodh në Ukrainë, është realiteti i tmerrshëm i krijuar nga egoja e sëmurë e një njeriu që nuk duron, nuk lejon, nuk pranon që njerëz të tjerë të jenë të lirë: Të lirë të zgjedhin, të lirë të jetojnë, të lirë të mendojnë. Siç populli i Ukrainës dëshiron të bëjë.
Eshtë tepër e rëndësishme sot, për ne që jetuam diktaturën më të egër e më të jashtëzakonshme të gjithë bllokut të Lindjes, të mbrojmë e të kujdesemi si për lulen më të bukur, grimcat tona të Demokracisë e të Lirisë, të fituara me aq mundim në 30 vite postdiktaturë. E shohim përditë se sa e mundimshme, e lodhshme, sfilitëse është të dallohen, të ruhen vlerat njerëzore që Demokracia i mbart dhe i shpalos. Të gjithë e shohim se si parazitë të rrezikshëm i ngjiten kësaj luleje, shpesh të maskuar si flutura, si bletë apo molla molla kuqe vetëm e vetëm për ta kafshuar, për ta tharë e për ta hedhur përtokë.
Ateherë, duke parë e duke vuajtur për Ukrainën, duke u përpjekur me mish e me shpirt për të kontribuuar në shuarjen e kësaj lufte të tmerrshme, të mos harrojmë! Të ruajmë të gjithë miqtë, shokët, të afërmit, të njohur e të panjohur që kanë për zemër Demokracinë. Demokracia është jeta dhe dinjiteti ynë e i të gjithë njerëzve në botë.
Lajme të tjera
-
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Dronët godasin ndërtesa të larta në Kazan të Rusisë
21 Dhjetor, 21:07 -
Ukraina godet me dronë në thellësi të territorit rus
21 Dhjetor, 15:40 -
Dëmtimi i Ambasadës së Shqipërisë në Ukrainë, SHBA dënon sulmin me raketa të Rusisë
21 Dhjetor, 09:40
