Më shumë kikirikë për të qenë më
të rinj, njihuni me efektet e tij

Kur na shkon mendja për të ngrënë ndonjë frut të thatë, vështirë se shohim nga kikirikët. E kjo për faktin se ndoshta nuk jeni në dijeni të vlerave të shumta që ato mbajnë. Kikirikët kanë më shumë antioksidantë se manaferrat dhe luleshtrydhet dhe janë shumë më të pasur me antioksidantë se mollët, karotat apo panxhari.

Konsiderohen si ushqimi me mjaft përfitime për shkak të mineraleve që ka, proteinave dhe antioksidantëve që ka përmbajtja e lartë kalorike e tyre.

Të mirë për lëkurën:

Përmbajnë antioksidantë natyrale shumë të fuqishëm, si vitamina E, që mbroj qelizat nga toksinat e mjedisit dhe veprimi i radikaleve të lira, përveçse kanë edhe flavonoidë e polifenol. Për këtë janë mjaft të nevojshme për të na mbajtur organizmin të ri dhe të mbrojë bukurinë e epidermës sonë.

Ul kolesterolin:

Falë omega 9 dhe omega 6 kikirikët luftojnë kolesterolin e keq dhe është një ndihmë e madhe për sistemin e qarkullimit të gjakut.

I shëndetshëm për gratë shtatzëna:

Ka acid folik që është shumë i rëndësishëm gjatë shtatzënisë dhe stimulon fertilitetin. Vetëm 100 gramë të tij mbajnë 240 mcg Vitaminë B9, dyfishin e arrave e bajameve dhe rreth 60% të dozës së përditshme të rekomanduar për këtë vitaminë. Vitamina B9 është shumë e rëndësishme për femrat e çdo moshe.

Janë të mira, por kujdes me kaloritë:

Janë të mira por kujdes, sepse kanë shumë kalori. Nëse konsumi i tyre këshillohet për ato që përmendëm më lartë, ekzagjerimi në konsum mund të jetë një atentat për linjat tona. Kini parasysh se vetëm 100 gram i këtij ushqimi mban pak a shumë 600 kalori.

 

Redaksia Online
J.S hShqiptarja.com