Macron do të negociojë me Trump për marrëveshjen bërthamore të Iranit

Presidenti francez Emanuel Macron do të mbrojë marrëveshjen bërthamore për Iranin gjatë takimit me presidentin Trump gjatë vizitës së tij në SHBA.

Mospajtimet për marrëveshjen bërthamore të Iranit, e arritur me fuqitë botërore pritet të jenë temë kryesore gjatë vizitës së presidentit francez, Emmanuel Macron në Shtetet e Bashkuara këtë javë.

Macron ka arritur sot në Uashington për një vizitë tre ditore teksa presidenti amerikan, Donald Trump ka vendosur 12 majin si afat të fundit që marrëveshja me Iranin të përmirësohet, në të kundërtën ka kërcënuar se SHBA do të tërhiqet nga ajo.

LEXO EDHE:
Qeveria e Kosovës: Lajmi për përfundimin e mandatit të të dërguarit amerikan Escobar, nuk doli prej nesh

Fuqitë tjera që e kanë nënshkruar marrëveshjen e vitit 2015- Britania, Kina, Franca, Gjermania dhe Rusia- i kanë bërë thirrje Uashingtonit që të qëndrojë në këtë pakt, duke thënë se kjo është mënyra më e mirë për të parandaluar Iranin që të zhvillojë armë bërthamore.

Gjatë një interviste për Fox News, Macron kishte thënë se nuk ka “plan B” për këtë marrëveshje.

Trump u ka bërë thirrje fuqive evropiane që të përmirësojnë, ato që ai i quan “të meta të tmerrshme” të marrëveshjes. Ai ka thënë se Iranin po shkel “shpirtin” shpirtin e marrëveshjes bërthamore.

Para vizitës së Macronit në SHBA, ministri i Jashtëm iranian, Mohammad Javad Zarif, u ka bërë thirrje liderëve evropianë që ta “inkurajojnë presidentin Trump jo vetëm të qëndrojë në marrëveshje, por më e rëndësishmja të nisë zbatimin e saj”./REL

TAG:
• SHBA
• donald trump
• iran
• Emaanuel Macron

Sondazhi i ditës:

Minimumi jetik në vend 184 euro për person, a është i mjaftueshëm?

• Po

  10.2%

• Jo

  85.8%

• Nuk e di

  4%

Vota total: 2713

• Sondazhi i ditës:

  Minimumi jetik në vend 184 euro për person, a është i mjaftueshëm?

  Po Jo Nuk e di