POP 5

Lajmet më të lexuara të 5 minutave të fundit

Ekonomi

Maj 2013, Italia mbetet
partneri nr.1 për eksportet

Eksportet drejt Kinës dhe Spanjës kanë shënuar rritje të konsiderueshme në pesë muajt e parë të këtij viti, sipas të dhënave nga INSTAT.
Maj 2013, Italia mbetet<br />partneri nr.1 për eksportet
TIRANE - Eksportet drejt Kinës dhe Spanjës kanë shënuar rritje të konsiderueshme në pesë muajt e parë të këtij viti, sipas të dhënave nga INSTAT. Shitjet e produkteve shqiptare, kryesisht lëndëve djegëse e energjisë, drejt Spanjës, u rritën me 94% në 13.6 miliardë lekë për periudhën janar-maj 2013, në raport me të njëjtën periudhë të vitit të kaluar, duke ndikuar në gati gjysmën e rritjes të totalit të eksporteve shqiptare.

Eksportet drejt Kinës u zgjeruan me 168% në 4.8 miliardë lekë, për të njëjtën periudhë. Italia mbetet pritësi kryesor i eksporteve tona, megjithëse pesha e saj ndaj totalit ka rënë, për shkak të ritmit të ulet të rritjes së eksporteve drejt këtij vendi. Për periudhën janar-maj 2013 drejt Italisë shkuan 48% e eksporteve shqiptare, nga 55% që ishte kjo peshë për të njëjtën periudhë të vitit të kaluar. Eksportet drejt Italisë u rritën me 3.5% me bazë vjetore, në 46.7 miliardë lekë.

Rritje të pandalshme po shënojnë shitjet e produkteve shqiptare drejt Spanjës, i cili është shndërruar tashmë në partnerin e dytë tregtar të Shqipërisë. Për periudhën janar-maj 2013, eksportet drejt këtij vendi përbënin 14% të totalit, nga vetëm 0.1% që ishte kjo peshë për të njëjtën periudhë të vitit 2008. Gjatë tre viteve të fundit, shitjet drejt Spanjës janë rritur me ritme galoponte, duke luajtur një rol kryesor në performancën pozitive të eksporteve shqiptare në total.

Ecuria e mirë e grupit “Lëndët djegëse minerale, vajrat minerale dhe produktet e distilimit të tyre”, që sipas INSTAT zënë 95% të totalit të eksporteve drejt Spanjës, është arsyeja kryesore e kësaj tendence dhe ka ardhur si rrjedhojë e shitjeve të naftës bruto nga kompania eksportuese kanadeze, Bankers Petroleum.

Shkrimi u botua sot në gazetën Shqiptarja.com (print) 03.07.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Durrës/ Në kërkim për armëmbajtje pa leje dhe shitje narkotikësh, arrestohet 41-vjeçari (EMRI)

Durrës/ Në kërkim për armëmbajtje pa leje dhe shitje narkotikësh, arrestohet 41-vjeçari (EMRI)

27 Nëntor, 12:41