Majko: KQZ, kriza filloi nga
mazhoranca të zbatohet Kodi

KORÇË - Deputeti i Partisë Socialiste, Pandeli Majko nga Korça ka komentuar situatën në KQZ,duke deklaruar se kriza nuk filloi nga opozita,por nga mënyra se maxhoranca u soll me këtë institucion. “Situata në KQZ,krijon një tendencë të përgjithshme jo për rrezikimin e zgjedhjeve,por për krijimin e një atmosfere, e cila ngjall një lloj mosbesimi.

 

Dua të nënvizoj që është tendencë dhe nuk ka të bëjë me një lloj shqetësimi të jashtëzakonshëm nga ana jonë.Ju e shikoni ne jemi duke mbledhur strukturat e partisë dhe po fillojmë të ndezim motorët e fushatës elektorale,gjë të cilën është e kotë ta diskutojmë.

 

Kjo fushatë nuk do të varet nga KQZ,por do të varet nga mënyra se si ne do të detyrojmë njerëzit,brenda asaj që kërkon,momenti për të votuar në datën 23 qershor. Kjo krizë e KQZ-së nuk ka filluar nga opozita, kjo ka filluar,nga mënyra se si maxhoranca aktuale u soll ndaj Komisionit Qëndror të Zgjedhjeve”, tha Majko.

 

Ndër të tjera, ai shtoi se Antari i KQZ-së betohet,ka një betim i cili është i rrallë nga pikpamja e betimeve që bëhen në bazë të kushtetutës.Antari i KQZ-së betohet për zbatimin e ligjit para parlamentit.

 

Shkrimi u botua sot në gazetën Shqiptarja.com (print) 20.04.2013

 

Redaksi Online

(b.m/shqiptarja.com)

TAG:
• kqz
• OSBE