TIRANË- Që zyrtarët dhe deputetët tanë kursejnë shumë kjo është e sigurt. Pasi për të vërtetuar këtë mjafton të shohim deklarimet e pasurive.

Majlinda Bregu, ish-ministrja e Integrimit, ishte para disa muajsh në qendër të vëmendjes për shkak të blerjes së një makine superluksoze. Bregu e justifikoi “furtunën” duke thënë se e ka blerë 6 mijë euro.

Makina e saj është parë duke hyrë në Qendrën Spitalore Universitare “Nënë Tereza”, por ndryshe nga makinat e tjera, ajo ka kërkuar të shmangë biletën prej 100 lekë të reja, duke bllokuar kështu për disa minuta me radhë hyrjen kryesore të QSU-së, që do të thotë se në ato momente mund të kishte edhe urgjenca që duhet të futeshin menjëherë në spital, por për shkak të bllokimit të rrugës nga makina e Majlindës mund edhe të vdisnin. 

Pasi shoferi ka debatuar duke kërkuar që të mos paguajë këtë tarifë, ai është detyruar të respektojë rregullin.
 
Marrë nga “Shekulli”