Receta

Makarona me mish të grirë e kërpudha nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Redaksia 6 Prill 2020, 10:20 | Përditesimi: 18 Prill 2020, 08:53

Makarona me mish të grirë dhe kërpudha

Përbërësit:

LEXO EDHE:
Tavë me lakër arme dhe kimë nga zonja Albana

1 qepë

300 gr mish i grirë

1 spec i kuq

100 gr kërpudha (8 kërpudha të vogla )

250 gr makarona të holla

500 gr pure domate

Vaj ulliri

Kripë dhe piper i zi

1 lugë gjelle majdanoz i grirë

Përgatitja:

Vendosim vajin në tigan, shtojmë qepën të grirë hollë, e kaurdisim atë për 2 minuta. Shtojmë mishin e grirë dhe i kaurdisim së bashku për 5 minuta.

Presim specin në shirita të hollë për 2-3 cm dhe e shtojmë në tigan, shtojmë edhe kërpudhat të prera po ashtu në feta dhe vazhdojmë përziejmë së bashku.

Mbi përzierjen në tigan shtojmë makaronat, hedhim mbi të purenë e domates, vendosim kapakun dhe e lëmë për 5 minuta të vlojë. Shtojmë kripë dhe piper të zi, i trazojmë dhe i lëmë të ziejë dhe për 5 minuta të tjera dhe janë gati për servirje.