Makina e lë të vdekur në rrugë
prokuroria shpall fajtor viktimën

TIRANË - Baftjar Murto mesditën e 9 majit të këtij viti ka humbur djalin e tij. Është 63 vjeç dhe me një tufë letrash në duar, ka marrë rrugën nga fshati Shalës i Sarandës dhe ka mbërritur në Tiranë. Brenda atyre letrave gjendet e vërteta jo e drejtë, sipas tij, e vdekjes së të birit 37 vjeç, pasi prokuroria ka nxjerrë fajtor viktimën që kalonte në rrugë dhe jo shoferin e mjetit.

Murto ka një histori rrëqethëse për të treguar, madje po kaq rrëqethëse historinë e tregojnë edhe dokumentet e Prokurorisë së Rrethit të Kavajës. Ekspertiza dhe hetimet nuk nxorën fajtor shoferin, por viktimën.

Aksidenti ndodhi më 9 maj 2013, kur 37-vjeçari Ritvan Murto, rreth orës 11.00. Siç citon gazeta "Shekulli", sipas ekspertëve, mjeti ka qenë duke lëvizur me shpejtësinë 40 kilometra në orë në momentin e përplasjes së kalimtarit. Sipas prokurorisë, Sajmir Gjuzi, autori i këtij aksidenti, ka zbritur dhe është munduar ti japë ndihmën e parë, por sipas dëshmisë së të atit të viktimës, në të vërtet djali është lënë thuajse i vdekur në rrugë. Madje sipas denoncimit që bën 63 vjeçari bën me dije se makina udhëtonte të paktën me 120 km në orë.

Prokuroria e Kavajës, e cila ka mbyllur hetimet, ka deklaruar, se aksidenti nuk mund të shmangej pasi ndërprerja e rrugës ka qenë e menjëhershme. Saimir Gjuzi ka zbatuar të gjithë rregullat. Të vetmen mangësi që ka pasur ishte ai i “dokumentacionit”.

Kështu argumenton prokurorja Ornela Rrumbullaku ndërsa vendos edhe pushimin e çështjes. Prokuroria sqaron më tej, se mjeti tip Volgsvagen me targa AA 142 AS, mjeti që i mori jetën 37- vjeçarit t`i kthehet pronarit bashkë me dokumentacionin përkatës.
 

(Në foto: Ridvan Murto, i aksidentuar për vdekje në 9 maj 2013)
Redaksia online
(ac/shqiptar.com)