SHKODËR-Shpejtësia në makinë u ka marrë jetën dy të rinjve mëngjesin e sotëm në Shkodër, përkatësisht të Amarildo Prelës, 23 vjeç dhe Driona Trianit, 16 vjeçe.

Aksidenti fatal ndodhi rreth orës 02:45, në vendin e quajtur ‘’Mbi sukë’’, në rrugën Shkodër-Velipojë, ku si rezultat i shpejtësisë në kthesë, mjeti tip BMË me të cilin udhëtonin të rinjtë, ka dalë nga rruga duke u përplasur me një mur.

Si pasojë e përplasjes së fortë, viktimë ka mbetur drejtuesi i mjetit Amarildo Preka, 23 vjeç banues në fshatin Mali Jushit, Shkodër dhe pasagjerja Driona Triani, 16 vjeçe banuese në lagjen Perash, Shkodër. 

Siç duket nga pamjet e siguruara në vendin e aksidentit kanë mbetur copëza të makinës dhe të sendeve personale të viktimave.

Grupi hetimor, nën drejtimin e Prokurorisë po vijon punën për sqarimin e  plotë të rrethanave të aksidentit.

Rendit zhvillimet sipas orarit:
Ora 09:26
2 të rinjtë humbën jetën në ‘lule të rinisë’, çfarë ka mbetur pas aksidentit të rëndë në Shkodër

 

Këto janë pamjet nga aksidenti tragjik i ndodhur në Shkodër ku humbën jetën në lule të rinisë Amarildo Preka 23-vjeç banues në fshatin Mali Jushit, Shkodër dhe pasagjerja Driona Trianit 16- vjeçe banuese në lagjen Perash, Shkodër.