Efektivët e policisë së komisariatit të Malësisë së Madhe sekuestruan dhe asgjësuan të martën, përmes djegies, 674 rrënjë bimë narkotike të llojit Canabis Sativa.
Burime zyrtare pranë policisë së qarkut Shkodër bënë të ditur për ATSH-në se bimët narkotike u asgjësuan pas informacioneve të marra në rrugë operative, në vendin e quajtur fshati Xhaj, komuna Shkrel, të Komisariatit Malësi e Madhe.
Materialet rreth kësaj ngjarje i kaluan Prokurorisë së Rrethit Gjyqësor Shkodër për hetime të mëtejshme, ndërkohë që po punohet për identifikimin e personave që mund t'i kenë mbjellë pasi zona në fjalë është pa pronarë./ATSH/