Mali i Zi refuzon të ankorojë në port anijen me armë për Izraelin

Një anije që mban flamurin portugez, MV Kathrin, me një ngarkesë eksplozivi të destinuar për në Izrael, nuk do të ankorohet në portin malazez të Barit, raporton televizioni public malazez Rtcg.

Anija po drejtohet drejt një porti kroat.

Amnesty International I ka kërkuar Malit të Zi dhe Slloveninë që të parandalojnë ‘MV Kathrin’ që të ankorohet në portet e tyre për shkak të rrezikut që eksplozivë të tillë mund të kontribuojnë në "krimet e luftës në Gaza".

Lëvizja Palestineze gjithashtu ndërhyri për këtë çështje, sipas së cilës "e drejta ndërkombëtare humanitare ndalon të gjitha shtetet të transferojnë armë tek palët e përfshira në konflikte të armatosura kur ekziston një rrezik i qartë se kjo mund të kontribuojë në krime lufte ose shkelje të tjera të rënda të ligjit".

Lajmi kryesor:

Lufta/ Irani lëshon të paktën 200 raketa drejt Izraelit! Garda Revolucionare: Hakmarrje, goditëm 3 baza ushtarake! 6 të vdekur nga sulmi terrorist në Jaffa

S.G/Shqiptarja.com

TAG:
• Hezbollah
• Izrael
• lufta ne rripin e gazes
• Irani