Mallakastër, rruga e shkatërruar e Ballshit, Kapllanaj: Aks nacional, kërkon vëmendjen e qeverisë

Rruga nacionale Ballsh -Fier është lënë pas dore prej shumë vitesh duke e kthyer këtë zonë në të dorës së dytë. Banorët e zonës duhet të ecin në një rrugë tërësisht të amortizuar për të arritur deri në zonën e Mallakastrës. Ata shprehen se çdo ditë po u rrezikohet jeta, pasi për shkak të shmangies së gropave rrezikojnë të përplasën me mjetet e tjera.

Për makinat e vogla, rruga është e të papërballueshme, nuk është vënë dorë fare këtu. Ka mbi 10 vjet në këtë gjendje.

Banorët e Mallakastrës

Për kryetarin e Bashkisë së Mallakastrës rruga nacionale që lidh zonën që ai administron me qytetin e Fierit është kthyer në një makth për të gjithë banorët. Sipas tij, janë bërë kërkesa në drejtorinë e rrugëve, por deri tani nuk ka asnjë përgjigje.

LEXO EDHE:
Takim në gjimnazin ‘Dervish Hekali’ në Mallakastër, Balla: Duhet rritur perimetri i sigurisë edhe në komunitete e lagjet ku jetojnë fëmijët

Kjo rrugë është duke u shkatërruar totalisht dhe ka vende që janë shumë të rrezikshme për mjetet e rënda, pasi ato rrezikojnë për shkak të pjerrësisë që ka marrë rruga. Është një aks nacional dhe kërkon vëmendjen e qeverisë, vëmendjen e të gjithëve, dhe të Drejtorisë së Përgjithshme të Rrugëve si për mirëmbajtje apo  dhe sinjalistikë.

Agron Kapllanaj, kryetar i bashkisë Mallakastër

Në rrugën që lidh Mallakastrën me Fierin kalojnë mjaft makineri të tonazhit të lartë, të cilat shkojnë në rafinerinë e naftës, por pavarësisht ngarkesës së rrugës dhe aktivitetit të saj, qeveria shqiptare nuk e ka parë të arsyeshme për ndërtimin apo rikonstruksionin e saj.

TAG:
• mallakaster
• rruga e shkaterruar
• Agron Kapllanaj

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.9%

• Keq

  61.4%

• Nuk e di

  13.7%

Vota total: 1267

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di