Mancester United pa asnjë trofe!
Por mbetet klubi më me vlerë në botë

Manchester United mbetet klubi më i vlefshëm në botën e futbollit, edhe pse përfundoi sezonin 2011-12 pa asnjë titull të fituar. Një analizë nga kompania Brande Finance Football 50 ka vendosur klubin nga Old Trafford në krye të renditjes, edhe pse skuadra kaloi një sezon dëshpërues në dallim nga rivalët Manchester City dhe Chelsea, që triumfuan në Premierligë, respektivisht Ligën e Kampionëve.

Vlera në treg e Manchester Unitedit është 672.9 milionë euro, kurse në vendin e dytë gjendet finalisti i edicionit të sivjetëm të Ligës së Kampionëve, Bayern Munich. Gjiganti bavarez është ngjitur një vend më lart duke tejkaluar Real Madridin. “David Haigh, drejtor ekzekutiv i Brand Finance tha: “Dy klubet e para kanë strategji të ndryshme operuese. Bayerni ka për prioritet bazën e tifozëve në vend, kurse United përqendrohet në shkallën e gjerë globale”.

Gjigantët spanjoll Barcelona dhe Real Madridi janë goditur nga gjendja e krizës në ekonominë e vendit, megjithatë mbajnë vendin e katërt dhe të pestë. Fituesi i sivjetëm i Ligës së Kampionëve, Chelsea, mbetet i pesti pas një sezoni gjatë të cilit fitoi dy trofe, por dështoi të shkëlqejë në Premierligë. Milani është përfaqësuesi i vetëm i Italisë në top 10-she.
Klubet më të vlefshme:
1 Man Utd 672.9 milionë euro
2 Bayern 617.9
3 Real Madrid 471.7
4 Barcelona 455.9
5 Chelsea 312.9
6 Arsenal 305
7 Liverpool 288.5
8 Man City 237.4
9 Milan 229.5
10 Schalke 209.1
(rb/shqiptarja.com)