POP 5

Lajmet më të lexuara të 5 minutave të fundit

Sport

Manchester United nxjerr Milanin nga Europa, Dinamo Zagreb eliminon Tottenham, ja 8 ekipet çerekfinaliste (VIDEO)

Milani i thotë lamtumirë kupave të Europës. Mançester Junajtid ka fituar 1-0 ndaj kuqezinjve dhe kalon në çerekfinalet e Europa League. Avancojnë edhe Roma e Arsenal ndërsa Dinamo Zagreb bën mrekullinë duke eliminuar Totenhemin.

Pol Pogba nxjerr Milanin nga Europa. Manchester United ka fituar 1-0 ndeshjen e kthimit të fazës së 1/8 të Europa League ndaj Milanit dhe siguron kalimin për në çerekfinale. Vendosi goli i Pogba në fillimin e pjesës së dytë.

Roma fitoi sërish ndaj Shakhtar Donetsk. Verdhekuqtë triumfuan 2-1 në Ukrainë falë dygolëshit të Borya Mayoral dhe janë i vetmi ekip italian ende në garë në kompeticionet evropiane.

Surpriza më e madhe erdhi nga Zagrebi. Dinamo arriti një kualifikim të pabesueshëm ndaj Tottenham duke eliminuar ekipin e Mourinhos që ndeshjen e parë e kishte fituar 2-0. Heroi i kroatavë ishte Mislav Orsic që realizoi të tre golat në fitoren 3-0 pas kohëve shtesë. Dinamo Zagreb bën historinë duke kapur çerekfinalet e Europa League.

Arsenali u mund në ndeshjen e kthimit 1-0 nga Olympiacos por falë fitores 3-1 në ndeshjen e parë kaloi më tej. Për në çerekfinalet e Europa League janë kualifikuar edhe Ajax, Slavia e Pragës dhe dy ekipet spanjolle Villarreal e Granada.

 Përgatiti Andi Kapxhiu

J.GJ./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Scholz: Lufta në Ukrainë mund të zgjasë disa vite

Scholz: Lufta në Ukrainë mund të zgjasë disa vite

19 Prill, 22:19