Maqedoni e Veriut-Një seri zjarrvëniesh të dyshuara të qëllimshme kanë ndodhur në orët e para të mëngjesit të sotëm në qytetin e Kumanovës. Si pasojë u dogj automjeti I prokurorit shqiptar Xhelal Bajrami, një lokal, disa makina dhe pjesërisht një shtëpi të cilat u përfshinë nga zjarret.
Flaka i është vënë gjithashtu një zyre kontabiliteti dhe përkthimesh gjyqësore biznes I regjistruar në emër të këshilltarit komunal Fitor Jakupi nga Bashkimi Demokratik për Integrim. Mediat lokale thonë se sulmi mund të jetë kryer me koktej molotovi ndërsa është tentuar të digjej edhe automjeti i një koloneli me inicialet E.D cka nuk është realizuar plotësisht pasi zjarrfikësit ia kanë dalë të shuajnë flakët.
Alsat në Maqedoni ka mësuar jozyrtarisht se kamerat në vëndngjarje në momentin e ngjarjes nuk kanë punuar dhe se nga grupi hetues dyshojnë se ato mund të jenë bllokuar më pajisje të posacme që neutralizojnë valët e internetit.
Për ngjarjen reagoi edhe partia BDI e Ali Ahmetit, e cila thotë se ngjarja djegia e disa makinave në Kumanovë janë janë dëshmi e hidhur e frymës së urrejtjes dhe ndasive ndëretnike që qeveria jolegjitime ka krijuar. Partia BDI thotë se kemi të bëjmë më një krizë të rrezikshme që po përkeqësohet ccdo ditë ndërsa kërkon që të mos humbet kohë për hetimet dhe vënien e autorëve para përgjegjësisë pasi cdo ditë vonesë është ftesë për ngjarje të tjera të tilla.
Partia e Ali Ahmetit e cilëson situatën e shqiptarëve në Maqedoninë e Veriut alarmante dhe kërkon presion dhe reagim nga faktori ndërkombëtar, pasi urrejtja sic lexohet në deklaratë mund të marrin përmasa edhe më të rrezikshme.
lajm ne perditesim...
Pas djegies së makinës të prokurorit Xhelal Bajrami dhe djegies së zyrës të këshilltarit të Kumanovës, Fitor Jakupi ka reaguar edhe Bashkimi Demokratik për Integrim. Në një deklaratë të tyren ata shprehen se kjo është një papërgjegjshmëri dhe një krizë e rrezikshme që po përkeqësohet çdo ditë.
Deklarata e plotë
Ngjarjet e rënda që ndodhën mbrëmë në Kumanovë, ku disa makina dhe një dyqan të shqiptarëve u dogjën, janë dëshmi e hidhur e frymës së urrejtjes dhe ndasive ndëretnike që kjo qeveri jolegjitime ka krijuar. Kjo nuk është më vetëm papërgjegjshmëri apo dështim – kjo është një krizë e rrezikshme që po përkeqësohet çdo ditë.
Kur qeveria nuk arrin të garantojë sigurinë e qytetarëve të saj dhe kur institucionet heshtin përpara veprimeve të tilla të urrejtjes, mesazhi që dërgohet është i qartë: shqiptarët në këtë vend janë të lënë në mëshirën e fatit. Kjo qasje nuk është vetëm diskriminuese, por edhe thellësisht destabilizuese për të gjithë shoqërinë.
Bashkimi Demokratik për Integrim bën thirrje për ndërhyrje urgjente nga faktori ndërkombëtar. Qartë është bërë e ditur se nga kjo qeveri e verbuar dhe e njëanshme nuk mund të presim as drejtësi dhe as përgjegjësi. Vetëm një presion ndërkombëtar mund të ndalojë këtë spirale të rrezikshme të dhunës dhe urrejtjes, e cila po kërcënon paqen dhe stabilitetin në vend.
Ne kërkojmë që këto sulme të hetohen menjëherë dhe autorët të sillen para drejtësisë. Çdo ditë vonesë është një ftesë për ata që përhapin urrejtje për të vazhduar me aktet e tyre të turpshme. Shqiptarët nuk do të qëndrojnë më të heshtur përballë kësaj padrejtësie, dhe ne do të përdorim çdo mjet demokratik për të mbrojtur të drejtat dhe dinjitetin e qytetarëve tanë.
Bashkimi Demokratik për Integrim do të vazhdojë të jetë zëri i shqiptarëve dhe mbrojtës i paqes dhe stabilitetit në këtë vend. Por qartazi, kjo luftë për drejtësi dhe barazi nuk mund të vazhdojë vetëm. Faktori ndërkombëtar duhet të reagojë tani, para se kjo urrejtje të marrë përmasa edhe më të rrezikshme.
Lajme të tjera
-
Maqedoni e Veriut/ Nxënësit veshën uniforma të UÇK-së për festat e nëntorit, ministrja paralajmëron masa ndaj shkollës
1 Dhjetor, 14:21 -
Skandali me flamurin shqiptar në Maqedoni të Veriut, ambasadori Meidani: Po ndjekim situatën! Diplomacia nuk është një reality show
1 Dhjetor, 08:42 -
Skandali me flamurin shqiptar, Prokuroria e RMV nis hetimet! Ministria e Brendshme: Procedim disiplinor policit! Partitë opozitare: Dorëheqje ministrit
30 Nëntor, 15:42 -
FOTO/ Ky është polici që hoqi flamurin shqiptar nga shtylla në Kumanovë të Maqedonisë së Veriut
30 Nëntor, 15:19 -
Incidenti me flamur maqedonas, Siljanovska: Mosrespektimi i simboleve shtetërore, minon unitetin e të gjithë qytetarëve të RMV-së
30 Nëntor, 07:10 -
Festa e 28 Nëntorit/ Paraburgim për shqiptarët që dogjën flamurin e Maqedonisë! BDI: Të dorëhiqet ministri i Brendshëm
29 Nëntor, 22:18 -
Skandal në Maqedoninë e Veriut, polici heq flamurin shqiptar të vendosur për festat e nëntorit! VIDEO kur e hedh në tokë
29 Nëntor, 20:41 -
Incident në Shkup, digjet flamuri maqedonas! BDI akuzon policinë: Ata e nxitën
29 Nëntor, 17:50 -
RMV/ Ministri i Drejtësisë thotë se do zbatohen urdhër-arrestet e lëshuara nga Interpol për ish-pjesëtarët e UÇK-së
27 Nëntor, 19:14 -
Ndodh pas dhjetë vitesh konflikti, 28 Nëntori bën bashkë 'Ballistët' dhe 'Shvercerat' në Tetovë: Mirë se vini vëllezër nga Shkupi
26 Nëntor, 14:37 -
Shkup/ Rikthehen mosmarrëveshjet për Ballkanin e Hapur
24 Nëntor, 17:00 -
Dita e Alfabetit/ Arkivat ekspozojnë 'Dorëshkrimet e Kadaresë' në Shkup
22 Nëntor, 14:52
