POP 5

Lajmet më të lexuara të 5 minutave të fundit

Kosova & Rajoni

Rritje alarmante e të vdekurve nga COVID-i, Maqedonia e Veriut zgjat gjendjen e jashtëzakonshme

Dje u mbajt seanca e shtatë e Këshillit të Sigurisë për të diskutuar rrjedhën e gjendjes së jashtëzakonshme e cila ishte shpallur për shkak të pandemisë COVID-19. Në konferencën për shtyp Pendarovski tha se ditët e fundit, për fat të keq, numri i rasteve me COVID-19 dhe numri i vdekjeve po rritet.

Rritje alarmante e të vdekurve nga COVID-i, Maqedonia e Veriut zgjat gjendjen e jashtëzakonshme

Foto ilustruese

Presidenti i Maqedonisë së Veriut, Stevo Pendarovski, shpalli gjendje të re të jashtëzakonshme për 14 ditë për shkak të krizës së krijuar nga pandemia.

Dje u mbajt seanca e shtatë e Këshillit të Sigurisë për të diskutuar rrjedhën e gjendjes së jashtëzakonshme e cila ishte shpallur për shkak të pandemisë COVID-19. Në konferencën për shtyp Pendarovski tha se ditët e fundit, për fat të keq, numri i rasteve me COVID-19 dhe numri i vdekjeve po rritet.

Vendimi për 14 ditët e reja ka të bëjë me menaxhimin  në mënyrë më efektive të situatës së pandemisë duke theksuar se kjo nuk ka asnjë lidhje me datën e zgjedhjeve parlamentare.

Ai falënderoi shumicën dërrmuese të qytetarëve për respektimin e rekomandimeve tashmë tre muaj, duke shtuar se qytetarët nuk duhen të shkujdesen dhe të vënë në pikëpyetje të gjitha rezultatet pozitive deri më tani në luftën kundër pandemisë.

Duke iu drejtuar qeverisë, Pendarovski tha se tendencat negative në disa komuna nuk duhet të jenë rast për të kthyer masat kufizuese në gjithë territorin dhe për të gjithë qytetarët. Në një porosi për liderët politikë, presidenti i Maqedonisë së Veriut kujtoi se shteti aktualisht nuk ka parlament, se ka një qeveri teknike që ka autorizime të kufizuara dhe se situata është shumë serioze.

Kujtojmë se Presidenti i Maqedonisë së Veriut, Stevo Pendarovski, shpalli gjendje të jashtëzakonshme më 18 mars të këtij viti, me kërkesë të qeverisë. Një muaj më vonë, Pendarovski shpalli  gjendje të re 30-ditore të jashtëzakonshme. Më 15 maj, gjendja e jashtëzakonshme u vazhdua edhe për 14 ditë të tjera.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02