Legjenda e futbollit argjentinas Diego Armando Maradona shprehet me nota superlative për ekipin kampion të Europës.

“Spanja është një ekip i jashtëzakonshëm, ndoshta ekipi më i mirë në historinë futbollit, është vështirë që t’i mundësh.

Portieri Kasijas, Alonso, Ramos, Iniesta, Xavi por edhe Torres janë të mrekullueshëm.

Ky është një brez i artë, cili do të ngelë gjatë në memorien e shumë njerëzve në botë.

Ata janë favoritë edhe në botërorin 2014 në Brazil” shprehet Maradona.

Spanja është kampionia në fuqi e Botës dhe e dyfishtë e Europës.

Akoma nuk është shfaqur një ekip që të vërë në vështirësi “demat” e Spanjës.

Tashmë të gjithë kanë filluar të mendojnë për skemat të cilët do të mundin këtë ekip në Brazil, pasi ky brez futbollistësh akoma nuk e ka thënë fjalën e fundit.


(d.b/shqiptarja.com)