POP 5

Lajmet më të lexuara të 5 minutave të fundit

Sport

Marco Silva pranon dështimin me Armando Brojën: Ngula unë këmbë ta kisha në ekip

Armando Broja për të dytën ndeshje radhazi nuk ishte as një stolin e Fulham, teksa konkurrenca në ekip bëri që trajneri Marco Silva ta dërgonte në tribunë.

Marco Silva pranon dështimin me Armando Brojën: Ngula unë këmbë ta kisha në ekip

Marco Silva dhe Armando Broja

Armando Broja për të dytën ndeshje radhazi nuk ishte as një stolin e Fulham, teksa konkurrenca në ekip bëri që trajneri Marco Silva ta dërgonte në tribunë. Pak muaj para Euro 2024 sulmuesi i Kombëtares është pa minuta në këmbë, me Sylvinhon që ende nuk e ka vendosur listën finale se cilit do t'i besojë në Gjermani.

Trajneri i Fulham, Marco Silva ka shpjeguar edhe situatën e Brojës, duke pranuar në një farë forme se afrimi i tij në huazim nga Chelsea ka qenë një dështim, me portugezin që e ka zgjedhur vetë për ta pasur në ekip.

"Ka qenë një periudhë shumë e vështirë si për mua edhe për Armandon. Unë kam qenë përgjegjësi kryesor për ta sjellë Brojën në këtë klub. Është një lojtar të cilin e vlerësoj shumë. Ai ka cilësitë për të luajtur në nivele të larta”, tha trajneri portugez.

Më pas trajneri u duke në "kundërsulm" kur tha se edhe Diop është në tribunë dhe askush s'e pyet për të pasi nuk është një lojtar i Chelseas.

"Në takimet e fundit gati të gjithë lojtarët kanë qenë të gatshëm për të luajtur pra nuk kishim asnjë të dëmtuar. Marrim shembullin e Isa Diop, i cili ka qenë titullar në disa ndeshje. Në tre të fundit nuk është grumbulluar, pasi kanë luajtur disa të tjerë. Për Diop nuk flet kush pasi nuk është një lojtar i Chelseas", tha ai.

Trajneri i Fulham tregon se e kupton situatën e lojtarit, por shton se ka një lojtar si Muniz që po shënon.

"Kanë qenë kohë të vështira për Armandon, pasi ka ambicie për të luajtur. Kur një lojtar transferohet në ditën e fundit të merkatos të gjithë presin një impakt prej tij në ekip. Por unë kam një sulmues si Muniz, i cili po shënon rregullisht dhe kështu nuk po u jep shans të tjerëve që të luajnë", mbyll komunikimin Silva.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu