Super ndeshja që zhvilloi përballë ekipit të Shalke 04 ka bërë që klima në kampin e ekipit të Bayern Mynihut të ndërlikohet për sulmuesin e talentuar Mario Gomez, i cili i ka bërë apel klubit që të sqarojë të ardhmen.

“Aktualisht po kaloj një moment të vështirë, prandaj kërkoj nga drejtuesit e ekipit që të sqarojnë të ardhmen time shumë shpejt. Duhet të di se cili është pozicioni im te Bayern Mynih sa më shpejt.

Nuk trembem nga konkurrenca, por klubi duhet të më thotë se çfarë po ndodh” shprehet Mario Gomez. Sulmuesi nuk po kalon një moment të mirë këtë edicion dhe mund të largohet.