POP 5

Lajmet më të lexuara të 5 minutave të fundit

Arkiva

Marrëveshja, ambasadorët:
Shpresojmë që gjërat të ndryshojnë

Ambasadorja e Polonisë, ambasadori i Hungarisë dhe ambasadori i Danimarkës, përshëndesin marrëveshjen mes maxhorancës dhe opozitës për rikthimin e dialogut politik dhe institucional në parlament. Janos Huszar: "Shpresoj që gjërat të ndryshojnë dhe politika shqiptare ta kalojë këtë gjendje stanjacioni”
Marrëveshja, ambasadorët:<br />Shpresojmë që gjërat të ndryshojnë
TIRANE -Ambasadorja e Polonisë, Irena Tatarzyńska, ambasadori i Hungarisë, Janos Huszar dhe ambasadori i Danimarkës, Karsten Ankjaer Jensen, përshëndetën sot marrëveshjen mes maxhorancës dhe opozitës për rikthimin e dialogut politik dhe institucional në parlament.

Lëvizja Europiane në Shqipëri (EMA), në bashkëpunim me fondacionin Friedrich Ebert Stiftung (FES), organizoi sot forumin e politikave "12 detyrat e Shqipërisë: Ku jemi sot? ", i cili mblodhi së bashku ambasadorët e tre shteteve anëtare të BE-së, që përfaqësojnë Presidencën e kaluar, aktuale dhe atë të ardhshme të BE-së.

Ambasadori i Republikës së Hungarisë në Shqipëri, Janos Huszar, foli mbi vlerësimin e Hungarisë mbi situatën në Ballkanin Perëndimor, pas publikimit të Paketës së Zgjerimit nga Komisioni Europian.

"Shqipëria nisej e disavantazhuar për anëtarësimin në BE, në disa aspekte, me vendet e ish-Jugosllavisë, por me progreset e bëra tani gjendja ka ndryshuar", tha Huszar.

Ai e cilësoi progresin e Shqipërisë për anëtarësimin në BE si të kufizuar dhe sipas tij, shkak për këtë ka qenë mosarritja e dialogut nga klasa politike shqiptare.

"Dështimi i klasës politike për të mos zgjidhur këtë ngërç ishte arsyeja kryesore e mosmarrjes së statusit të vendit kandidat”, tha Huszar.

"Shpresoj që gjërat të ndryshojnë dhe politika shqiptare ta kalojë këtë gjendje stanjacioni”, u shpreh ambasadori hungarez, duke përshëndetur arritjen e marrëveshjes mes partive politike për rikthimin e dialogut politik dhe institucional në parlament.

Ambasadorja e Polonisë në Shqipëri, Irena Tatarzyńska, foli mbi këndvështrimin e Presidencës Polake të BE-së. Ajo përshëndeti marrëveshjen e arritur mes PD dhe PS, duke e cilësuar dialogun e brendshëm politik si kusht për anëtarësimin në BE.

Ndërsa ambasadori i Mbretërisë së Danimarkës në Shqipëri, Karsten Ankjaer Jensen, foli mbi çështjet kryesore për t'u adresuar nga Shqipëria me qëllim riangazhimin e saj në rrugën drejt BE-së dhe vlerësoi se nisja e dialogut është hapi i parë drejt rrugës për në BE.

Gjatë aktivitetit u prezantua edhe punimi i përgatitur nga ekipi i kërkuesve të EMA-s, në të cilën theksohet se "përmbushja e 12 përparësive të identifikuara nga Opinion i Komisionit Europian është e vetmja rrugë nëpër të cilën duhet të kalojë vendi për të fituar statusin e vendit kandidat dhe fillimin e bisedimeve për anëtarësim ne BE"
(atsh/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04