Marrëveshja Kosovë-Serbi/ Meta në Uashington: Rajoni ka nevojë për një angazhim më të vendosur të SHBA-së

Marrëveshja Kosovë-Serbi/ Meta në Uashington: Rajoni ka nevojë për një angazhim më të vendosur të SHBA-së

Presidenti Ilir Meta sëbashku me delegacionin e tij në Uashington

Presidenti Ilir Meta, i shoqëruar edhe nga delegacioni parlamentar i Shqipërisë, u takua këtë të enjte në Uashington me kongresmenin Robert Aderholt. Meta i garantoi anëtarit të Komitetit Amerikan të Helsinkit, i cili është njëheraz bashkëkryetar i grupit të miqësisë SHBA-Shqipërisë, se Shtetet e Bashkuara do të mbeten për shqiptarët partneri kryesor.

“Për shqiptarët, SHBA janë dhe do të mbeten partneri kryesor strategjik. Marrëdhëniet mes dy vendeve kanë një rëndësi jetike për ne”, - nënvizoi presidenti Meta.

Meta shprehu më tej mirënjohjen për mbështetjen e SHBA-së në përpjekjet e Shqipërisë për konsolidimin e demokracisë dhe shtetit ligjor, anëtarësimin në NATO, si dhe për përmbushjen e aspiratës euro-atlantike.

“Është e domosdoshme, - theksoi Meta - nevoja e një angazhimi edhe më të vendosur të SHBA-së në rajonin tonë, si një garanci për të gjithë investimin amerikan, por edhe si ndihmesë e pazëvendësueshme për finalizimin me sukses të marrëveshjes përfundimtare mes Kosovës dhe Serbisë”.

Ndërsa kongresmeni Robert Aderholt siguroi presidentin Meta për angazhim të pandalur të Shteteve të Bashkuara për forcimin e arritjeve në Ballkanin Perëndimor.

Presidenti Ilir Meta dhe Kongresmeni Robert Aderholt

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • WTF: 07/02/2019 14:46

    I jep Meta keshilla kongresmenit per politiken qe duhet te ndjeke SHBA dhe cfare angazhimesh duhet te ndermarre! Ky eshte jo vetem ofendim per administraten Amerikane, por edhe nje gafe e trashe, sepse i kerkohet nje anetari te kongresit dhe jo qeverise drejtperdrejt. Eshte njesoj sikur sikur presidenti Amerikan te keshillonte cunin e Fahri Balliut se cfare rruge duhet te ndiqte qeveria Shqiptare, kur dihet shume mire qe askush ne qeveri nuk e pyet jashqitjen e Fahriut se si duhet qeverisur.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

VIDEO/Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis