POP 5

Lajmet më të lexuara të 5 minutave të fundit

Politikë

Marrëveshja për emigrantët me Italinë, ‘The Times’ zbulon projektin e bazës në Lezhë

Marrëveshja mes Shqipërisë dhe Italisë për emigrantët ka ngjallur interesin e mediave britanike. Megjithë pezullimin e paktit nga gjykata kushtetuese, The Times publikoi planimetrinë e qendrës pritëse në portin e Shëngjinit, e cila ka 4 godina, perimetër sigurie, por edhe dhoma intervistimi për policinë italiane dhe misionin FRONTEX.

Edhe pse gjykata Kushtetuese pezulloi votimin në Kuvend, marrëveshja mes Shqipërisë dhe Italisë për çështjen e emigrantëve ka ngjallur interesin e mediave britanike. Qeveria e kryeministrit Rishi Sunak po përballet me sfida pasi plani i saj për të dërguar në Ruandë emigrantët që hyjnë në mënyrë të paligjshme në Britani, u shfuqizua nga gjykata e lartë.

Gazeta “The Times” ka dërguar një gazetar në Lezhë, ku ka parë nga afër vendin ku parashikohet ngritja e qendrës pritëse të emigrantëve në portin e Shëngjinit. Sipas gazetës britanike, plani i qendrës përfshin 4 godina, të rrethuara me perimetër sigurie.

Pjesë e qendrës janë dhomat e intervistimit për oficerët italianë të emigracionit, ku një zonë është dedikuar për agjencinë europiane të emigracionit Frontex, ndërkohë që media britanike thotë se ky detaj, ekspozon praninë e Bashkimit Europian në këtë projekt.

Marrëveshja mes dy vendeve, parashikonte ngritjen e strukturave pritëse në Shëngjin dhe atyre akomoduese në Gjadër, me shpenzimet e palës italiane. Qeveria e Romës, do të përballojë çdo shpenzim për të strehuarit, si kostot e kujdesit shëndetësor, si dhe largimin e emigrantëve nga Shqipëria.

Drafti ishte duke u votuar në parlament por u hoq nga axhenda pas pezullimit nga gjykata Kushtetuese e cila ka caktuar 18 janarin si datë për seancën e parë për shqyrtimin e kushtetutshmërisë së marrëveshjes.

1702836968_planimetria.jpg

Planimetria për bazën e emigrantëve në Lezhë

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

11 Janar, 09:31 nga Paolo Mastrolilli