TIRANE- Pas marrëveshjes së dakordësuar sot nga të gjitha forcat politike lidhur me Reformën Zgjedhore, ka ardhur edhe reagimi i ndërkombëtarëve. Në një tryezë të bashkëkryetarëve të komisionit të posaçëm, Damian Gjiknuri dhe Rudina Hajdari me dy përfaqësues të mandatuar nga opozita e bashkuar, Petrit Vasili nga LSI e Oerd Bylykbashi nga PD palët arritën në dakordësi që të miratojnë në parlament pa ndryshime, me konsensus të plotë, një draft të përbashkët, që pritet të miratohet brenda15 marsi.
Prezenca e OSBE-së në Shqipëri e ka quajtur marrëveshjen e palëve politike për Reformën Zgjedhore një hap të rëndësishëm drejt në reforme në kohën e duhur. Ajo shton se është e gatshme të vijojë të kontribuojë në procesin e kësaj reforme.
"Prezenca e OSBE-së në Shqipëri mirëpret marrëveshjen e sotme politike për reformën zgjedhore. E shohim këtë marrëveshje si një hap të parë të rëndësishëm drejt një reforme të plotë e në kohën e duhur, që do të trajtojë të gjitha rekomandimet e OSBE/ODIHR-it, në dobi të të gjithë qytetarëve shqiptarë. Prezenca është e gatshme të vijojë të kontribuojë në procesin e reformës zgjedhore, në përputhje me mandatin e saj", thuhet në reagim.
Ambasada amerikane në Shqipëri ka përshëndetur dakordësinë e palëve politike për të punuar së bashku për Reformën Zgjedhore, duke e konsideruar atë një hap të rëndësishëm për të trajtuar rekomandimet e OSBE-ODHIR.
"Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni", shkruan ambasada amerikane.
Ambasadori i Mbretërisë së Bashkuar në Shqipëri, Duncan Norman ka reaguar pas arritjes së një konsesusi për Zgjedhoren mes partive politike në Shqipëri. Norman thotë se Mbretëria e Bashkuar beson se dialogu është gjithmonë mënyra më e mirë për të zgjidhur problemet politike.
"Mirëpresim marrëveshjen e sotme ndër-partiake për të ndjekur Reformën Zgjedhore në përputhje me rekomandimet e OSBE / ODIHR. Mbretëria e Bashkuar beson se dialogu gjithëpërfshirës është gjithmonë mënyra më e mirë për të zgjidhur problemet politike", shkruan Norman.
Ambasadori i BE në Shqipëri, Luigi Soreca ka përgëzuar partitë politike në Shqipëri lidhur me hapin e arritur sot për një marrëveshje për Reformën Zgjedhore. Soreca thotë se të gjithë partitë duhet të punojnë së bashku për të përfunduar Reformën Zgjedhore në kohë që të arrijë të miratohet nga parlamenti.
"Ne mirëpresim marrëveshjen e sotme ndër-partiake mbi rrugën përpara për një Reformë gjithëpërfshirëse Zgjedhore, në përputhje me rekomandimet e OSBE / ODIHR. Është një arritje e rëndësishme për rivendosjen e stabilitetit politik të Shqipërisë dhe në kontekstin e procesit të integrimit të Shqipërisë në BE. Ne besojmë se të gjitha partitë do të vazhdojnë të punojnë së bashku për të përfunduar një Reformë Zgjedhore në kohë që do të miratohet nga Parlamenti, për të mirën e qytetarëve shqiptarë dhe të ardhmen e tyre evropiane", shkruan Soreca.
Lajme të tjera
-
'Amerika vendos', Rudina Hajdari zbulon në Report Tv: Votova për Trump! Do i sillte ndryshim botës! Kadilli: Ka alarm në agjencitë e OKB
5 Nëntor, 22:07 -
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
Homazhe në 26-vjetorin e vrasjes së Azem Hajdarit, mungon Berisha në arrest shtëpie! E bija mesazh prekës nga SHBA
12 Shtator, 14:42 -
26 vite nga vrasja e babait të saj, Rudina Hajdari: S’do ta di kurrë çfarë ndodhi vërtetë, por jam e bindur se ishte vrasje politike
10 Shtator, 19:37 -
Çfarë marrëdhënie ka Rudina Hajdari me vjehrrën? E zbulon vetë partneri i ish-deputetes
21 Gusht, 19:20 -
Ditëlindja e veçantë e Rudina Hajdarit, feston me të bijën dhe partnerin e ri (VIDEO)
15 Gusht, 16:17 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
