Një marrëveshje e firmosur në Tiranë të martën e 18 marsit mes Shqipërisë, Kosovës dhe Kroacisë për bashkëpunim në fushën e mbrojtjes dhe ndërveprim ushtarak mes tri vendeve e ka shqetësuar Beogradin zyrtar.
Presidenti serb Aleksandër Vuçiç ka reaguar menjëherë pas firmosjes së kësaj aleance ushtarake nga tre ministrat e mbrojtjes Pirro Vëngu, Ejup Maqedonci dhe ministri kroat Ivan Anusiç, duke e cilësuar si një “garë armësh” që cenon stabilitetin rajonal dhe se për këtë do të kërkojë shpjegime nga ministria e jashtme e Shqipërisë dhe Kroacisë, pasi kjo aleancë ushtarake sipas tij nuk duhej formuar pa konsultim me Beogradin.
Ndërsa ministri i Mbrojtjes Pirro Vëngu në një intervistë televizive, duke e theksuar fort se siguria e Kosovës është prioritet kombëtar, ka thënë se Serbia e ka humbur vetë shansin e konsultimeve pasi ajo prej 2 vitesh nuk pranon të ulet në tryezat e dialogut dhe se kjo marrëveshje nuk është aleancë kundër askujt në rajon, por një hap për të rritur nivelet e mbrojtjes.
“Nuk është një marrëveshje që parashikon një qasje agresive ndaj dikujt tjetër në rajon. Ne nuk e shohim veten si aleancë kundër dikujt, por është për të rritur nivelet e mbrojtjes. Serbia e ka humbur shancin për t’u konsultuar nga momenti që zbaton politikën e karriges boshe në takimet rajonale. Nuk ka pse konsultohet kur bëhet një marrëveshje e përbashkët. Kosova njihet nga Kroacia. Serbia nëse do të konsultohet të vijë të ulet në tryezë”, tha ministri.
Një përgjigje presidenti serb e ka marrë edhe nga ministria e Jashtme e Kosovës e cila e përmes një reagimi zyrtar I cilësn këto deklarata agresive dhe kërcënuese. Në deklaratën zyrtare thuhet se Serbia po vazhdon të sillet si një fuqi dominuese në ballkan duhet u përpjekur të ndikojë mbi tre shtete sovrane.
“Serbia vazhdon të sillet si një fuqi dominuese në Ballkan dhe të përzihet në marrëdhëniet ndërkombëtare të Kosovës, në kundërshtim me angazhimet e saj ndërkombëtare,” thuhet në reagimin e MPJD-së. Duke bërë deklarata të tilla, Serbia minon angazhimet e saj për ndërtimin e marrëdhënieve të mira fqinjësore me Kosovën dhe për njohjen e institucioneve dhe kornizës ligjore të Kosovës si të vetmet autoritete të vlefshme brenda vendit tonë.
Për më tepër, retorika e Serbisë është e mbushur me tone hegjemoniste, pasi ajo përpiqet të paraqitet si fuqia dominuese në Ballkanin Perëndimor, duke kërkuar shpjegime nga Kroacia dhe Shqipëria—dy shtete sovrane, të dyja anëtare të NATO-s, me Kroacinë gjithashtu anëtare e Bashkimit Evropian. Kjo sjellje është tërësisht e papranueshme dhe përbën një tjetër shkelje të Marrëveshjes së Brukselit, e cila parashikon qartë se Serbia nuk do të pengojë marrëdhëniet ndërkombëtare të Kosovës dhe nuk do të pretendojë të flasë në emër të Kosovës në marrëdhëniet me shtete dhe organizata të tjera.
Një përgjigje Vuçiç e ka marrë edhe nga ministri i Mbrojtjes kroat i cili thotë se "Ka kaluar koha kur Kroacia pyeste Beogradin se çfarë do të bënte”, duke paralajmëruar se të tjera vende do t’i bashkohen kësaj aleance.
"Ka kaluar koha kur ne pyesnim Beogradin se çfarë do të bënim. Shqipëria është aleati ynë në NATO dhe Kosova është vendi ynë mik që ne e kemi njohur”, shtoi Anusiç.
Shqetësimin e tij Vuçiç thotë se ia ka referuar edhe sekretarit të përgjithshëm të NATO-s, Mark Rutte, në një takim në Bruksel një ditë më parë, I bindur se aleanca nuk është njoftuar për këtë hap.
“Është detyra jonë t'ua themi zotit Rutte, njerëzve në NATO dhe gjithë të tjerëve se kjo është shkelje e të ashtuquajturës marrëveshje nënrajonale për kontrollin e armëve nga viti 1996”, ka deklaruar Vuçiç.
“Kjo është shkelje e të ashtuquajturës marrëveshje nënrajonale për kontrollin e armëve nga viti 1996, por ne kemi parë nga reagimet e Kroacisë dhe disa pjesëve të tjera të rajonit se ata nuk janë shumë të interesuar për të. Jam pothuajse i bindur se NATO-ja as që ishte e informuar dhe se as që u është thënë se cilat marrëveshje janë shkelur.
Ata kanë hapur një garë armatimesh në rajonin tonë, është një situatë e vështirë për ne, por ne e kemi kuptuar mesazhin e tyre. Dhe do ta ruajmë vendin tonë, do t’i pengojmë ata dhe gjithmonë do të mbrohemi me sukses nga çdo agresor i mundshëm, qoftë edhe një agresor kaq i fuqishëm”, tha Vuçiç, gjatë një vizite në Bruksel.
Ndërsa vetë Rutte shkroi në X vetëm mesazhin se me presidentin serb bisedoi për rëndësinë kritike të ruajtjes së sigurisë rajonale, si dhe se "si të vazhdojmë të forcojmë marrëdhëniet NATO-Serbi".
Bashkëpunimi synon forcimin e aftësive mbrojtëse të tri vendeve, zhvillimin e industrisë dhe teknologjisë së Mbrojtjes, si dhe përmirësimin e ndërveprimit ushtarak në rajon.
Foto: Andrej Plenkoviç
Kryeministri kroat Andrej Plenkoviç ka thënë se për marrëveshjen e fundit ushtarake me Kosovën dhe Shqipërinë nuk kanë nevojë ta pyesin Serbinë apo NATO-n. Ka theksuar se marrëveshja nuk është e natyrës armiqësore.
Plenkoviçit iu përgjigj deklaratës së presidentit serb Aleksandar Vuçiç, i cili ka thënë se Kroacia, Shqipëria dhe Kosova shkelën marrëveshjen e vitit 1996 dhe hapën një garë armësh.
“Shpresoj se dikush do të marrë pesë minuta kohë për të lexuar tekstin e marrëveshjes ndërmjet Kroacisë, Shqipërisë dhe Kosovës”, ka thënë Plenkoviç, duke shtuar se këto janë marrëveshje të përbashkëta.
Ai theksoi se Kroacia nuk ka asnjë qëllim armiqësor me këtë marrëveshje.
“Ne e krijuam një dokument që ndihmon përpjekjet e tyre për reforma. Nuk është i një natyre armiqësore. Unë e kuptoj që duhet kërkuar një armik më tej, por kjo marrëveshje nuk është e natyrës armiqësore. Kroacia nuk ka nevojë të pyesë askënd për këtë, as Serbinë dhe as NATO-n”, u shpreh Plenkoviç.
Kosova, Shqipëria dhe Kroacia e nënshkruan një deklaratë në Tiranë më 18 mars, për ta forcuar bashkëpunimin në fushën e mbrojtjes dhe sigurisë, gjë që nxiti reagime në Serbi.
Komente
Lajme të tjera
-
Mediat serbe: Vuçiç po formon një aleancë si kundërpërgjigje ndaj asaj 'Kroaci-Shqipëri-Kosovë'! Ja me kë shtet po negocion
21 Mars, 22:24 -
Presidenti Vuçiç: Serbia është lodhur nga ata që e terrorizojnë dhe duhet të përgjigjet
21 Mars, 15:30 -
Serbi/ Shënohet viktima e 16-të nga shembja e tendës së stacionit të trenave në Novi Sad
21 Mars, 13:59 -
Turqia merr në mbrojtje rajonin dhe Shqipërinë! Zbulohet marrëveshja e luftës
21 Mars, 13:52
-
Marrëveshja trepalëshe Kosovë-Shqipëri-Kroaci, Vjosa Osmani i përgjigjet Serbisë: Propagandë, burim destabiliteti në rajon
21 Mars, 13:43 -
Specialja i dha leje Thaçit të vizitojë varrin e të atit, deputeti Haliti: Praktikë që është bërë nga gjykata dhe më herët! Asnjëra palë s'i ka numrat për formimin e qeverisë
21 Mars, 12:39 -
Aleanca ushtarake Shqipëri-Kosovë-Kroaci/ Valon Arifi: Qeveria e Kurtit i dha mbështetje se nuk ka arritur asnjë sukses kohët e fundit
21 Mars, 12:27 -
Vuçiç dhe Rutte: Fundi i lojës me Dodikun?
21 Mars, 11:19 -
Ish presidenti i Kosovës Hashim Thaçi merr leje nga Specialja, viziton varrin e të atit! Mesazhi prekës në kurorën me lule: Erdha i fundit babë! (VIDEO+ FOTO)
21 Mars, 11:17 -
Kosovë/ Prokuroria e akuzon për pastrim parash dhe falsifikim, nis gjyqi për Klodian Allajbeun e 'Spitalit Amerikan'! U përfituan 3 mln euro
21 Mars, 08:43 -
“The Times”: Shqipëria, vendi ballkanik me plazhe spektakolare, mikpritje të ngrohtë dhe kryeqytet emocionues
21 Mars, 07:52 -
A po formohet një aleancë ushtarake në Ballkan?
20 Mars, 18:37
Aleance e duhur dhe pse e vonuar!
Përgjigju