Shqipëria dhe Sllovenia janë angazhuar për të forcuar më tej marrëdhëniet në fushën policore dhe për forcimin e masave kundër krimit të organizuar dhe migracionit të paligjshëm.
Drejtori i Përgjithshëm i Policisë së Shtetit, Drejtues Madhor Muhamet Rrumbullaku, priti në një takim Drejtorin e Përgjithshëm të Policisë Sllovene, z. Senad Jusiç, në kuadër të vizitës që po zhvillon në Tiranë, me ftesë të Ministrit të Brendshëm, z. Taulant Balla, një delegacion i Republikës së Sllovenisë, i kryesuar nga Ministri i Brendshëm, z. Bostjan Poklukar.
Drejtues Madhor Muhamet Rrumbullaku vlerësoi bashkëpunimin shumë të mirë mes dy policive, mbështetur në tre marrëveshje bazë, të nënshkruara nga Qeveritë e Shqipërisë dhe Sllovenisë. Ky bashkëpunim ka qenë efektiv, veçanërisht në kuadër të INTERPOL-it dhe EUROPOL-it.
“Sfidat e reja të sigurisë, angazhimi i përbashkët kundër krimit të organizuar dhe migracionit të paligjshëm, krahas numrit të shtuar të turistëve sllovenë, të cilët vizitojnë Shqipërinë, na shtyjnë drejt rivlerësimit të marrëveshjeve ekzistuese mes dy vendeve. Ka ardhur momenti për të konsoliduar ndërveprimin në fushën policore, duke u bërë ballë edhe fenomeneve të reja në fushën e sigurisë”, u shpreh Drejtori i Përgjithshëm i Policisë së Shtetit.
Nga ana e tij, Drejtori i Përgjithshëm i Policisë së Sllovenisë falënderoi Policinë e Shtetit Shqiptar për bashkëpunimin dhe mundësinë e takimit dypalësh, ndërsa u shpreh se fusha të ndryshme, si krimi kompjuterik dhe kibernetik, duhet të trajtohen me profesionalizëm, krahas goditjes ndaj krimit të organizuar dhe migracionit të paligjshëm.
Për shkak të numrit të lartë të pushuesve, Policia Sllovene do të sjellë në Shqipëri një atashe, i cili do të ndihmojë edhe komunikimin me autoritetet shqiptare.
Në këtë kuadër, Drejtori i Përgjithshëm i Policisë Shqiptare përmendi se, gjatë vitit të shkuar nuk është shënuar asnjë ngjarje kriminale, ku të jetë cënuar siguria e turistëve. Vetëm nga Sllovenia, numri i shtetasve që kanë hyrë në Shqipëri gjatë vitit 2023 ka qenë rreth 22 mijë.
Policia e Shtetit dhe Policia Sllovene ranë dakord të punojnë bashkarisht për rishikimin dhe plotësimin brenda vitit 2024 të marrëveshjes mes dy qeverive mbi bashkëpunimin në luftën kundër terrorizmit, trafikut të paligjshëm, drogës dhe krimit të organizuar, nënshkruar më 24.11.1993.
Lajme të tjera
-
Rrumbullaku largohet nga Policia e Shtetit: Momenti i mbylljes së një cikli me uniformën e shenjtë
10 Shtator, 16:57 -
Hapet gara për Drejtorin e ri të Policisë së Shtetit, kandidatët kanë 7 ditë kohë për të aplikuar
10 Shtator, 16:20 -
Largimi i Rrumbullakut/ Opozita: E shkarkuan me ceremoni se s’mbuloi skandalin e TIMS! PL: Janë kthyer në polici privatë të Ramës
6 Shtator, 16:45 -
Dorëheqja e Rrumbullakut/ Gazetari Dervishi: Ishte i besuari i SPAK dhe Altin Dumanit! Ana negative, që i ka shërbyer politikës
6 Shtator, 15:35 -
SKEDA/ Kush është Sokol Bizhga, drejtori i Komanduar i Policisë së Shtetit dhe pse është kandidati më i favorizuar! Nga rrezikimi i jetës më 1997, te Lazarati dhe postet e larta
6 Shtator, 09:48 -
‘Furtunë’ në Policinë e Shtetit, ikën Rrumbullaku dhe drejtuesit e 12 qarqeve! Ministri: Garë me meritokraci! Komandohet në krye të bluve Bizhga
6 Shtator, 07:41 -
SKEDA/ Jep dorëheqjen Rrumbullaku, ja udhëzimi për zgjedhjen e Drejtorit të ri të Policisë së Shtetit! Kandidatët nën lupën e SHISH e Prokurorisë! Gara vëzhgohet nga SHBA e BE (DOKUMENTI)
5 Shtator, 22:05 -
Pas dy vitesh në detyrë, jep dorëheqjen drejtori i Policisë së Shtetit Muhamet Rrumbullaku! Burime për Report Tv: Në vend të tij Sokol Bizhga
5 Shtator, 20:50
-
Ilir Yzeiri: Vdekja e Eglit dhe dy fëmijët jetimë vlejnë më shumë se sedra juaj e prekur, z. Rrumbullaku
14 Gusht, 16:58
-
Dhunuan Klea Prengën, Rrumbullaku paralajmëron arrestimin shumë shpejt të ish konkurentes së Big Brother, Antonela Berishaj dhe të motrës
14 Gusht, 13:22 -
Atentati ndaj prokurorit Ndoja, sillen nga Dubai Plaurent Dervishaj e Juljan Meçaj! Anëtari i ‘Bandës së Durrësit’ në kërkim edhe për vrasjet e Klodian Saliut, Vajdin Lamajt e mikut të tij
14 Gusht, 11:58 -
Akuzat për fshehje të vrasjes së Egli Progës, Rrumbullaku: Skandaloze! Janë pa baza dhe prova! S'ka lidhje me gjobëvënien, por konflikt i çastit! U referua si 'vrasje me dashje'
14 Gusht, 11:48
