Mashtroi nipin e Presidentit të Korabit, në hetim e dashura e ish-donatorit të Kastriotit

Prokuroria e Tiranës ka nisur hetimet me akuzën e mashtrimit për 32-vjeçaren Anisa Hysa, e cila sipas denoncimit i ka marrë 10 mijë euro një personi me premtimin se do i luante në baste të sigurta në Angli dhe shuma që do i kthente do të ishte më e madhe.

Personi që ka bërë denoncimin është Arjan Mziu nipi i administratorit të Korabit, Fehmi Meziu. Bazuar te denoncimi, Arjan Mziu mësohet se ka deklaruar në padi se Anisa Hysën e kishte takuar rreth 2 vite më parë në kompleksin në Pezë Helmës ku dy ekipet po stërviteshin në vitin 2016.

Mziu është shprehur se 32-vjeçarja ishte shtirur si administratore e ekipit të Kastriotit të Krujës duke e mashtruar për t’i marrë shumën prej 10 mijë eurosh. Por kur kaluan 2 vite, Hysa ende nuk i kishte kthyer shumën nipit të administratorit të Korabit duke detyruar këtë të fundit që ta padiste për mashtrim.

LEXO EDHE:
Renditja/ Korabi fiton 5-1 kundër Luzit në ndeshjen e prapambetur, Kategoria e Parë mëson skuadrat që luftojnë për elitën

Pas kallëzimit prokuroria e Tiranës ka nisur hetimet për 32-vjeçaren. Por kush është në të vërtetë Anisa Hysa? Drejtori Sportiv i ekipit të Kastriotit të Krujës, Gazmend Vogli në një prononcim për Shqiptarja.com shprehet se Anisa Hysa nuk ka qenë kurrë në postin e administratores së ekipit. Ai thotë se 32-vjeçarja ka qenë e dashura e njërit prej donatorëve të Kastriotit rreth 5 vite më parë.

“Anisa Hysën e kam dëgjuar si emër, por nuk ka qenë kurrë pjesë e ekipit te Kastriotit. Në këtë post unë kam 5 vite, por si tani, por edhe më parë nuk ka qenë pjesë e klubit. Por mesa di, ajo ka qenë e dashura e njërit prej donatorëve të ekipit. Pra gjithçka që shkruhet se ajo ka qenë administratore e klubit nuk është aspak e vërtetë” deklaroi Gazmend Vogli.

TAG:
• fehmi mëziu
• Kastrioti
• Gazmend Vogli
• Korabi
• Arjan Mziu

Sondazhi i ditës:

A ka politika frikë nga SPAK-u?

• Po

  68.7%

• Jo

  26.7%

• Nuk e di

  4.6%

Vota total: 2767

• Sondazhi i ditës:

  A ka politika frikë nga SPAK-u?

  Po Jo Nuk e di