Policia e Elbasanit ka arrestuar një 23-vjeçar, pasi dyshohet të ketë falsifikuar kartëmonedha. Në pranga ka rënë shtetasi Enea Shera, banues në Tiranë, në kuadër të operacionit të koduar ‘Supermarketi’.

I riu është ndaluar si rezultat i një pune intensive dhe të mirëorganizuar nga uniformat blu, pas një hetimi 6 mujor ku janë përdorur metodat speciale të hetimit.

Ndalimi i tij u bë në Elbasan pasi, në disa pika supermarketi në këtë qytet për blerje të ndryshme ka përdorur disa kartëmonedha të falsifikuara.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Falsifikimi i monedhave" parashikuar nga neni 183/2 i Kodit Penal.

d.c./shqiptarja.com