Hersi Matmuja është ajo që ka ‘prerë biletën’ për të përfaqësuar Shqipërinë në evenimentin më të madh të këngës evropiane në edicionin e 59 që do të mbahet në datat 6, 8 dhe 10 maj.
Hersi Matmuja do të këndojë në natën e parë gjysmëfinale, pra në 6 maj në versionin anglisht, “One Night's Anger.”
Kënga me titull “Zemërimi i një nate” me vargje të Jorgo Papingjit dhe muzikë të Genti Lakos doli fituese e Festivalit të RTSH-së, në natën finale të 28-dhjetorit të vitit të kaluar. Hersi Matmuja u përzgjodh mes 16 këngëtarëve të tjerë nga një juri prej 7 anëtarësh.
Matmuja është 24 vjeçe. Ka lindur në Kukës, por nga viti 2009 jeton në Romë ku ka studiuar për kanto në konservatorin e Santa Cecilias. Pavarësisht moshës së re, ajo ka marrë pjesë në Festivalin e Radio Televizionit Shqiptar 5 herë.
Nga viti 2010, edhe pse jeton në kryeqytetin italian, është ngjitur në skenë në të gjitha edicionet e festivalit të këngës në Tiranë e dhjetorin e shkuar, me pjesëmarrjen e saj për të pestën herë, fitoi çmimin e parë duke u bërë përfaqësuesja e radhës. Vitin e kaluar, vendi jonë u përfaqësua nga Adrian Lulgjuraj and Bledar Sejko me këngën 'Identitet', por nuk arriti të ishte njëra prej këngëve finaliste.
FAKTE RRETH EUROSONG
Çdo vit më shumë se 125 milionë njerëz e ndjekin Festivalin;
Noel Kelehan është legjenda e Eurosongut. Ai është kompozitori i 5 këngëve fituese të Irlandës (1980, 1987, 1992, 1993 dhe 1996);
Dirigjenti Dutch Dolf van der Linde ka kompozuar 7 këngë për shtetet të ndryshme (Belgjikë, Gjermani, Irlandë, Luksemburgu, Holanda , Suedia dhe Zvicër);
Johnny Logan ka fituar Festivalin tri herë. Në 1980, 1987 dhe 1992;
Norvegjia është shteti që është pozicionuar në fund të listës 10 herë, më shumë se çdo vend tjetër. Vitet e pafat kanë qenë 1963 , 1969 , 1974 1976 , 1978 , 1981 , 1990 , 1997 , 2001 dhe 2004;
Megjithatë, Norvegjia është shpallur tre herë fituese e festivalit (1985, 1995 dhe 2009);
Irlanda ka fituar 7 herë, Luksemburgu, Francë, Suedia dhe Mbretëria e Bashkuar 5 herë;
Në vitin 2001, u shënua audienca më e madhe që ka ndjekur Eurovision Song Contest;
Pothuajse 38,000 vetë u mblodhën në stadiumin ‘Parken’ të Kopenhagit në Danimarkë për të dëshmuar fitoren e parë të Estonisë;
Në vitin 2011 në festival morën pjesë 43 vende, më shumë se çdo vit tjetër;
Në 60 vjet festival janë kënduar më shumë se 1 mijë këngë;
Redaksia online
(esh/shqiptarja.com)