Matura, ja përgjigjet e sakta
për lëndët me zgjedhje

TIRANE - Mbi 50 mijë maturantë në të gjithë vendin u janë nënshtruar dje, dy provimeve në të lëndëve me zgjedhje. Që është edhe testi që përcakton degën se ku do të nisin shkollën e lartë. Për rreth 3 orë, maturantët iu nështruan provimit për dy lëndët që ata kishin zgjedhur nga 26 në total, ndërsa për shkollat profesionale të rinjtë iu nështruan lëndëve specifike. Këtë vit risi ishte se të rinjtë mund të zgjidhnin vetëm dy lëndë, me jo më pak se tetë kredite, ndërkohë që vitin e kaluar kishin më shumë lëndë për të zgjedhur.

Gjatë mbrëmjes së djeshme, MASH publikoi edhe çelësat e lëndëve me zgjedhje. Në këtë mënyrë të rinjtë kanë mundësi të krahasojnë përgjigjet që ata kanë dhënë në fletët e tyre të provimit, me përgjigjen e saktë të shpallur nga MASH. Dhe kështu të bëjnë një llogari se sa pikë mund të kenë fituar. “Shqiptarja.com” po publikon zgjidhjet e sakta për disa nga lëndët më të preferuara nga të rinjtë, siç është anglishtja, fizika, kimia apo letërsia e thelluar. Ndërkohë që gjatë ditës së sotme pritet të dalin edhe notat me të cilat janë vlerësuar maturantët në provimin e matematikës.






(Shkrimi u botua sot në gazetën "Shqiptarja.com" (print), e diel, 30 qershor 2013)
(ar.sh/shqiptarja.com)